村校女孩考小一

judy

我家也不是富有，看見音小電郵，全年52000，嚇了一跳，如讀，要做多份partime。

依家百物騰貴，特别是教育，更是貴得驚人，現在52000，到小六，要62000吧？如要做多份partime才可負担學費的話，真不建議你讀私校。

以師資比例、師資質素來說，全港學校實無大分野。

little_yolky

明天更好！ 發表於 16-8-19 13:29
多謝！今日先有人叫我唔好去考GH，話不收低下層人士……

樓主, 首先, 你一定要清楚改變自己錯誤既觀念：直私學生家庭背景無咁雜, 學生乖D呢個諗法。我話你聽, 我小朋友幼稚園係村校, 好多新移民媽咪, 但係入得果間幼稚園既, 大家家長既教育理念都好一致, 為咗小朋友開心讀書同埋學習自理, 小朋友家庭背景係雜, 但個個細路出嚟行都有規有矩, 見得下人。睇返依家私校既家長, 話就話大部份都係中產, 7-8成細路係原校幼稚園直升, 但D細路都係好曳, 又無禮貌。

其實你最緊要了解下自己區校網, 有邊D學校老師真係用心教, 有邊D係hea教, 個校長係好重要的, 所以, 要去參觀學校, 要去聽校長講。依家好多地區一、二線學校其實好有心辦學。再加上, 你去屋企附近了解下有邊間補習社有外籍老師口碑好, 細細個開始打好個英文底, 呢樣好重要。另一樣重要既係中文, 唔好只顧住考學校, 因為依家小一D中文真係好鬼深, 小朋友盲字都唔識多隻就要做閱讀理解, 又話普教中, 真係好攞命, 你依家等小朋友幼稚園仲得閒, 日日同小朋友去圖書館借本中文書一齊讀, 手指住個字嚟讀, 等佢認多D字, 要日日讀。咁樣, 佢又錫你多D, 又學到認字, 簡直一石二鳥。



你一定要熟悉香港既升中制度, 就算考到GH, 但佢只收返約5X%學生入中學部, 小朋友入唔到呢5X%, 都好大可能入B2中學, 但如果你入地區二線小學, 但入到全級頭10名, 真係燕瘦環肥B1中學大把得你揀。我哋看事情唔好看眼前, 人哋點話你唔緊要, 最緊要入到間好學校, 然後打好中英文基礎, 有餘力就加多一項半項體藝(唔好多, 最緊要有一把刀利, 好過張張刀無把利), 錦上添花就very good了。唔駛理人點講架, 我老公屋企果邊個個細路都係入一線小學的, 個個讀書鬼咁叻, 得我細路讀二線, 好多白眼架, 我當時運高睇唔到就得。明天一定會更好的, 放心。

Lsm948

原帖由 little_yolky 於 16-08-19 發表
你間好貴喎, 我間係$170一堂, 係英國人嚟。不過, 因為D班成日常滿, 所以只參加到一星期一班, 想上多一班都 ...

請問在哪裡?

retriever

ok3 發表於 16-8-19 17:15
我相信絕大部分父母嘅出發點都是"為子女提供最好". 當然, 唔排除有少部分係為虛榮. 不過父母如果係為個人虛 ...

其實我反對 "為子女提供最好"...


最理想係SUB-AVERAGE

ok3

retriever 發表於 16-8-19 18:56
其實我反對 "為子女提供最好"...

其實教育方面, “為子女提供最好”我支持㗎! 物質嘢就不必啦!

chitchitboy

Sub average 好贊成

retriever

原帖由 chitchitboy 於 16-08-19 發表
Sub average 好贊成

handshake ; -)

retriever

原帖由 judy 於 16-08-19 發表
依家百物騰貴，特别是教育，更是貴得驚人，現在52000，到小六，要62000吧？如要做多份partime才可負担學 ...

有一點要特別提下，同樣要俾錢。

直資既財政壓力係低過私校好多，因有收政府人頭錢。。。 私校係完全學費自負盈虧。


所以按統計，亦係私校學費加幅比直資大得多。

擔心將來財政負擔要留意。

JJDINOSAUR

原帖由 retriever 於 16-08-19 發表
其實我反對 "為子女提供最好"...

唔係好明，可以具體舉例有関 sub-average?  真心請教，有心學野 🙏🙏🙏

我個人係想喺教育呢個版塊提供子女最好、最合適，例如仔英文較好，我會 prefer 英文小學，希望佢學習上可以如魚得水。其他生活上，走中庸路線，例如會買新衫，也會接收朋友舊衣之類。

lui

原帖由 retriever 於 16-08-19 發表
其實我反對 "為子女提供最好"...

千金難買少年窮

lambeanmama

原帖由 little_yolky 於 16-08-19 發表
樓主, 首先, 你一定要清楚改變自己錯誤既觀念：直私學生家庭背景無咁雜, 學生乖D呢個諗法。我話你聽, 我小 ...

非常同意你所講的。樓主在言談間表示出她認為直私比津小的收生"較有保證", 某程度上我不反對，但假如要做part time 才勉強維持到，犧牲與子女相處的時間，我覺得真的有點本末倒置。這不是"死充"與否的問題，是整個家庭的生活和開支需要的考量。

retriever

原帖由 JJDINOSAUR 於 16-08-19 發表
唔係好明，可以具體舉例有関 sub-average?  真心請教，有心學野 🙏🙏🙏

我個人係想 ...

就算非物質既野，最好唔係你父母提供，係細路自己經歷同發現。。。


譬如： 有無諗過點解物野都有course上？ d家長又係唔係都安排細路上咁多course...

JJDINOSAUR

原帖由 retriever 於 16-08-20 發表
就算非物質既野，最好唔係你父母提供，係細路自己經歷同發現。。。

明白，多謝賜教！

lvmh88

原帖由 明天更好！ 於 16-08-20 發表
其實D人叫我唔好考，係咩心態呢？

好簡單，少個人爭

99dogdog

原帖由 明天更好！ 於 16-08-20 發表
其實D人叫我唔好考，係咩心態呢？

其實點解你要不停將個post 推返上來？作自己紀錄？好多前輩前面已經幫你分析咗亦俾咗相關既實用意見，不如你都好好咀嚼當中內容再去為自己小朋友搵個適合既方向發展啦！唔好是但諗個問題又問！咩心態呢啲，你懂的！

99dogdog

原帖由 明天更好！ 於 16-08-20 發表
我只是想盡量不開太多個帖……我唔明我有錯嗎？

唔係開唔開post問題，如果你咁都仲唔明我都冇辦法！

lambeanmama

原帖由 明天更好！ 於 16-08-20 發表
其實D人叫我唔好考，係咩心態呢？

其實無人叫你唔好考，而是叫你想清楚家庭，財務等各方面才報考。我孩子才K1,還要是囝囝，無緣考DG 和GH 的。你考與不考，對我，及其他幾位苦口婆心的JM 是無影響的。