delete

晞晞爸b

DollyCC 發表於 13-6-8 15:03
我建議上語言社交班，玩下學表達下自己，對考名校就唔知有無用，但對情緒管理，自信心就有用。



  ...

都好喎，謝謝你嘅意見！

晞晞爸b

torunpoland 發表於 13-6-8 15:52
回復 晞晞爸b 的帖子

樓主，對不起，我收回”你意圖做點事令自己好過點的”說法，對不起！在此，誠懇的對 ...

其實我都要向你講聲sorry! 我語氣都重咗d.請原諒！
你講嘅嘢好中肯，也很一針見血！謝謝你！
其實另外一個比喻係：大吉利市病咗，身為父母，會用盡任何方法（西醫也好、中醫也好、偏方、甚至去求符等等）去求去拜都好，只希望仔女好返，這比喻唔知會否太離譜，但希望你明我意思..只要任何方法能夠啟發仔仔開聲講野& 對佢面試有幫助嘅，能力範圍許可之下我都願意一試，明知學費唔平及效果係未知數，都要試一試。到最後嘅結果萬一真係唔理想嘅（冇offer嘅），都算試過，唔會遺憾。

晞晞爸b

deniseL 發表於 13-6-8 16:18
我仔係十月超大b，而家只有邨校k1 offer，我決定今年再戰k1，如果仍冇心儀offer就原校直升，又睇埋佢開學後 ...

謝謝你的寶貴意見及鼓勵！係呀！我仔都係坐唔定果種，舊年去面試又係唔睬老師果隻，所以當時in到一半都心知衰硬..
希望藉上PN 班能漸漸train佢耐性及定力，還記得剛返英記冇幾耐，家長日見班主任，班主任話仔仔有時會調皮到專登坐第二個位，試探下班主任（同班主任玩）睇下班主任記唔記得佢坐邊個位（考班主任記性），之後班主任發現咗仔仔玩呢d遊戲就叫返佢返去自己嘅位坐好，仔仔仲好開心笑笑口覺得好好玩，呵呵
，真係難為咗班主任咁好脾氣及耐性。



香港嘅小朋友好慘，嘅升學制度係咁，唯有遵循嘅遊戲規則去做，大家努力！

晞晞爸b

anghappyfamily 發表於 13-6-8 17:05
小朋友講話進度有快有慢，如果你真的好擔心小朋友的言語進度，或者可以見下言語治療師 (ST), 比 ST 同小朋 ...

謝謝！會觀察下睇下如果情況再冇改善到嘅話，會去睇ST.

晞晞爸b

bearwhat 發表於 13-6-8 17:45
如果仲未講到句字就真係有問題...花錢讀面試班..不如去玩興趣班...1-5放學後去學...好過長時間對住工人姐姐 ...

謝謝！已俾咗$面試班，讀住先。

晞晞爸b

TeriAnla 發表於 13-6-8 17:56
十分明白你的感受，我都係超級緊張媽媽。囝囝27個月，都係講緊單字，我剛剛才搵語言治療師朋友了解下囝囝嘅 ...

好同意你最後果幾句說話！一齊努力！

晞晞爸b

Ononma 發表於 13-6-8 21:22
如果許可嘅話，會吾會考慮搬屋。雙管齊下，考吾到都抽到，考得到又抽到嘅話，仲多個選擇潻。有朋友讀名幼又 ...

有。舊年報埋SPC & SKH ，亦去玫瑰崗排咗4個鐘隊交表當時已打算如果呢幾間學校有offer嘅話會搬屋過香港或九龍租住先..

來緊k3果年應該會搬九龍（現住元朗）租房（大抽獎期限之前），希望萬一考唔到嘅話都抽到（不過我呢世人冇咩抽獎運）

晞晞爸b

唔好意思，大家見到我上面嘅回覆可能都悶了...

講返今日下午上堂（第一堂）嘅情況：
原來有d出乎意料，仔仔全程上堂都冇喊（聽老師放學同我地講嘅），
我諗我地早十五分鐘（第一次去）warm up 及俾仔仔熟悉下環境及平復下心情係啱嘅，又可能佢返慣學（PN),可能都有幫助掛。

由於全程冇父母陪，我同我太太只能在出面等，唔清楚裡面嘅情況，只聽到耐唔耐會有小朋友喊..可能怕生掛..

等待其間同中心其中一位負責人傾關於考k1嘅情況，覺得都幾好亦有得著。


下課後只見仔仔係笑住出來，我有surprise. 新環境、新同學、新老師，唔單止冇喊仲可以笑笑口行出來

老師有特別同我地講小朋友上堂時坐唔定及其他小細節嘅野，又有本手冊裡面有上堂小朋友嘅表現嘅評語，講真我又幾驚奇，原本以為上完堂走人（好似我之前試過果d playgroup，落堂就拜拜，老師都唔會點太認真去follow up),今日俾我感覺佢地都算認真，有d impressed!

暫時第一堂係咁，我當仔仔返playgroup玩下，希望會漸漸一點一點進步吧！

Toffee888

晞爸，分享少少我的经驗
我仔仔都好遲講句子，大概兩歲十個月
方法一，吹波波
唔好睇少吹波波，因为原来用囗吹的过程係訓練囗仔肌肉。
我仔仔吹了後有明显改善。
方法二，奖励法
曰常生活由短句子開始。
由佢只叫水水，到鼓勵佢我想饮水水
不定重覆，我想。。我想。。我想。。
做得到，大力讚賞，賞貼子。。。啟發問題，貼子靚唔靚呀？教佢講貼子好靚呀！謝謝爸爸。跟住教。。我喜欢。。。我覺得。。。希望幫到你

whitepurin

我完全明白你的感受，因我個女同你仔仔類似情況，有少許不同係佢其實在家係好多嘢講，但出到去對住陌生人就唔肯睬人，叫佢say個hello, bye都唔肯，唔駛諗都知考咩都衰，唔好話offer, waiting都無佢份。有時真係覺得好唔開心，其實我覺得我女唔係真係咁差，甚至我覺得佢係幾有語言天份（不過可能我諗多咗，而家好多細路都好叻），但就係性格內向慢熱，就咩機會都無。我以前都覺得d咩班咩班好無謂，但眼見女女咁，將來小一真係唔知點算。而家幫佢報咗小司儀班，遅d會報話劇班同英文班，其實都唔知有無用，但真係唔知點先可以令佢無咁怕生保。

kittypmlau

英記有無全日班？你仔仔講野慢係因為無語境，報面試班如果有閒錢無壞，好似你自己講，當playgroup甘上

tobaby2010

回復 whitepurin 的帖子

Same here. 唯有interview 前同佢講，答完老師會俾糖食（whatever your kid like), it may work。有次in完 (呢次係全部答兼正確咪又waiting，細b)，老師俾玩具，佢問＂糖呢？＂我話係出面攞（其實係我袋度有準備）。
小司儀班，咁細有咩，請問邊間有。

tobaby2010

咁你有冇諗過換姐姐？你知請工人，有乜請乜,仲要睇彩數，(當然有interview). 結果第一個印妹，流俐Cantonese.所以亞仔中文ok,但她要跟鬼佬走，兩年後又請。你知印傭limited 出境，我請菲妺(25 single),最初驚佢哋溝通唔到，請大假陪佢哋。點知亞仔完全立刻忘記之前嗰個，仲一個講Cantonese,一個講english (加d body language). After 10 months, 亞仔英文ok (加有番英普PN).

但識講唔代表interview 會講，睇小孩心情。你試下要佢講，先俾佢想要嘅嘢。

littlecatmiko

其實報咩course 俾仔仔都冇話啱定錯，你唔試過點知有冇用，毋須要想太多。我想講嘢係，你既然知道你兒子的問題所在，但你好似只在乎考唔考到名校？ 恕我直言……怕唔識教？有邊個一生出來就識教小朋友，問題係你有冇心學，肯唔肯用心機和時間陪伴你小朋友成長。你小朋友是细b, 講嘢可能進度慢d, 但我覺得問題在你地到，在幼兒時期，父母陪伴是十分重要，你話你兩公婆都好夜收工，我明白為生活，可否是但一個揾份時間好d嘅工，寧願揾少d? 早上呢？早上都冇時間？你話工人只懂少少國語？為何唔叫佢學？起碼都要識些簡單溝通，佢地學語言好快，每日你工人同小朋友玩乜？我女兒就黎兩歲，她是我地第一個小朋友，我地都係要返工，都係乜都唔識，只係不斷學習，我發現小朋友要俾無限的鼓勵，支持，要幫佢建立自信心，教佢分對與错，只要我知道佢能力做到，就會引導佢做，她每天都開心學習，我亦會叫工人每日指定陪她玩我编排好嘅野，我放工返屋企就陪她玩，唱歌，跳舞，睇書。就算小朋友返學，學校只是輔助，最重要係家庭教育,。

whitepurin

有試過袋定朱古力同佢講答完有得食，但去到都係唔肯出聲 我喺去屋企附近的梓峰教室上小司儀班，應該3歲先開始上得不過我地早咗dd比佢玩，其實都唔知好唔好，志在近同比多d機會佢接觸其他人講嘢

tobaby2010

回復 whitepurin 的帖子

我屋企附近都[size=15.277776718139648px]有梓峰教室, [size=15.972221374511719px]通常3歲先開始, so I haven't even looked at it.

fafapot

為人父母真難。考名幼都係為左比個機會小朋友有好嘅起步。考唔考到要睇佢自己造化。名幼都唔一定考到名小，我身邊就有好多 sample。 反而見到有朋友讀村校，去第二區考名小，得左！ 聽落好似好 amazing, 但事實係唔可以單靠學校就以為可以攞到名小入場卷，家長本身都要共同努力。唔好比自己壓力，小朋友係 feel 到嫁。其實英紀都已經係好學校，人比人比死人。你小朋友返學開唔開心呀？如果唔能夠由愉快中學習，就算係神級名校我都轉校。自信係從小建立，德育、价值觀亦不容忽視。加油吧！

HadesBB

晞晞爸爸，我諗我知你參加咗邊間面試班，因為我之前都有參加過，容許我以過來人身份同你分享一啲感受！
面試班係唔係好有用，我覺得一半半啦，我覺得呢間中心既導師好正面，好識得幫你分析你既小朋友係邊種類型，我小朋友都叻咗同大膽咗！
但面試班既決點係只會令你更加擔心，因為你會比較更多，聽更多了解更多，我之前都好迷網，行錯好多路，甚至迫到自己好辛苦，連小朋友都好辛苦，你要記住兩歲七個月仲好細，唔可以迫太多，我曾經都覺得我個仔學咩都比人慢，但最後原來我發現係我比人心急姐，經過上年考k1既過程，我後來睇開咗，我明白人生路上每一條路都可以去到成功之路，只係比較平坦定崎嶇，而人生有太長既時間係要同人競爭同面對唔開心既事，如果我而家開始迫我個仔，佢連快樂童年都冇，咁我並唔覺得我真係為佢著想，我不停問我其實想我個仔點，後來我終於諗返起係佢未出世時，我求上天要保佑我bb可以開心健康咁成長已經夠了！
係我諗通之後，呢半年，我見到我小朋不停咁進步，我好開心，佢雖然唔係特別叻，但進步已經夠了！
可能你會覺得我講好多無謂野，我只係想你明白，你已經將自己迫入困窘，我唔想你好似我之前咁差啲要睇心理醫生，路其實多的是！呢個世界上最重要係你個仔，冇野比佢活得開心輕鬆自在更重要！
你係一個好爸爸，我們都知道，我祝願你可以放開心結開開心心

bamalamb

原帖由 HadesBB 於 13-06-09 發表
晞晞爸爸，我諗我知你參加咗邊間面試班，因為我之前都有參加過，容許我以過來人身份同你分享一啲感受！
面 ...

Agreed!

到快要轉牛角尖之前，可以回想最初小朋友出世，我們都曾經許下願望，只要他們開心健康成長就心滿意足了。現在你要他不斷往上爬，但可能忘記了自己最原本的願望。比起好多人你真低處未算低，別令自己不斷因為追求名校問題失去育兒之樂趣。共勉之。