荃灣聖芳濟中學, band 幾???

rclamlam

xmanman

葵青區band 1中中係多過荃灣區, 以我所知, 葵青區既band 1中中係需要拎成績表去取申請表(自行), 好似陳兆民/八三總理/伍若瑜都需要, 如不符合基本收生要求係唔會派表比你, 拎左表唔等如你會交表, 因為有好多家長先拎左表再諗清楚.

中一簡介會每間學校都唔同, band 2既學校係好少有簡介會, 我只去過李賢堯有, 東華三院既中學係唔會有簡介會, 佢會做聯校展, 舊年就係青衣城, 時間大約由11月到2月, 亦有聯校參觀, 到時學校會有通告通知家長有無興趣參觀架啦.

xmanman

rclamlam

唔該晒,  其實我有聽人講陳兆民/八三總理/伍若瑜都唔錯, 但我對它們認識唔多,  所以才想藉介簡會多些認識這三間中學, 如果無介簡會, 可以在那裡找資料呢???

或者家長可以比多d料我 , 謝謝!

RT

rclamlam,

好多謝你既心得, 如果有時間分享下你囡囡既升中過程呀, 等我知多的經驗都好, thx   
講開又講, 陳兆民係我個年代係出左名既"飛仔"學校, 估唔到依家咁有口碑, 唔知係咪換左校長呢? 聽聞以前梁省德校風都唔係幾好, 自從轉左校長之後大力改革, 才有現時既成績, 所以校長對一間學校都好關鍵吓

Hi, xmanman,
我囝囝同你囝囝都係今年升p.6呀, 又係同一個區, 程度差不多,希望同你多的交流啦. 我兒子係天佑讀,你呢? 另外你會唔會同囝囝報定的直資學校打底呀?

Hello, M.Lam

你所講既學校係咪廖寶珊呀? 其實我都有考慮架, 因為就近屋企, 唔知校風點呢? 同埋收band幾學生架? 萬分感激

xmanman

RT

我囝囝讀官小的,  直資學校打底可以嗎??? 但我聽講如果報了直資,  直資收左,  其他就會無行???  唔知係唔係呢???   另外你有什麼好的直資介紹呀??

我都覺得你講得好對, 好校長對一間學校都好關鍵

RT

xmanman,

我都有朋友囝囝讀麗城官小, 上年派左去安柱, 開心死佢呀, 我諗2間官小都唔會派得差, 唔使擔心...

直資我查過最近要到沙田, 口碑好既有培基, 新校有培僑,王錦輝, 尤其是王錦輝, 校舍好大好靚, 重有室內泳池,我諗小朋友係度讀書會幾開心,不過學費又係最貴,要36000/year
其實諗住報直資都係打底咋, 一來花幾十元報名費可以比個仔練習下到學校面試係點, 到的學校真係收左先諗下讀唔讀囉, 二來唔知阿仔p.6成績會係點, 假如上升既就哽係等派位, 相反既咪入直資囉  

xmanman

RT

係呀,  聽講今年很多派到第一自願! 今年好多家長都好開心!

沙田太遠了,  "李國寶"都係直資, 在mei foo,  但係詳情唔多清楚啦,  只聽聞活動費用要另外比錢

rclamlam

xmanman,

李國寶唔係美孚架, 係美孚附近係深水步祟真/聖瑪加利, 李國寶係大角咀(旺角)新屋苑個邊. 三間都係直資, 多數band 2頭既學生會讀, 因為係英中.