迦南幼稚園 家長分享

emilylin

法子
Bovie 都考得好好,值得獎勵吓   
emily唔係好似bovie咁有,佢係分5個評級,5係最高分,好似每個月派個d評級表一樣,分好多目錄睇佢表現,大部分都係4同5分,5分有8個,都算係咁啦,最大驚喜係普通話簡單對答都係5分
係呢放復原節假有冇諗住去邊到玩??

法子

emily,
emily考得好好,普通話有滿分好叻呀!復活節十幾日假,Bovie都冇咩著落,未有打算.唔知有冇D復活節課程可以比佢上下呢?

知唔知荃灣付近有冇D好0既婦科醫生?我依幾日唔係好舒服,想去check下.

funnyleung

綠楊坊平台二樓6號有盧乃本醫生(24987288)或路德圍50號嘉新大廈胡廣森醫生(24177266)

法子

funnyleung,
我明天找時間去睇.thank you so much!

emilylin

法子
我都想知復活節有咩課程,我要搵吓先,有料大家研究吓,
你冇咩嗎,小心身體呀,係路德圍鄧錫英醫生都唔錯,我生emily都係搵佢,電話係24999268,但呢個星期放假要3月7日先應診,不過係佢隔離個胡醫生都唔錯,你睇吓點啦,多d休息啦

法子

emily,
我一向身子差,唉....前幾日分泌有小小血,但又唔係M.琴日又作發燒又流鼻水wing wing地,今日好D但都係流鼻水.

鄧錫英今早諗住打去booking,點知7/3至開,胡廣森仲跨張排期至11/3,我冇排la.我之後book左綠楊盧乃本,都要book到7/3.(D專科醫生永遠要booking,walk in又唔比睇喎,有時仲排成2個星期之久,真跨張..)
唔知付近仲有冇婦科醫生,排期可以快D有得睇呢?     

Bovie3月開始上學校畫班,放學小休後直接上堂,睇下佢學成點.
你堂妹係咪仲係綠楊YMCA教芭蕾舞?

emilylin

法子
荃灣好的婦科醫生多數係路德圍,仲要排好耐添,胡醫生排到11/3算早啦,鄧醫生可能仲要耐小小,但鄧醫生真係好詳細架,盧乃本係荃灣港安都有排牌睇,你試吓打去睇吓會唔會早D,仲有個荃灣港安新婦科醫生,應該可以約得早小小,個電話係22767888,生過BB係多D煩野架,放鬆D冇事嫁
我都想幫emily報學校個d課程,但d時間唔得,而家都搵緊d星期六日上堂的
佢應該仲係YMCA教,你想報呀??

法子

emily,
唔該曬你,我明天試下打去book.
因為Bovie剛報左ymca 個ballet玩下(唔知係咪你堂妹教呢?),
我想幫bovie買過套芭蕾舞裙&鞋..之前套衫太窄要買過.小朋友大得真快.

emilylin

法子
咁bovie幾時開始返呀,佢而家仲有冇返童軍呀??

法子

emily,
Bovie 今星期日開始係ymca上ballet,天氣咁凍,都唔知同唔同佢著芭蕾舞衫好呢 童軍仲番緊,今個星期六仲會出外探訪老人中心.好好玩架     

emilylin

法子
你冇冇打電話去book呀??呢幾日好涷點著芭蕾舞衫呀,我想問你返童軍係唔係你同佢一齊上,一次要返幾耐,如果係探訪係唔係可以家長同行??

法子

emily,
我試過打,不過lunch time 打2次都唔通,我會再試下架!
呢幾日真係好涷,唔著芭蕾舞衫;穿便服跳,唔知得唔得呢?
童軍係Bovie 自已上架,每堂1hr15mins,探訪都係Bovie 自已去,家長唔去架.Bovie 話會唱2首歌比公公婆婆聽(上幾個星期開始採排)又會同公公婆婆玩遊戲喎.
      

emilylin

法子
唱咩歌呀,係唔係"做隻貓,做隻狗"個首呀,會唔會唱粵曲呀   

法子

emily,
哈哈~~你真係攪笑呀    Bovie今次話唱小小童軍&我是個茶壺 喎~~(我是個茶壺 ......肥又婑呀        )

提外話:除左我地之外,好似冇其他迦南家長係度?   

emilylin

法子
係羅,好似得我地,點解其他迦南家長唔上梨呢,要係學校派吓傳單   
今個星期派左D評估表,emily有2個英文唔識,bovie點呀

法子

emily,
評估表Bovie 識曬,不過上個week有2個英文唔識,都OK la~
我今日卒之睇左醫生,初步照過冇咩問題,佢話可能賀爾蒙分泌.拿左D細胞做宮頸抹片,一星期出佈告,希望佈告都冇問題la~~(以後真係要keep住年年驗身至得呀)
so...今個星期我又會心掛掛;羅羅攣...     

emilylin

應該冇事,唔好自己驚嚇自己,不過有時做吓檢查都好架,係呢你係邊度睇,係唔係睇胡醫生呀??
bovie都幾叻喎,今日emily個班主任打電話比我話emily放假後冇咩心機上堂,今日做功課冇咩信心仲cry添,佢已經好耐冇cry啦,老師問我係唔係有咩唔開心,仲有話emily今日好多鼻水,有兩聲咳,可能有d唔舒服所以咁,唉,呢個新年emily食好多糖,我已經規定佢每天只可以食一粒糖,仲要係軟糖(冇咁熱氣),但每日放學都有好多糖袋返來,佢話係d小朋友請佢食,bovie個班有冇咁嫁,d小朋友會唔會都成日帶糖返去架,
係呢bovie係唔係搭校車,仲有佢個班主任多唔多同你傾計呀??

NamNamma

hi..
你們好..囡囡都係讀迦南 k1...   

emilylin

NamNamma

你好,得閑上梨交流吓,你囡囡讀上午定下午??

法子

emily,
我睇盧醫生,佢都ok.希望今星期醫務所唔好打比我,平平安安...     
bovie唔係搭校車架,我自已湊.有時番放學見到班主任會傾2句.先生未打過比我喎..
小朋友如果唔係爸爸媽媽湊,先生就會用電話同家長傾傾.或者小朋友係學校有咩特別都會打比家長.不過通常K1小朋友會電話聯絡得多D架.
我自已都好小打比家長,就算係都會係學校打,番到屋企要同Bovie 玩,(Bovie 好嘈架,打比家長唔係咁好麻)所以就唔會打lu~
Bovie 都係成日帶食物番學校分享,因為其他小朋友帶佢又想帶law    先生話食物過盛,叫小朋友唔好再帶食物番學住呀!~   
前幾日Bovie 唔開心呀,又離埋喊.因為有個小朋友話唔同佢玩.我同佢傾過,依家至好D ...Bovie 對人地講0既說話好上心呀..