急!學通利琴利兒童音樂班有用嗎?

beetle

gracecheung,

妳所指的課程是否kindermuXXX?

gracechung 寫道:
professional!?   多謝誇獎。如果你知道真相，我驚笑c你    雖然從事音樂教育已經差不多20年，但我再花幾年研究幼兒音樂教育同鋼琴教學，唔係為建立個人事業，唔係為搵錢，而係為...............教仔      頂得順冇

市面上各有唔同的course，各有特色，家長各取所需。我可以同大家分享一下自己對兒童音樂教育的想法。根據學者指出，均衡的音樂學習經驗應兼顧歌唱、聆聽、律動、樂器彈奏及創作幾方面 。坦白講，0係尋找教仔ge素材時候，我發現有一個課程好正，structure好好，教材配套豐富，並且幾貼近某些學者的approach    ，但可惜係HK人一直當呢個課程係幼兒playgroup，睇唔到原來高級組可以係咁全面的音樂課程。導致咁情形可能係因為攪呢d課程的人未必係讀音樂出身，所以唔知咁多，亦唔識點樣教得咁深入     ，需知道再好的課程落入唔識運用的人手上，都只係得物無所用 結果高級組ge課程缺乏支援，從此大家就認定左呢個課程係BB playgroup喇        [quote]
Adrianmom 寫道:
Hi GraceChung,

I'm happy to see your professional advice.  咁坊間又有無一些適合around2.5-3歲的小朋友的音樂班,妳recommend呢?

我的目的是想我的兒子從小培養音樂興趣,當然我希望將來他會對鋼琴有興趣!

adrianmom

  [/quote]

erikalo

我個女就上了佢地既ymc 班, 依架仲係上緊book 1, 對我來講, 我覺得係唔錯既, 我女係早前, 我係有比佢1:1 學琴既, 不過佢學得唔開心, 亦唔肯學, 次次都cry, 不過返了ymc 佢就無問題, 我個人覺得係1:1 對佢咁細來講, 有d壓力, 因為唔識睇, 又唔知點彈, 仲要佢連加減都學埋, 因為要學1/4拍 再加1/4拍咁, 佢根本唔明

但係上了ymc, 第一人多d, 開心d, 無咩壓力, 又有mommy 陪住上, 開心好多, 至於學唔學到野, 就睇家長要咩, 我好多朋友都話唔好, 因為個女學好耐, 都唔識彈下d 歌仔, 來來去去都係個2首, 不過le 點就睇人啦, 因為我無期望過ymc 教琴, 反而我只係想個女係音樂方面培養下, 多d接觸, 我想佢有d 基本功, 將來大個想學咩樂器都有少少basic,

所以ymc 係唔錯既, 不過唔好以為係學彈琴, 因為唔係一個彈琴班

beetle

另我想問fix-do 的意思是否指, 例如唱G-major 的do,re,mi(G,A,B)會變成so,la,ti?? 因我以前學琴時從未接觸過Fix-do.
我個女快上完3歲music wonderland.仲未開始接觸fix-do,應該4歲班才開始吧?
如放棄上4歲班, 市面上有冇一些好的音樂班不是用fix-do approach 呢? thanks a lot!

p.s. 我個女是非常喜歡上music wonderland的．

htcmama

erikalo,
agree with you. 通利呢個係音樂班, 唔係專教彈琴. 我個囡已上到book 4了, 應該明年暑假前會完成整個課程. 咁多樣興趣班當中, 阿囡最鍾意tom lee.
1. 因為有媽咪倍, 增加親子溝通, 佢係堂上表現得好, 我會即刻鍚佢一啖,佢會好開心, 會表現得更好.
2. 除咗鋼琴外, 有時老師會比其他樂器佢地試吓 (如三角鈴, 搖鼓), 仲會叫佢地一齊合奏, 學習合作.
3. 比機會佢地在堂上單獨演奏, 増加佢地的學習及練琴的動力.
4. 教佢地打拍子, 增加佢地的節奏感.
我覺得佢地的音樂班比較多元化, 小朋友上堂會好開心, 仲有父母的角色都好重要, 如果我地唔鼓勵佢地回家多練習, 小朋友當然會原地踏步啦, 難度你位朋友覺得只要每星期上一個鐘, 小朋友就能每首歌都識彈嗎, 跟本是無可能.
你知嘛, 當阿囡讀book 1 時, 我同佢一齊上堂會自己做筆記, 好認真咁真係學埋一份(因為我對樂器毫無認識的), 邊隻手指放邊個音, 邊個豆豆代表邊個音. 跟住返到屋企就同阿囡一齊研究, 我彈一次佢又彈一次. 佢當時仲讚我叻, 因為我識彈. 到而家book 4 了, 佢已經叻過了. 因為小朋友的手指的零活性比大人好. 我已經唔可以彃一次佢聽(就係因為d手指唔夠佢叻), 現在我只要提佢d豆豆同彈詳音, 佢自己試幾次已經可以學到彈首歌, 仲識睇幾時左右手一齊彈同彈幾多拍的關係.
我同你嘅諗法一樣, 將來都未必一定會學琴, 可能有其他的選擇, 報呢個班只係想佢試多樣嘢, 同其他人有多d接觸, 增加多d音樂及節奏感. 其實呢個課程真係比我預期得到的多.
有無用真係要視乎個人點諗同埋問吓自已付出咗幾多比小朋友.亦唔好因為一個point就沒殺咗整個課程的其他好處. 亦可以咁講, 每個父母的要求都唔同, 咁咪因應個人的需求來選擇囉.希望大家唔好介意我太長氣啦.

妤妤

想請問, 你哋上 tom lee, 係上邊一間, 如果在將軍澳區, 有邊位老師好呢, 請 pm 話我知呀

gracechung

引文：
sorry,咁啱路過, my daughter have joined the music wonderland (3歲班) half year, she is very happy and 拍子感 OK, 我開始想讀不讀下個 course ????
想問 Gracechung,我好有興趣know what the name of BB playgroup???照妳講,香港真是差, 唉!唉!唉!
--------------------------------------------------------

Hi sinyeebb,
又唔好咁講，香港係就係唔夠多元化，但又唔可以話係差，因為音樂教育o係HKge發展唔係太長，未成熟都唔出奇，只不過係我有機會接觸和學習，所以比一般社會上的認知行快一步。

我曾經都有講過，家長應該因應自己的需要各取所需。如果你的小朋友學得好又學得開心，就唔好擔心太多，而你既然已預見將來有可能出現某種狀況，咪早d籌謀一下lor。唔同人有唔同concern，舉個例來說，我的1st instrument係鋼琴，但今時今日我對音樂的看法已經係超越鋼琴彈奏。

更甚者，我認為應該衝破框框，不應以鍵盤作為兒童初期學習音樂的媒介，試問一個將來會學小提琴的兒童為什麼要浪費心力去記住琴鍵位置？更何況子女真正ge興趣在太年少時根本顯示唔到，你要佢揀，都要佢有足夠ge認識先識得作出選擇，大家認為合理嗎？

不如將心機花在加強音樂感、樂理、聆聽及唔同音樂文化的認識等，令個小朋友ge音樂底子同埋涵養深厚d更花算。純屬個人對音樂教育的意見，並無對其他課程不敬/貶低ge意圖，我現在只係以一個作為略懂音樂的母親的身份與大家分享我為個仔選擇音樂課程的criteria同埋理由。

原諒我又長篇大論！！！

VKwan

gracechung:
我唔係好明白，如不以鍵盤作為兒童初期學習音樂的媒介，仲可以用什麼？鋼琴/電子琴已經係最common的樂器，有其他樂器輔助學音樂嗎？

gracechung

雖然鋼琴係最popular的樂器，但我會視佢為演奏用的樂器，並唔係音樂班用的樂器。即類似小提琴、大提琴、單簧管…
而電子琴的觸感鋼琴唔同，以佢作為學琴前的踏腳石就唔係好適當，或許家長唔介意，但小朋友學習，都係"學貴慎始"好。

2nd問題：
音樂班用樂器有好多種，分為音調(pitch)及非音調(non-pitch)----sorry, 有d忘記了中文名。

有Resonance bar, Xylophone, Glokenspiel, Dulcimer二弦琴, 木笛, hand bells, desk bell…
另有各類大、小鼓， 各類shakers，三角鈴，ankle bell，各類木魚，響板, sand blocks，銅鑼，大/小雙鈸，搖鼓，木刮…

時代唔同啦，知識觀念改變，當然想比d更好條件/環境比d仔女，但回想自己細個果時，邊有咁多野？坐埋部琴度就彈，彈唔到就比先生用鉛筆敲手指     

sinyeebb

Gracechung,
Agree with u, however, you are not answer me the question what the course in HK  have your mention theory. thank you for your kind attention.

VKwan

    
gracechung
明白。收到。多謝你的講解。十分羨慕你的小朋友，有你這樣有見識的媽媽教導，他一定好smart