- 在線時間
- 197 小時
- 最後登錄
- 17-12-29
- 國民生產力
- 17
- 附加生產力
- 110
- 貢獻生產力
- 0
- 註冊時間
- 03-3-13
- 閱讀權限
- 10
- 帖子
- 1065
- 主題
- 18
- 精華
- 0
- 積分
- 1192
- UID
- 7901
|
原帖由 冰紫嫣 於 10-5-6 23:54 發表
臻媽:
想請問一個非我們討論學區的學校,"英皇書院同學會小學"這間好嗎?你對這間有點了解嗎?讀這間是否可以直升英皇書院?十分感謝。
我個女係英皇一校就讀小一, 可以同你分享我去年叩問既經歷, 感受/睇法.
我本來最心儀既係灣仔嘉諾撒聖方濟各, 可惜經過一翻努力和戰鬥, 還是不成功. 去年6月底時, 去過5間學校面試之後, 老公心身疲累, 叫我還是放棄我心儀學校和戰爭. 於是在我投降時, 我老公同個女一致通過"英皇一校".
註: 我叩了聖方濟各,聖保祿, 東華三院李賜豪, 英皇一校, 聖公會基恩, 只是聖方濟各和聖保祿不收我個女.
老實說, 咁多次面試, 英皇給我感覺是最有誠意, 好歡迎我個女去讀. 我個女都話最開心既一次面試. (哈哈! 好多人話我地一家naive, 又比個校長"握"左.)
我身邊有街坊, 同事, 甚至有bk媽咪, 都話點解簡依間啊? (我從學校社工打聽依間學校幾年前行政上出了問題, 但唔係好清楚係乜事. 不過anyway, 而家有冇事我都唔係好清楚, 因為我冇參加過任何家教會既事, 連學校活動都唔係好參加, 因為實在冇時間.)
我只可以話一切都係神既安排. 我不能用好與壞來評論依間學校, 但一定係一間唔係好受歡迎既學校, 從學生人數就知道.
小一有兩班. 亞女班有20人, 另一班只有17人. 亞女班20人佔15人以上係新移民家庭. 我一個家長都唔識, 因為試過係家長會上溝通唔到(聽個家長講佢個仔個名, 聽左5次都聽唔出佢個仔叫乜名.)
不過對於我個女來講, 係一間十分適合佢既學校.
1) 由於人少, 老師對學生睇得好緊. 初開學時, 我每日都比班主任捉住投訴, 就連一d小事佢地都好緊張要個小朋友改善. 搵社工幫手, 佢地又好快處理, 所以我好放心.
2) 由於校長面試, 對我個女好有印象, 就連書記, 校務主任都好鍚我個女. 我老公話有咁多高層"照"住, 我個女實唔會比人"蝦" (依個都算係事實, 實在好多老師, 不論有冇教佢, 都好鍚我個女.).
3) 老師都算係有耐性, 因為聽我個女講, 佢班同學係"騎呢怪"(其實我個女都係, 不過佢唔認.), 老師都比心機同佢地周旋.
4) 我覺得副校長係一個十分"掂"既老師. 佢教學技巧十分了得. 佢攞過兩屆乜乜全港最佳老師獎. 每朝佢都企係學校門口迎接學生返學. 我從佢身上都獲益良多.
5) 學校氣氛好關愛, 我唔敢話冇"大蝦細" (風紀通常都會查住雞毛當令箭), 但都有好多大照顧細既事情發生係我個女身上.
6) 課程比較淺, 工課唔算多. 不過通識題有時有d離譜 (5區公投港島代表係邊個?). 課外活動都好多元化.
7) 依間學校係冇同英皇書院聯繫, 但英皇書院校長都好比面去學校搞小六校長會, 又派英皇學生去校做 Reading Programme, 陪d小朋友睇書. 另外聖約瑟書院都有派學生來做reading programme.
我唔敢推薦依間學校, 我只可以講我好安心放個女係依間學校讀書, 不過我自己要係功課方法加d "補品"比個女, 我覺得個女先有競爭力.
所以各位家長, 我鼓勵你地努力向心儀學校努力, 亦不妨多叩幾間, 可能誤打誤揰會搵到一間合適既學校.
p.s. 點解我會向依間學校叩門? 係我以前個老闆, 佢係科大教授, 佢亦係英皇書院舊生推薦比我, 所以我都不妨一試.
[ 本帖最後由 yuenwa 於 10-5-18 14:15 編輯 ] |
|
親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.
|