屯門區小學

ki33221100

june71212 寫道:
我又唔覺得梁下好過莊啟下喎,莊啟下因為收生少, 所以佢個校長實行小斑, 收一斑40人, 分開做兩斑, 人少d, 老師照顧都好d, 同埋陳校長話李兆忠入面, 大約平均每6人就有一個莊下的學生,可見派位唔錯, 堂堂校長, 無理由騙我地, 如果唔係之前話搬去天水圍, 攪到收生插水, 都唔會收得咁少人啦, 反觀梁下, 佢個網話band 1 生大約有100人,又有兩間聯繫英中, 但派英中得30幾%, 差唔多180人先得55人派英中咁少, 屯官都60%以上派英中啦(大約120人其中約75人派三間聯繫英中), 所以我諗如果鍾意小斑就揀莊下, 點都好過莊上少少

莊二下近幾年平均每年約2x人可入百周年，你可以自己計吓條數：百周中一名額為200人(唔計超收，現在教統局抓得緊，以前實超額收生)，反而上午校會有3字頭，我唔係話上午校好過下午校，僅以入百周年計，上午校比下午校略勝一籌。

係屯門的保良局小學中間，梁周是入英中比例最高及人數最多的。而官小為何有更多的人數入英中呢？這是由派位制度決定的：屯門區2間保良局英中聯繫6間保良局的小學，根據教統局的規定，可有共38x2=76個保留學位，即是76個聯繫位要給6間小學的學生分；而屯門區官中同樣有2間，但聯繫小學只有官立上下午2間，同樣有76個保留學位，官小平均每間38個英中位穩袋落個袋(現在轉全日制，合成一間，總人數不變)。加埋自行收生唔會專收邊間小學的學生，以及中央派位也不會有邊間小學的學生特別好彩，所以平均每間官小入英中的學生人數多過平均每間保小的學生人數並不出奇，唔代表教學質素高。

若只以入英中為目標，可以首選官小。但屯門區7間英中並不是同一水平的，以成績的排位分級如下：

A級        梁球琚(比較出名，因為谷咗10A生出來，而保良局的中學很難准許考10科，體育方面獲獎無數，在全港都小有名氣，學生開心程度就麻麻地，同百周一樣好大壓力)；
百周年(可惜退步了，不如當年的風光，好彩舊年會考成績好，05年升大學100%)；
董玉娣(近幾年一路進步，擠身A級，全屯門區最早取得所有教師語文能力達標，當時全港僅6間中學達到，05年升大學100%)；

B級        陳瑞芝(原本A級，近幾年有所退步，但陳瑞芝d先生好有愛心)；
兩間官中(入到精英班就話ok，入唔到仲不如讀好d既中中；兩間中學教師語文能力達標均未全部pass，希望計埋最近剛公佈的可以得，否則就誤人子弟了)；

C級        劉金龍(女校，成績不如幾間好的中中)

MT711

論成績:
屯官及南屯官遠不及百周&梁球琚:
百周上年中五會考生有841個優良, 梁球琚有849個優良,
董中有677個優良, 比率(61%)
陳瑞芝取A有170個, 優良比率(46%)
南屯官只有522個優良, 比率(30%)只有,  而屯官上年文科班居然有17個中六學額比外來生, 其他英中一個學額也沒有. 屯官只公怖: 在公開試中均能獲取優良的成績。

ada_Tsang

羅陳楚思都有自行收生架,你九月可以試下,我都好鐘意這間學校,但對我黎講都算幾遠,番八點,我怕我同個女都會辛苦,所以現在都在考慮當中,我個女派左去"中華基督教會蒙黃花沃紀念小學"聽人講都唔算差,但我都比較鐘意羅陳楚思同蒙恩,今日我先試下去蒙恩度報後補位,仲未知收唔收??要七月中先知,收我當然開心啦,唔收都唔怕,至於羅陳楚思我現在都未知去唔去報後補位,因為我個女都係讀仁濟既幼稚園,所以如果要轉這間學校都唔會太難,但路途都幾遠,現在都未決定到報唔報後補

健朗媽咪

  

津媽

hi joanneso,

我想問下你點様安排你

ki33221100

健朗媽咪 寫道:
''''''''''''
所以英中又好, 中中又好, 讀梁下,梁上,何日東,屯官,鄭任安邊間小學都好, 總之你哋覺得好, 你哋個小朋友好就得啦, 我哋唔好再拗啦,日日係咁拗好煩呀        

首先我諗你要改吓觀念，上BK來討論、post個人的意見，一定冇可能全體意見一致的，但這並非是同人拗，只是想「真理越辨越明」，所以各位負責的爸媽為了給孩子選擇一個最好的安排，用盡了各種的方法去了解學校、教育等情況，每位家長都驚第一步行錯了，會影響仔囡的將來。

BK有賴各位家長的支持，提供出大量相關的資料，大家可以各取所需，認同邊位的意見也悉聽尊便，其作用是方便了各位。

在另一個類似topic中，有關屯門區小學的情況，我有介紹我自己的親身經歷，希望可給大家一個參考：check here

健朗媽咪

其實我想問下,下午校返幾點放幾點, 各位有小朋友返下午斑的媽咪,你會要求小朋友d功課放學之後做,定第二朝起身先做呢?

june71212

ki33221100 寫道:
[quote]
健朗媽咪 寫道:
''''''''''''
所以英中又好, 中中又好, 讀梁下,梁上,何日東,屯官,鄭任安邊間小學都好, 總之你哋覺得好, 你哋個小朋友好就得啦, 我哋唔好再拗啦,日日係咁拗好煩呀        

首先我諗你要改吓觀念，上BK來討論、post個人的意見，一定冇可能全體意見一致的，但這並非是同人拗，只是想「真理越辨越明」，所以各位負責的爸媽為了給孩子選擇一個最好的安排，用盡了各種的方法去了解學校、教育等情況，每位家長都驚第一步行錯了，會影響仔囡的將來。

BK有賴各位家長的支持，提供出大量相關的資料，大家可以各取所需，認同邊位的意見也悉聽尊便，其作用是方便了各位。

在另一個類似topic中，有關屯門區小學的情況，我有介紹我自己的親身經歷，希望可給大家一個參考：check here[/quote]

我都有睇到你的發表, 我都覺得你用「誤人子弟」嚟踩間學校好唔啱喎, 無錯真理係會越辯越明, 但你咁踩人地d學校, 真係過份咗d, 無錯李兆忠同董玉娣都係好好的中學, 但係屯門唔係得呢兩間最好, 亦唔係屯門區唯一選擇, 仲有其他實力相若的學校,你嗰d ABCD級會令人誤會其他其間學校唔好, 仲有你d資料都唔係全部都啱, 就以10優生來講, 梁球琚00年出10優, 陳瑞芝98年出10優, 屯官02年出10優, 能夠培育出10優生, 係一間學校的光榮, 亦令家長對學校信心大增, 李兆忠雖然無出過10優, 但都有8/9優生,而且整成績都在三間出10優生之上, 所以呢四間都係屯門的top4同受家長歡迎唔係無理由, 同埋各校政策同發展唔同, 你唔可以胡亂用「誤人子弟」來形容, 有咁多人會考咁好同入到大學的學校都唔可以用誤人子弟來形容, 同埋之前你的發表屯門區小學, 你親身經歷,但你之前小學都係保良, 正明屯門的保良小學唔係間間都好, 同埋唔係間間都啱你個小朋友, 所以其他家長有其他選擇都好正常, 我哋發表意見的時侯,係有自由, 不過要中懇d, 唔好踩人, 咁會令有小朋友讀緊該校的媽咪好氣憤,

eyan

其實我地大家都有晒心水既中小學,我自己都有,但係6-7年後既中學會變成點,大家都吾知,可能變好,都可能變壞,情況無人會預計到,所以大家放鬆d,字句上,大家都可以用d客氣d既字眼,0廿就大家都開心啦.

eyan

健朗媽咪:
如果我小朋友讀下午校既話,我都會要求佢當晚做晒d功課,第二朝起身溫書.

MT711

不過要中懇d, 唔好踩人????????!!!!!!!!!!!
間間小學都係好學校的話, 家長便不用四圍撲學校啦!


學校裡面ge人？？     
激過我.....   

引文:
--------------------------------------------------------------------------------


june71212 寫道:
引文:
--------------------------------------------------------------------------------




--------------------------------------------------------------------------------


我想問下你, 咩叫個讀書叻那批學生是靠媽咪or補習社呀,你個小朋友放學返嚟, 有功課唔明,你會由得佢架, 定叫佢唔好做啦,你問我我都幫唔到你架, 你明日欠交啦, 明日返去問完老師先上堂慢慢做啦, 你唔會想辨法幫佢架,佢要默書測驗考試, 你唔會幫佢溫習架, 定還是你由得佢, 唔明都唔幫佢架, 我覺得你咁講好有問題同好過份囉!

我覺得小朋友在一間普通學校,平均30-40人斑, 老師有時照顧唔到, 好正常啫, 咁放學返到屋企, 好多時父母都要返工, 放工都好夜, 而家小學功課一日都起碼3-4份, 唔通等父母返嚟先問先做呀!唯有要佢去補習, 就算父母得閒, 教佢做, 同佢溫習, 咁都係叫靠媽咪喎, 咁你平時係唔係唔會督促你個小朋友溫習架, 你督促佢都可以叫靠媽咪喎!

我自己本身讀書唔叻, 小朋友又讀精英斑, 我自己無能為力幫自己個小朋友,好無奈, 但我想佢keep住讀書好, 我唯有搵老師幫佢補習,佢返到屋企有乜唔明都有人問下, 呢樣係我自己唯一可以做, 你以為補習或媽咪幫, 成績就一定好架, 都要個小朋友努力先得架, 將勤補拙你聴過未呀, 乜嘢叫家校合作呀, 你又聴過未呀!

你咁講同嗰d會考10優生話讀書好易架,唔駛點溫書架,講埋晒d風涼話, 都係一樣咁令人討厭呀, 我就唔信讀你小朋友間學校讀書叻的學生個個都係資優生,連學校放學後的功課斑都唔駛參加,做功課溫習無嘢難到佢哋,個個都係靠自己,全部都唔駛媽咪叫,個個都會喺適當時侯自己溫習, 一個都唔駛媽咪幫同補習,

你話搵老師都難, 上堂只係聴唔好問,你估而家讀緊幼稚園呀, 有咁既老師, 小朋友返到屋企唔識投訴架, 而家d家長咁緊張小朋友學業, 你估d家長唔識在家教會提出或向校長投訴,你估而家d老師唔驚家長投訴無咗份工架!而家邊有老師可以準時收工架, 有都好快唔駛做啦, 你仲要係聴聞既,咁你聴聞果個係唔係自己都有問題呀, 老師想幫都幫唔到呀, 淨係聴聞唔係事實唔好亂講, 咁對嗰d老師同學生好唔公平架
--------------------------------------------------------------------------------

睿睿媽3901

ki33221100

june71212 寫道:
我都有睇到你的發表, 我都覺得你用「誤人子弟」嚟踩間學校好唔啱喎, 無錯真理係會越辯越明, 但你咁踩人地d學校, 真係過份咗d, 無錯李兆忠同董玉娣都係好好的中學, 但係屯門唔係得呢兩間最好, 亦唔係屯門區唯一選擇, 仲有其他實力相若的學校,你嗰d ABCD級會令人誤會其他其間學校唔好, 仲有你d資料都唔係全部都啱, 就以10優生來講, 梁球琚00年出10優, 陳瑞芝98年出10優, 屯官02年出10優, 能夠培育出10優生, 係一間學校的光榮, 亦令家長對學校信心大增, 李兆忠雖然無出過10優, 但都有8/9優生,而且整成績都在三間出10優生之上, 所以呢四間都係屯門的top4同受家長歡迎唔係無理由, 同埋各校政策同發展唔同, 你唔可以胡亂用「誤人子弟」來形容, 有咁多人會考咁好同入到大學的學校都唔可以用誤人子弟來形容, 同埋之前你的發表屯門區小學, 你親身經歷,但你之前小學都係保良, 正明屯門的保良小學唔係間間都好, 同埋唔係間間都啱你個小朋友, 所以其他家長有其他選擇都好正常, 我哋發表意見的時侯,係有自由, 不過要中懇d, 唔好踩人, 咁會令有小朋友讀緊該校的媽咪好氣憤,

我都讚同jube71212的講法, 我都有留意呢幾間中學, 過去一年會考合格率都有90幾以上,有咁的成績又點可以話人地係誤人子弟呢! 你咁講似誤人家長多d, 其實每間中學都有好有唔好的學生, 我有個朋友讀董玉娣, 3次會考都上唔到中六, 佢話老師對佢地呢d成績一般的學生支援少之又少, 你咁樣揚惡忍善, 踩低人地, 抬高自己, 又真係令人幾氣憤, 仲要話係真理, 再係咁落去, 其他中小學都比你越描越黑就真     

健朗媽咪

eyan 寫道:
健朗媽咪:
如果我小朋友讀下午校既話,我都會要求佢當晚做晒d功課,第二朝起身溫書.

你既做法啱, 今天的事今天做, 今日的功課應該今日做, 再問你一個問題, 你返工或以前返學, 食完lunch再上堂或工作, 會唔會覺得特別眼瞓

小捷

ki33221100 寫道:

若只以入英中為目標，可以首選官小。但屯門區7間英中並不是同一水平的，以成績的排位分級如下：

A級        梁球琚(比較出名，因為谷咗10A生出來，而保良局的中學很難准許考10科，體育方面獲獎無數，在全港都小有名氣，學生開心程度就麻麻地，同百周一樣好大壓力)；
百周年(可惜退步了，不如當年的風光，好彩舊年會考成績好，05年升大學100%)；
董玉娣(近幾年一路進步，擠身A級，全屯門區最早取得所有教師語文能力達標，當時全港僅6間中學達到，05年升大學100%)；

B級        陳瑞芝(原本A級，近幾年有所退步，但陳瑞芝d先生好有愛心)；
兩間官中(入到精英班就話ok，入唔到仲不如讀好d既中中；兩間中學教師語文能力達標均未全部pass，希望計埋最近剛公佈的可以得，否則就誤人子弟了)；

C級        劉金龍(女校，成績不如幾間好的中中)

嘩! 乜你咁都得, 中學好似只分band123, 無人分abcd, 起碼我無聴過先, 仲有你知唔知讀中中同讀英中的分別, 如果會考(不計中英數主科)就算中中生同英中生一樣分數, 但其實都係讀英中的學生讀得好d, 能力強d, 因為中中除英文同英國文學外, 其他科目都用母語講課,學生容易理解, 考試作答都係用中文,中文由細學到大,中文字真係識唔少, 要考得好, 對學生la講, 容易好多, 溫書時間都可以短d, 咁做可以令到英語能力較差的學生都可以有好成績, 好似陸運會分唔同組別一樣, la個就係母語教學的好處。

英中除咗中文,中國文學同中史之外, 全部都用英文教, 好多科目好似生物, 化學,地理,西史,會計..........都有好多專有名詞, 有d查字典都查唔到,佢地讀呢d科目的時侯, 唔止要記課文, 仲要串好多生字同記埋解釋,要記的野相對la講會較多同難, 要考到好成績都會比中中難, 我諗d人普認同英中多d都係呢個因數, 你唔知就唔好亂咁攞英中同中中成績比, 因為根本係對英中唔公平,你行條容易d的路, 梗係容易d到終點啦!但唔等如你能力能強過人wo ,

做人要厚道d, 批評人都要有足夠理據, 唔好生安白做,仲要用誤人子弟d咁嚴重的字眼la抵毁一d咁好的學校, 咁做除咗會誤導其他bk媽咪之外, 你的行為真係唔要得 , 見到咁多人都 你希望你知到錯,會檢討下啦

eyan

健朗媽咪:
返學就有,不過通常食完拿拿林訓到上堂,但返工就無,因為果陣時做sales,食完又出去打仗,吾會覺得眼訓.

健朗媽咪

其實呢個係身體既正常反應, 早上起床係一日精神最好(失眠同發惡夢例外),血液循環最好, 食完早餐補充完體力, 之後就會好精神(正常嚟計), 專家都話早上係一日學習同工作的最佳時間, 但係到咗中午, 體力消耗咗, 食完飯, 血液會流向消化系統, 將養份帶向全身, 但會令你腦部血量減少, 令你有昏昏欲睡的感覺(尤其係食完飯之後1-2個鐘), 如果無其他嘢吸引你, 你會好快瞓著.如果小朋友返下午斑, 而個老師又講得唔吸引, 佢又只可以坐定定, 可能佢好快就會受生埋映响, 會好眼瞓同遊魂(呢d情況我諗好多人都經歷過啦),就算唔係日日係咁, 但間唔中一日都死得啦,  除非你間學校真係好好, 如果唔係都幾麻煩, 同埋如果讀下午(其實返全日都要)最好k2開始比佢習慣唔瞓晏覺,我諗咁會好d, 咁你覺得返下午同返上午/全日d時間邊個好用d

eyan

健朗媽咪:
下午我吾會選,因為d時間好奇怪,好難分配,而且我重有個細仔,佢地一齊返上午,我d時間就會好用d,同埋而家我個女返到屋企,我要佢食完飯即刻沖涼/做功課,因為之前我媽幫我湊大女既時候,日日都比佢訓晏覺,但起身都好似遊魂,所以我要佢而家做晒d功課先準訓,有時佢都會吾訓,可能己已經過左度飯氣,無0廿飯氣供心.

好大雨喎,你自己湊定返工呀,我差吾多出門口啦.

肥肥人5678

hi, 我係天水圍媽咪, 不過我個小朋友都諗住入屯門讀小學, 路經呢度, 睇到ki33221100的發言, 都真係幾過份, 好離譜,連屯門邊間中學出過10優生都唔知, 就係咁踩人地間學校,  好彩bk的媽咪都係明辨是非, 如果唔係, 就真係比佢誤導, 希望d人會真係檢討下,唔好再發表埋d唔係事實的嘢la,       

健朗媽咪

eyan
我都係咁話, 我都係揀全日好d, 我上次睇有電選校兵法,選校專家都話全日小學會好d, 少d時間在家打機睇電視, 但係如果你返全日咁你諗住自己帶飯定訂飯盒比佢呀,

我都係自己接放學, 不過要將d通粉出埋水先行, 而家行雷, 一陣實落大雨, 超麻煩

ki33221100

你地要睇清楚，我係講個d未達標的老師誤人子弟，唔係學校ar，你地唔好屈我「用誤人子弟嚟話間學校」。同埋你地唔好以為我好鍾意保良局的中學，如果俾我揀，我首先唔揀百周年(可能又得罪咗有d媽咪了)。
       
有關10A生，屯門區以梁球琚出得最多，其他只是個別例子。一間中學如果經常出10A生，可以從一方面證明該校的水平，如果是個別列子，我的看法就不會考慮，而是要看整體水平；比如：陳易希入了科大，你的小朋友是band 1學生，你會不會替你的仔囡選擇譚李麗芬呢？。

其實如果手頭有一些資料，很容易就排出屯門這7間英中的位置(如前所述)。

陳瑞芝以前幾好，現在由於種種原因，成績有所下跌，和排在A級的三間英中相比稍遜一籌，但老師真的好好人，好盡責，不知是否因為教會學校特別有愛心？

兩間官中始終同排頭的三間英中有一定距離，原因我就不方便講了，因為見到有家長已十分屬意官小了。在成績方面，其實中中裡面的譚伯羽、田家炳、屯天都與兩間官中相差很少。

而董玉娣是因近幾年成績明顯提高才躋身入A級的，去年的高級程度會考，董中創造出保良局屬下中學有史以來的最好成績，不但超過百周年，居然連保良局第一張永慶中學都贏埋，係黃大仙區「一中」是No.1，在九龍也是很出名的好中學。

劉金龍就唔使講lar，好多家長寧願冇英中讀，都唔揀佢，梗係有原因既。


PS：唔好一有批評意見就歸為「踩人」。