IN左第一間已自知無癮 =.= 入黎呻下啦

Lovely_Babybaby

Hello, cat8141210, Cong! 又就黎做媽咪
仲記唔記得我？
我囝讀緊聯合醫院入面果間呀。
咁快大家又再戰江湖喇。

今年我只會報崇真／民生同培正，
唔會報其他喇，JUST FOR FUN，
收先算啦，呢三間難過中六合彩
唔收就原來升讀，K3先再搏殺LU.

暫時只IN 崇真,表現都唔錯架,
我囝係比較鍾意表現自己,識既佢實答,
不過答晒問題都唔一定收,我都係平常心咋!
始終讀緊個間都好喜歡,又保証升到,
唔會好似上年咁,驚無學校收無書讀

cat8141210

濼晴 發表於 12-10-29 23:19
我同你一樣 唔係小朋友唔想去 係我唔想去

但為左讀書 我一定要

我自己覺得我個女知道係要去幼稚園但唔知為左乜囉...
因為佢唔明白點解明明自己已經有幼稚園讀緊點解仲要去IN,
但IN左呢一次我有所領悟了,
有幼稚園讀緊已經好好,
因為我成日都覺得,
我個女呢個LEVEL,
肯收我個女讀書既幼稚園絕對係一間有愛心既幼稚園,
因為要教一個學講野都學唔得太好既小朋友的確唔易~

cat8141210

濼晴 發表於 12-10-29 23:20
超咩呀超 最憎以為自已仔女好叻 係度眼甘甘

甘叻就直情考耀中 啦  好憎呢d 人

係囉,
所以我報學校果陣,
我通常都係會盡量避開有怪獸家長既幼稚園架...
無謂比人白眼呀嗎,
何況我自己都唔係果種人,
就算比我入到果間學校,
大有大鬥,細有細鬥並唔係我既意願囉...

cat8141210

lalamike 發表於 12-10-30 13:20
好認同!我囝囝雖然仲未開始in K1，但預知佢表現應比in PN時差!in PN佢唔算好叻，但又唔係好差，唯一問題都 ...

係呀...
我自己都覺得自己個女家下IN K1同之前係有分別...
家下差左DD,
因為佢開始識怕羞唔彩人,
呢個先係大獲...
以前唔知羞還好=.=
同埋佢脾氣好差,
好在INTERVIEW佢唔會表現出黎,
從來INTERVIEW都唔會喊,
但係有咩用呢,
佢唔講野喎...
好多時都吹佢唔脹,
其實真係有機會考到其他幼稚園我都未必會轉啦...
除非真係100%龍校啦...
我媽媽話,
比你入到龍校又點,
你以為真係可以10幾年唔洗煩嗎?
只係煩少D...

cat8141210

Lovely_Babybaby 發表於 12-10-30 14:03
Hello, cat8141210, Cong! 又就黎做媽咪
仲記唔記得我？
我囝讀緊聯合醫院入面果間呀。

HI~~~我記得你呀~~
見你好耐冇講野以為你唔上黎啦=.=
你個仔係現在的幼稚園讀書開心嗎?
有沒有之前人地所講既野出現呢?
我就覺得應該冇了...
因為好多時都係人講人話...
唔洗理人咁多自己感覺良好就夠了~

我報左7間呀,
家下第一間IN左聖母,
已經覺得好無癮了,
又係咁囉IN果陣十問九唔應,
我都冇佢辦法,
唔收就預左...
如果收左真係"神蹟"...=.=

下星期六IN多兩間,
其中一間係KV,
另一間不出名的,
IN完仲要等埋培道,PC,創價...
本來有間又一村但因為星期六撞時間打算放棄了...
就算入到都未必比佢轉啦...
因為我始終都係LIKE原校多D...
校長老師太好太有愛心耐性了!!!
所以我唔想忘本,,,
除非有100%直升的龍校收我個女先會考慮轉...(不過應該冇可能0.0)

cclemon2009

Cat
其實吾洗心up，講野叻吾代表就考到名幼，講野吾叻也不代表小朋友差，老實講，面試五至十分鐘，考到啲乜，咪又係考膽量，顏色，A-Z ，數字，animals 等...識得多，識認識講，又如何？！面試時吾答咪一樣，我囝囝講野ok，返學老師comment話發現他識好多野，上堂小朋友冇反應時，就會叫佢答唒啲問題，令上堂冇咁靜喎。但是，吾代表佢會在面試時肯答，近排我同佢讀書，佢玩野答：我吾答呀！問佢字母，又試過玩拉張啲音，eg Z字，佢 玩野話二said said said said......唉
算啦，面試隨緣，入吾到，自己教一樣啫，吾係一定要kv，st cat 先教好小朋友，我覺得最緊要小朋友返學開心，就一定學到野
Cat ，我都大緊肚，面試走幾場，好吃力。我一路冇比囝囝睇DVD／TV，睇書only，買啲佢有興趣的topic，佢自然學到野，你試試。

flopsybunnies

agree!

cat8141210

cclemon2009 發表於 12-10-30 14:27
Cat
其實吾洗心up，講野叻吾代表就考到名幼，講野吾叻也不代表小朋友差，老實講，面試五至十分鐘，考到啲乜 ...

恭喜你呀,
大家都係大肚婆~~~
應該好明白去面試有幾辛苦...
好在我個女好多時都唔洗我抱....

我老公成日話我會突然怪獸...
突然會好緊張自己個女點解唔好似人地咁叻...
又話比佢學乜學乜...
好多時都因為咁同個老公嘈,
但後來諗諗下,
我比個女學,
個女唔肯入課室又吸收唔到,
又真係好多餘...
家下的幼稚園都唔想家長咁怪獸迫仔女補習<<<如果大家有比仔女補習既話,我唔係指大家,唔好介意...
因為幼稚園係會比足夠既野小朋友學,
叫我地唔好擔心多餘既野,
所以我都係諗就算唔轉校都係好事...
仲有我家下肚果個B都仲要搵學校呀,
如果家姐係原校讀,
第時想入同一間幼稚園都有著數,
咁做乜仲做OVER既野...?

Lovely_Babybaby

cat8141210 發表於 12-10-30 14:20
HI~~~我記得你呀~~
見你好耐冇講野以為你唔上黎啦=.=
你個仔係現在的幼稚園讀書開心嗎?

SO FAR 阿囝都讀得好好呀,
係初時會話唔搭校巴,唔返學,
宜家已經好好多,上車無喊,又話鍾意老師,
返黎都會講返學校野,好搞笑.
所以真係好啋龍校收,我其實都唔捨得轉,
因為阿囝宜家讀全日,已慢慢適應,食同訓都好左.
但如果讀半日,係屋企佢又唔肯食正經野喇.

你都好勁,大住肚都咁勤力幫阿女搵學校
我IN 時都見好多媽媽大住肚,真係辛苦了媽媽.

小朋友鍾唔鍾意間學校同老師有無愛心好緊要!
對佢地學習好有影響,我有朋友N班間學校好大班,
佢小朋友比較靜,老師又無理佢,結果佢成日好唔開心,
返到學校就會自己行埋一邊,
好啋我FD後尾同佢轉左校,宜家返得好開心喇.

小朋友個個性格唔同,女仔好多都會怕羞D,
入去唔喊都已經成功左一半喇.
我囝宜家成日都話打小朋友,有時真係出手添.
所以IN 真係好講TIMING, 小朋友表現點真係控制唔到.

Lovely_Babybaby

cat8141210 發表於 12-10-30 15:01
恭喜你呀,
大家都係大肚婆~~~
應該好明白去面試有幾辛苦...

係呀,宜家個間唔錯既,
咪報下龍校玩下,當見識下囉.

我囝間學校原來都唔淺架,
每日都要同佢睇1本中文1本英文書,
有時又要做功課(填色/吸印仔等),
日日要睇學校通告有無野要準備帶返學,
都咪話唔辛苦!

Lovely_Babybaby

我覺得真係唔好同人比較呀,
小朋友知道會唔開心.
我覺得小朋友個個都會有自己既優點,
佢講野無人咁叻,或者唔鍾意同陌生人講野,
但係第二方面又會叻過人.

我好多朋友呢兩年都生BB,
我發覺小朋友發展真係人人唔同.
有D 好早講野但好耐都未識行,
我囝行得叻但成20個月先識講野.

記得我IN 完崇真個陣,出返黎,
我老公即問我IN 成點, 我見好多家長真係即時望過黎睇,
我覺得好誇,係咪真係咁緊張呀!
好似週圍都好多怪獸呀,好驚

cat8141210

Lovely_Babybaby 發表於 12-10-30 15:08
SO FAR 阿囝都讀得好好呀,
係初時會話唔搭校巴,唔返學,
宜家已經好好多,上車無喊,又話鍾意老師,

咁你個仔已經適應左現在幼稚園既生活,
如果再轉就真係辛苦左佢既...

我仲有5間要IN呀,,,
其實都已經唔想去了,,,
但老公話都比左報名費咪當去參加下學校去見識下囉...=.=

cat8141210

Lovely_Babybaby 發表於 12-10-30 15:14
係呀,宜家個間唔錯既,
咪報下龍校玩下,當見識下囉.

我個女果間好似冇你個仔果間咁辛苦,
我初時以為程度淺,
上兩個星期學校家長日,
校長同老師都講解左平時小朋友日日返學既流程,
我先完全明白晒.

我個女唔洗日日都要睇1-2本書,
我見佢書包有1本英文書,
教左會吸印仔,
之後我呢兩個月發現A-F已經吸左印仔,
我吼過佢係星期五先吸,
所以我以為間幼稚園一星期先得一次英文課!
點知原來唔係,
係星期二,四及五都有英文課,
同埋原來唔止學A-F,
A-F for乜都學埋,
仲原來學埋general conversation如hello,good morning.....
唔怪得有好幾次我明明聽到個女同我講hello...
我以為自己耳聾聽錯=.=
最正既一樣野就係佢地NET係英國人!

之後我見阿女書包有本兒歌書,
但我唔識唱...=.=
因為阿女講野仲係一舊舊...
唱歌又係一舊舊...
結果果日我問老師D歌點唱...
老師話係好似打油詩咁唸出來的,
唔係唱的,
至於唱既歌係...
平時佢地日日上唱遊果陣會唱好general既歌如:太陽伯伯,ABC SONG....
我又試下唱下比阿女聽,
佢居然唱出幾個字同埋聞歌起舞= ="

有時書包又有本故事書...
原來係老師一個月會講一次故事書比佢地聽,
之後就會派返本書比小朋友回家自己睇/家人陪看,
我都係家長會果日先知...

之後就係發現阿女進步左好多,
如會自己幫自己清潔,
主動要自己刷牙,洗手,洗面,
係差在一樣野就係仲未戒片,
之後日日都食茶點,
原來日日都有唔同野食如餅乾,雞蛋,粥,通粉,麥皮等等...
聽老師講粥同埋麥皮係可以"添"架...
咁即係我個女唔會餓住個肚<<<因為我個女係大食怪...=.=

校長老師仲話比我知,
原來我個女係識講野架...
只係平時唔肯同我講,
要迫佢幾次佢先肯講一句,
咁囉...=.=
個個星期五都會派返手冊就知要有咩下星期要準備,
同埋日日返學都係帶果D野,
我日日只係幫佢執書包就OK了,
都唔算好辛苦!
所以我地一家人都好鐘意阿女現在的幼稚園,
而我就開始懶懶行唔想去IN= ="
只係開始當去參觀學校就算了=.=

cat8141210

Lovely_Babybaby 發表於 12-10-30 15:20
我覺得真係唔好同人比較呀,
小朋友知道會唔開心.
我覺得小朋友個個都會有自己既優點,

呢個係真...
我上星期六去聖母INTERVIEW,
我IN之前明知道對阿女唔好太大希望,
結果阿女IN完我心中好失望同心UP...
一路行一路同個女細細聲講,
你點解頭先唔答老師問題呀?
你點解唔去玩玩具係都痴住媽媽呀?
你點解乜乜乜呀?
好多個點解,
之後我可能太難過,
掩飾唔到自己失望心UP既心情,
我發現我個女望住我個樣好似明白我唔開心咁,
之後佢DUP低頭好似又唔開心咁.
佢平時唔會咁,
但我當時感覺到佢知道我既心情,
之後我內心仲難過,
同佢講唔緊要啦,
入唔到就算啦,
媽媽唔會怪你架...
之後佢就笑返...
你話呀...
家下小朋友好叻會知道你開唔開心的,
對佢失望佢會知道的,
我個女既優點係自理能力高,
大部分野都自己做,
同埋肯同陌生人玩(但INTERVIEW除外=.=)
之後就係INTERVIEW果陣幾唔講野都好但總唔會喊,
行同跑都做得好好,
但缺點就係到今時今日仲係講緊火星話同埋未戒到片同埋學習唔專心.
個個小朋友都唔同,
所以比較既話小朋友一定會唔開心...

Lovely_Babybaby

cat8141210 發表於 12-10-30 16:19
咁你個仔已經適應左現在幼稚園既生活,
如果再轉就真係辛苦左佢既...

係呀,比左報名費咪去玩下囉,
我真係咁既心態架,所以會IN 得好開心,
我又好衰,成日鍾意睇下阿囝係唔同情況會有乜表現

cat8141210

Lovely_Babybaby 發表於 12-10-30 17:13
係呀,比左報名費咪去玩下囉,
我真係咁既心態架,所以會IN 得好開心,
我又好衰,成日鍾意睇下阿囝係唔同情況會 ...

唉,
唔係啦,
自從上星期六去完in,
我個表情話左比阿女知我既失望,
我就好驚下個星期六我又會忍唔住又表現出失望既表情比佢睇,
好多野都唔係佢想的,
我諗我可能要搵個人幫下我,
因為interview果日我老公要返工,
所以都係搵阿媽幫手先得...

Lovely_Babybaby

cat8141210 發表於 12-10-30 16:49
呢個係真...
我上星期六去聖母INTERVIEW,
我IN之前明知道對阿女唔好太大希望,

N班好多小朋友都未戒片,我仔係屋企都算戒左,
但有時又成日唔肯去廁所痾,叫親都話無,
到忍無可忍先講但已去唔切.
係學校我都會幫佢著片，
特別朝早搭校車成個鐘驚佢忍唔到返學。

佢地得2歲人仔,我盡量都唔會問佢點解架,
因為佢地真係唔知點答你D 咁深既問題.
聽你咁講,我覺得,你個囡既優點係好乖巧懂事,
佢真係好錫你,知你唔開心佢自己都唔開心埋一份.

我囝宜家係乜都同我唱反調,
總之你叫佢做乜佢就加個'唔'字.
不過我都會欣賞佢開始長大有主見.
你囡自理能力高,我囝自理能力其差,
唔係唔識做,係成日旨意人地做,
初初開學老師隔1-2日都會打電話黎交待,
都叫我要注意番,D野佢自己識做就要佢自己做,
唔好幫佢做喇..... 佢流鼻涕就指住個鼻叫老師幫佢抹

講野方面,比佢見多D人同埋多D同佢傾計,
佢地會學得好快,我囝成日背晒我地同佢講既野,
所以佢識講好多野,同埋佢成日要攪對抗,所以佢好識表達相反詞,
你話唔好食咁多,佢即答你唔好食咁少,
叫佢食飯同菜,佢話剩係食菜唔食飯,唔知比佢笑死定激死.

每次IN 完記得要讚佢,唔好令佢有BAD FEELING.
好似IN 聖母咁,IN 完就同佢講頭先入去見老師,
我見到有小朋友喊,你無喊好叻喎。

我囝學校家校合作做得好好，
開學前已同我地BRIEF定家長要做既野,學校日程,
學校每日有日誌, 5點就會UPLOAD 上網,
有明天的餐單/今日唱既歌/做左乜圖工/家長須知等,
仲會有段文講下今日小朋友既情況,
有時見到阿囝個名都好開心架,
每日就係好期待睇阿囝既日誌,
睇完放學就可以問返佢,好似今日學校教認識自己,
比佢地照鏡,我返去就會問返今日係咪照鏡呀?
老師跟住叫你地指邊度?

Lovely_Babybaby

cat8141210 發表於 12-10-30 16:38
我個女果間好似冇你個仔果間咁辛苦,
我初時以為程度淺,
上兩個星期學校家長日,

阿囝每星期係會借學校一本中文一本英文書,
但家長就要每日同佢讀一次囉.
小朋友其實識好多野架喇,
我諗你個囡都係識好多野,不過未必咁鍾意講野啫,
有D小朋友係比較文靜架,
女仔斯文D 咪仲好

佢地D 歌唔係歌黎架,
係就咁讀出黎咋,
因為頭一星期家長陪返學,
老師有教我地唱,所以我先知,
但係你最好緊係要有番D大細聲同做埋動作,咁就傳神好多!

我每日放學就要檢查阿仔書包有無通告要簽,
有無新書要睇, 每星期閱讀計劃就每日讀完要MARK 番架.
佢又有幾本書,又要記住幾時要帶邊本書返學,
又要記住逢星期幾還書,宜家做家長真係辛苦過自己讀書,不過又幾好玩既.

cat8141210

Lovely_Babybaby 發表於 12-10-30 17:33
N班好多小朋友都未戒片,我仔係屋企都算戒左,
但有時又成日唔肯去廁所痾,叫親都話無,
到忍無可忍先講但已去 ...

家校合作真係好緊要,
我個女間學校唔會成日打電話比我,
只會係有好緊要既事先會打黎,
多數都係我打電話去搵老師搵校長,
佢地冇網上upload日誌架,
所以好多時我都係估估下...
因為又冇理由咁怪獸成日打電話去學校問架嗎...
何況個女又冇乜特別野...
只係日日62接阿女回99家,
我99同個女沖涼果陣扭計,
跟住夜晚我回家接個女果陣99都會向我投訴話阿女今日點唔乖,
但其實次次我回到去接佢佢都係好乖囉...=.=
學校老師又冇話阿女唔乖之類...
所以我個女都係睇人恰...

自理能力呢,
我諗阿女係一半自己學回來的,
另一半係學校教佢的,
因為阿女未夠一歲已經自己食野唔洗人餵,
著衫識得自己穿唔洗我幫...
返左學仲識得自己著鞋襪,
仲學識好有手尾咁tidy up鞋襪...
玩完既玩具佢不嬲都自己執返好唔洗叫架...
同埋佢好少見到陌生人會喊,
但就一定唔會肯跟陌生人走囉...
所以我覺得佢其他某幾樣野唔叻都ok啦...
最少好多野佢已經做得好好...

但眼見好多學校既收生準則都好奇怪...
點解一定要小朋友識晒A-Z,1-100,colours?
乜唔係有自理能力同埋能獨立既小朋友先最易教咩?
身為一間學校,
如果係好既,
唔會太介意小朋友最開初識幾多野...
因為教小朋友學問係學校同家長既共同責任...
如果interview係咁問學術既野而棄小朋友本身既自理能力不顧,
咁呢d學校唔入就算了,
另外就係最憎學校睇家長背景,
我自問背景唔差,
有d學校要家長填小學中學大學名同埋公司名+職位,
仲要睇埋你個地址夠唔夠高貴??
咁點解唔係張表上寫明"窮人及低學歷人仕免問"呢?
好歧視不同階層既人,
幼稚園只係小朋友既start point,
一開始就要面對大量不公平同競爭,
到真係爭到個位,
表面上你好威贏了係winner,
實際上個start point已經錯晒,
比小朋友覺得乜野都係要爭,
為求目的,不擇手段,
在身教方面實際上係輸左九條街既loser...
以上只係我既個人看法,
不喜勿插.

hastalavista

去INTERVIEW, 真係要睇小朋友心情!
果日去IN, 老師俾張圖阿女(有架飛機, 有架車, 有蘋果),
老師問邊個食得架?
阿女第一次指飛機, 第二次指車...死都唔指個蘋果!!!! :;pppp:
(心想...老師唔係小吉食車食飛機架!!)

見咁薑, 我多口問阿女, (指住個蘋果), 咁呢個係咩野黎架....
答: APPLE....
之後老師指住架飛機, 問: is that an aeroplane?
我個女答: 飛機....................
之後自己指住架車叫: 車車...........

俾佢吹到啤啤聲!

個小朋友開始IN 到玩晒野! 咁就死啦....唉