2005年出世或~宏福幼兒園媽咪~(PART II)歡迎新朋友加入

天藍

hongmimi,

匡匡間學校都幾好, 有得去ok便x店買野, 又可買野食
從中又可教佢地計數找續等等..., 仲有"生果日" 又有
獎狀, 真唔錯實際d~
唔會呱三年又三年, 真係人生如戲, 搵啖食者比條路
行下都好, 真係人再江湖心不由己, 唯有睇在份人工
分上頂硬上啦! 我地支持你~

pcdogxx,

鈞渝個到你諗住30/4帶動物面具番去, 我都係咁諗又
唔想突等買一件動物衫, 到時或者帶頂米奇老鼠既帽返
去就算啦!

原文章由 hongmimi 於 08-4-22 16:04 發表
ElainAiolia,
唔俾我退休，都唔好好似朝偉咁，三年又三年呀…

我都估妳地有生果日活動，因我見佢poster寫係全港學校齊參與，我見匡匡學校張通告寫完成有獎狀咋! 唔通唔係由衛生署頒發，係由佢學校俾??  ...

626mama

hongmimi,

見妳浦頭都好D，起碼妳冇事。
突然死機真係小心唔黎。
退休.........冇咁快呀。

我小心個新同事多過日本同事咸濕。

原來妳係飲我之人，係咪有男朋身邊，
放心飲好多。

鈞渝著住雨褸都死咁靚，唔怪得妳幫匡匡PLAN
定，打風都照約鈞渝出街睇白頭浪啦，好浪慢呀。


通常學校扮野，返學就扮定，放學都係咁，
真係扮成日嫁。好以照要上堂嫁。

匡匡學校活動都好好玩，Circle K買野返黎食，
我都想參加呀。

衛生署既生果日貼紙，學校冇講過會有加許獎狀喎。

626mama

pcdogxx,

妳提意兔仔同埋狗既面具都好喎，好以冇咁煩，值得考慮。我走過去女人街睇過，扮動物只得1歲以下才有得買，咁大過...著左唔好睇。

626mama

EalinAiolia,

我收到妳的 e-mail喇。

我就好低估左梅酒無乜酒精，其實係十幾廿度酒精。差D衰衰咁，好彩最彼冇事，唔係真係好難睇。我試過啤酒加紅酒，同啤酒加某台，好弓彩都冇事，如果可以叫氣水溝酒，我估我齋飲酒水好了，就係唔比叫囉，水都冇。佢地唔信有人唔飲酒嫁。『醉仙』食o左無咁易醉，下次買來試下都得喎，唔知有冇得買一粒呢?

妳去詔南豐中心同荃灣市中心鐵皮屋果睇左有冇動物衫或飾物買，咁我唔洗行去睇喇，我都係打算去荃灣鐵皮屋度搵。而家唔洗去喇。

我只知30/4見學校通告，軒軒冇返兩日學，我地仲未收到呀。

[ 本文章最後由 626mama 於 08-4-23 16:55 編輯 ]

626mama

天藍,

張通告30/4的function"全城跳健康舞"
家長可依這兩個網址上網睇番當日活動既舞步,
在家同子女一同跳以表支持，點解又要著著紅色衫???
咁5/5前影底低軒爸穿紅色人，同軒軒影一張相交，
咁咪咁???

軒軒星期齊比軒爸湊，晚上就流鼻水，星期一回校，老師叫佢睇醫生同唔好返學喎，點知星期二咳，星期三再咳D，所以唔返學住。
明天應該會參加生日會。昨天又有新通告影相交貨，........真係....好忙喎，D家長。

ElainAiolia

626mama / 天藍 / pcdogxx,
今日又有通告，係之前果份通告o既延續篇，睇埋今日我就明D la。

30/4除了要扮動物参與「動物奧運會」外，當日於9:15 – 9:40 a.m. ，學校參與o左「百日倒數、舞動全城」以舞迎接奧運o既活動，係一齊大跳扶輪活力健康操。並邀請家長參與活動，與幼兒在家中練習，於5/5或以前提供照片証明，及係照片背頁寫上學生姓名、家人及朋友參與人數，為配合主題，拍照時家長及幼兒可以穿著支持百日倒數的衣飾或運動裝。今日份通告就係由23/4至29/4均要做紀錄有邊個同幼兒練習過。我只係上過以下個網址睇過：

www.edb.gov.hk/index.aspx?nodeID=5950&langno=2

大家快D練習o下la。

ElainAiolia

626mama,
「醉仙」無一粒買o家，一買就要買一盒﹙入面有24粒﹚，同埋大人每次要食二粒，若你想試，我屋企有攞D比你試，o米鬼o徙錢住 ，同埋到時先話你知D詳情，但我未試過食，而家果盒係聰爸同人做兄弟時買落，仲有14粒。

軒軒睇o左醫生未？有無好D？休息o下都好o既，子聰呢二日都有一、二聲咳，唔知係o米喉嚨痕，聽日又去睇o下中醫先。我記得軒軒仲意食蛋糕 ，怕唔怕佢聽日有得睇，無得食呀 。

天藍,
你唔想影相o米交昊爸出o黎la，可能佢好仲意呢。我可能都交聰爸出o黎，嘿，嘿！

天藍 / pcdogxx,
你o地咁快諗掂扮乜，我仲諗緊 。

hongmimi,
若果鈞渝同匡匡個白頭浪約會係真o既 ，你同pcdogxx真係有得震無得瞓，事關擔心佢o地比大浪捲走o左lu 。

pcdogxx

各位,

我今日都睇左張通告喇..  跟住上左佢個網址到睇..  不過諗諗下咁煩, 唔通下下跳都開住部電腦咩, 所以就download左落黎仲燒埋隻VCD放係大電視睇..   不過質數放大左可能差左d囉..  我已經幫你地預備左一份架喇...  聽日見到就直接交俾你地, 見唔到就叫老師放係佢地書包啦..  

喺燒梗既時候, 我就搏晒命係咁睇.. 足足睇左十幾二十次..   哈哈.. 開頭跳跳到亂晒龍....  心諗鈞渝咁細個點跟呀.. 我諗我要慢動作教左佢熟左先可以跟佢個 speed跳...  不過都幾好玩呀.. 你地都快d試下啦..  

佢話百日倒數既衣飾或運動裝, 咁百日倒數既衣飾者係咩呀? 睇到我R晒頭... 我諗都係著運動裝算喇..

pcdogxx

ElainAiolia,
我都係諗住交聰爸出黎架咋.. 最多叫埋舅父上鏡.. 我咁鬼肥..  都係唔好攝入鏡.. 以免影響胃口..   哈哈..

喂, 反正我有兩個, 使唔使借個面具俾你呀?  唔使特登買咁無謂嘛..  俾個樣你睇下..  
http://www.babyhome.com.tw/album.php?op=album3&mid=212686&folderid=1572062&page=1
其實我仲有件之前人地送毛巾質地既兔仔衫, 不過有d似浴袍, 諗梗著唔著果件好...  如果著, 兩個面具都唔使用..  

626mama,
軒軒流鼻水無返學呀?  而家學校一見到有少少鼻水或咳就叫你唔好俾佢返學架喇..

我覺得載左口罩之後, 真係好左好多..   "touch wood 中....."
聽日帶鈞渝去打埋下半支流感針先....

乜你公司咁奇怪唔俾人飲其他野架...  如果係我一定死硬. 我係少少都唔飲得果d黎架...   咁我成晚都唔使飲水都似..  自己靜靜雞帶支水哩埋係廁所飲完先出黎.. 跟住成晚杯野都維持住一樣..  哈哈..

咪係囉, 大個先黎扮動物邊好睇喎..    最衰係特登買套黎著一次又唔知做乜果下浪費嘛...

[ 本文章最後由 pcdogxx 於 08-4-24 03:27 編輯 ]

pcdogxx

Hongmimi,
匡匡學校攪d活動都幾有意思喎.. 又學到野, 又有野玩, 又有野食..   唔似我地果d活動,  好似做戲俾人睇咁, 成日都要人扮呢樣扮果樣..   下下都要買, 跟住著一次又唔知做乜咁

我都唔知我老公放左生果份野去邊..  我都係望過一睇咋...
匡匡學校咁好, 做齊交左有加許獎既..  

你就想喇.. 咁快退休...   邊得你咁他調...    你唔搵多d錢留返俾匡匡, 第時匡匡點夠錢養鈞渝呀..   

果日得我老公同鈞渝見到匡爸咋..   人仔細細著住咁鬼大件雨褸, 好鬼攪笑...  不過真係好好, 又唔怕"擔"遮遮唔晒淋濕佢.. 果日仲鬼死咁大雨.. 咪就係出去睇電視機囉.. 唉.. d錢就咁飛走左喇....

你地個個都話  Yum Yum 冬陰公湯麵好味..  我真係冇試過喎..
得閒去買黎試下先...  可能我之前唔鍾意冬陰公味, 所以完全無留意..


天藍,
就咁載頂米奇帽返去都掂喎..    好過特登去買吖...  唔錯唔錯...  不過學校實覺得我地好求其..     哈哈.. 話鬼知佢啦.. 交到功課就算咯..

乜你地果班成日都有生日會既..  鈞渝果班都係試過兩次咋.. 不過有次病左所以冇返學...  

我屋企部電視過左保養喇..  要整可能都要千幾二千蚊.. 所以咪買過部新囉..  不過舊果部都會拎去check, 睇下到時報價幾錢啦... 整完拎返去俾阿媽用..

我已經勁搵d可以download電視節目既網址, 但係都冇既, 可能香港早晨真係冇乜特別.. 冇乜人會錄低佢..

[ 本文章最後由 pcdogxx 於 08-4-24 03:29 編輯 ]

pcdogxx

各位,
前晚鈞渝又被蚊襲擊喇..      叮腫左隻眼, 手有3粒, 腳有2粒... 陰公...   都唔知點解d蚊咁勁架..   次次都係我一唔記得開蚊機就出事...  

呢期我同鈞渝有個約定.. 就係如果佢一個星期可以有4隻兔仔以上就有得去冒險樂園, 每日我都會評佢係兔仔定係曱甴 (知佢最怕曱甴, 所以佢知到評曱甴係差.. 嘻嘻), 佢真係好乖, 如果我話佢果日曳就冇兔仔喇, 佢就會唔扭計, 乖乖咁去做..   但係如果佢果日真係做左曳事激到我好嬲, 我就會評曱甴俾佢, 佢真係喊晒好陰公咁既樣架..   

另外講返張通告..  之前睇到份通告, 佢個標題咪咩扶輪活力健康舞既..  唔知點解成日會睇成"法輪功".. 哈哈.....  好鬼攪笑....

仲有俾d野大家睇吖.. 其實由佢出世我地留意左佢好耐, 因為佢真係好鬼勁.. 歲幾就認得好多字.. 而家都係2歲半咋.. 可以讀成本英文書..   同埋佢屋企勁有錢...  不過個阿媽個樣就勁恐怖囉.. 得閒無野做入去睇下吖..
http://www.felicitywong.com/video.html
其中有個video係話佢做 Spa, 2歲幾人仔做spa 仲要超enjoy咁款..   真係識嘆.... 羡慕死人...

哈哈哈..   係咪好耐未試過收到我既霹靂連環 message呢..   唔呢d時間追message真係冇乜時間..  呢排pack野搬office已忙到九彩..   聽日就排左剝智慧牙, 所以放假2天..  聽日又可以睇鈞渝做早操喇..     唔知會唔會已經開始排梗 "法輪功"呢..  

[ 本文章最後由 pcdogxx 於 08-4-24 03:32 編輯 ]

626mama

EalinAiolia,

軒軒今日都係冇返學，好以pcdogxx講，怕小小事比學校叫佢回家，所以今日都係唔返學住。所以通告都仲未睇，好彩有聽妳地講，都知一二。

30/4學校參與o左「百日倒數、舞動全城」好以唔係好多日，軒軒又冇返三日，睇怕佢都係呆呆企係度唔識跳，婆婆又唔識開電腦比佢睇。www.edb.gov.hk/index.aspx?nodeID=5950&langno=2唔該晒妳 post 個網址出來，好等我可以早d睇定先。

「醉仙」無一粒買，咁就算啦，我公司飯局好小有，通常都係有人走才去食飯，圍年飯係今年攪大小小，我做了四年都係食過兩次，唔係年年攪，以前大老細來香港，都會特登叫我地出去食飯見下我地，而家佢都退休左，比佢個來做，佢個仔係樓下行過都唔想上
來。多謝妳打算比「醉仙」我，不過唔洗喇，我都唔知下次幾時食飯，怕放到過期都未用，可能仲會到時已經唔知放左係邊，唔好浪費。呵呵...不過我都好多謝妳。

本應軒軒星期一去睇上次睇開的中醫，點知舍甫頭d人話，佢有急事回鄉，唔知幾時會回來，仲可能未必回來，真係失望，軒軒睇佢睇得咁好，又夾，點知冇得睇。跟住婆婆問過我後，帶軒軒去睇另一間的中醫，不過...中醫師1:20分走左，佢地2:00才落到去，冇得簡之下，又睇"西醫楊超發"點知....軒軒只係睇流鼻水，睇完西醫仲咳到死死下，睇二朝婆婆話軒軒睇唔到，又成晚出淡汗，郁來郁去訓唔到，星期二下午決定再帶佢睇中醫，個醫師同之前個醫師講野一樣，話軒軒體質唔好，調理，同對眼好藍。佢叫軒軒要調理好過身體，所以醫師話佢睇軒軒身體調理先，話咳小事，佢貴d，仲次次配一次藥，即要日日睇，(百幾蚊一之)佢話未睇過，通常都係配一次藥先喎。咁今朝婆婆話，佢對眼係冇咁藍，又冇成晚出成身汗，但係就仲咳囉，我叫婆婆今日同佢講，要睇咳先。睇下佢今日要我配幾次藥先。

軒軒醫完個西醫，乜都唔食，婆婆叫佢落"惠康"都唔落，叫佢落去入錢玩車仔又唔去，連買野食比佢食都話唔食，一日到黑自已走去訓覺，唔知係咪d藥落得好重。(仲咩婆婆係咁叫佢落街，係因為帶佢去睇中醫。)

之前個中醫師d藥材比較小，而家個中醫師d藥材比較多一半呀。人地話中醫師越比得小藥材的醫師係越叻，妳地有冇聽過呀。

子聰睇左中醫未，好唔好d呀。軒軒好鐘意食蛋糕，今日都冇得食喇。

果然係媽媽，第一時間就係關擔心佢o地有可能比大浪捲走。

原文章由 ElainAiolia 於 08-4-24 12:32 AM 發表
626mama / 天藍 / pcdogxx,
今日又有通告，係之前果份通告o既延續篇，睇埋今日我就明D la。

30/4除了要扮動物参與「動物奧運會」外，當日於9:15 – 9:40 a.m. ，學校參與o左「百日倒數、舞動全城」以舞迎接奧運o既活動，係一 ...

[ 本文章最後由 626mama 於 08-4-24 17:20 編輯 ]

626mama

pcdogxx,

哈哈...原來我地大家都有同一目標，交相就唔好交自已。

妳個面具好得呀，聽妳講，昊藍頂帽都得，我都可以比頂"塘老鴨"(子聰都有)或"跳跳虎"帽比佢帶，好野，又攪掂一分工課，收工。

軒軒9號都打左下半支流感針lu....

昨天又有一個小朋友死左，佢間學校係我屋企附近，今個星期唔帶軒軒落樓下公園喇，仲唔出街食早餐添呀。洗唔洗帶口罩回家好呢???

係呀，我第一次跟佢地去食飯，係去酒樓食中餐，一去到有茶飲，跟住例牌坐低實係叫"青島啤酒"我話我唔要，個翻譯立即同我講，一陣敬酒個個都要飲，照要一杯放係度先啦，跟住叫人收走晒
d茶，我話我想要，再過一陣又叫人收走晒佢，唉...費事同佢嘈，有得佢收，真係好口干就飲小小，成晚個杯水位都保持高企，跟住我老細問我飲唔飲紅酒，我話唔飲，個翻譯就話我唔可以答唔飲，
要小小啦，跟住木台面就保持兩杯酒係度，佢地確得我好怪嫁，佢地認為，冇人係唔飲酒。只係問我，好唔好叫第二款比啤酒比我，我話想要可樂，個翻譯話，人地問妳啤酒，要又話要可樂，咁樣好冇禮貌喎，跟住佢幫我答唔洗。
我都想過妳的想法，自已帶水去。不過就冇咁做。

我星期日帶軒軒去動植物公園玩，我都比野叮到一側腳超過廿粒，好彩軒軒果日穿牛仔褲炸，我又係唔記得帶蚊貼，不過軒軒就比蚊叮臉豬登。我以比"蝨"叮。可能星期六落雨，星期日就"蝨"多。

妳同鈞渝咁樣約定都幾好，我仲以為好大D的小朋友才可以咁樣玩添，原來咁細個都得，兔仔同曱甴........好攪笑，用曱甴袋表差。

"法輪功"........佢地D相好假又。

妳講2歲半個小朋友而家仲未睇，一陣食飯時間睇下先。

剝智慧.......好痛呀。都好放2天假休息下，我特然想起... 下次軒軒見到妳仲係咪同妳講，我地一齊燒過野食呢???我估......學校已經法功，開始操佢地 "法輪功"。  

原文章由 pcdogxx 於 08-4-24 02:01 AM 發表
各位,

我今日都睇左張通告喇..  跟住上左佢個網址到睇..  不過諗諗下咁煩, 唔通下下跳都開住部電腦咩, 所以就download左落黎仲燒埋隻VCD放係大電視睇..   不過質數放大左可能差左d囉..  我已經幫你地預備左一份架喇 ...

天藍

pcdogxx,

多謝你燒埋隻碟比我, 你真好人唔使我下下
開電腦教仔仔跳舞係電視都可以。Thx!

all mama,

學校張通告話要著支持百日倒數的服飾及運動
服裝, 係咪即係紅色衫??? 定運動衫都得???
o黎點我唔太明, 唔知大家知唔知???
你地d連環回覆太勁, 多到我都追唔切, 今日
我公司好多野做, 等陣得閒再覆……

原文章由 pcdogxx 於 08-4-24 03:21 發表
各位,
前晚鈞渝又被蚊襲擊喇..      叮腫左隻眼, 手有3粒, 腳有2粒... 陰公...   都唔知點解d蚊咁勁架..   次次都係我一唔記得開蚊機就出事...  

呢期我同鈞渝有個約定.. 就係如果佢一個星期可以有4隻兔仔以 ...

ElainAiolia

Dear all mami,
頭先印印打比我話漏低o左子聰個書包係409度 ，我問佢點解會咁，佢話落車時子聰好扭計 ，掛住湊佢所以唔記得o左 ，去到屋企等大“車立”時先記起，即刻行番千色店總站問站頭阿姐，阿姐話架車應該已經返o左入青衣，叫佢企係度等o下 ，而阿姐就不停打電話比D司機問 ，好彩最後揾得番，但都搞o左好耐。期間我印印係咁話佢認得個司機，我話：你認得個司機有鬼用o羊 ，而家係揾書包。你o地話係o米激C人 ，遲D都唔知會唔會唔見o左子聰，換着我o地細個年代，阿媽帶咁多個都未試過唔見o野 。

pcdogxx,
你終於上o黎o拿，以為你去o左邊，原來搬公司掛住pack o野唔得閒上o黎。你唔講剝智慧牙 ，我仲諗緊點解你咁夜上o黎留言o忝，乜剝智慧牙只係比2日病假o乍，唔係4日o羊 ？我以前剝都係比4日o架。

原本我都有諗住將個video download落o黎燒落碟度，就係怕質數放大o左會差，所以無做到（另一個原因係唔識download落o黎，真係蠢，唔知你上次比我download you tube 個software得唔得）。你咁有心燒落碟度比我o地真係多謝晒 。你不停咁睇o左咁多次，你可以做我o地教練，教我同子聰o咼 。

ElainAiolia

多謝你有心借動物面具比子聰 ，但唔使la，因我同事有兔仔同貓貓頭“cool”借比我，我又可以慳番D ，或者去反斗城買盒畫面o既顏色筆，幫子聰塊面畫D鬚鬚 ，o米好D o羅（還掂D顏色筆可以用好多次o既）。

我都覺得帶o左口罩後，真係好左，不過呢排子聰又有一、二聲咳（但無痰），今日放學去睇中醫。

聽日（25/4）係唔係你帶鈞渝返學，唔知會唔會睇到佢o地做早操，因我聽日返中更，我會帶子聰返學，如果有得睇，我會等睇埋先走o麻，到時我再call你呀 。

又比你諗到hongmimi無得提早退休原因，係呀，就算你唔收禮金 ，匡匡都要養得起鈞渝至得 。

你舊果部電視機係LCD or Plasma，同埋係o羊牌子，因子聰姑丈話Shinco LCD機換機可作$500-之用，我o地屋企仲用緊舊款電視機，聰爸話等我o地果區cover到數碼先買:;pppp: ，最好有埋內置盒就perfect la。

唔係o咼，除o左昊藍果班外，子聰果班今日都開生日會 ，我諗鈞渝果班可能大部份係細B，所以無咁多生日會開。

鈞渝咁慘被蚊蚊襲擊 ，你唔好再唔記得開蚊機，如果唔係，佢變o左豬頭hongmimi唔認佢做新抱o米C 。

你同鈞渝o既冒險樂園約定，換著係子聰真係采我都儍 ，佢好識睇人眉頭眼額，如果係嫲嫲就一定換埋錢比佢玩，聰爸有時都唔會采佢，我呢，好多時唔比佢玩，我會話：落街買o野無話到去o咼，佢次次答我都話：望o下o麻，都無話入去玩，望o下唔得o羊 。你話係o米比佢激C你。

ElainAiolia

hongmimi,
你聽到未來親家（pcdogxx）講未 ，你無得提早退休，如果唔係匡匡會怪你趕走佢個老婆o架 。

626mama,
軒軒無得返學校食蛋糕唔緊要 ，最緊要佢快D好番。

D人話對眼藍，即係好多風o咼，但唔知點醫？個西醫果度係o米有好多病人，所以由睇流鼻水，變為咳呀 ，小心身體，而家D菌好惡呢，佢仲由朝瞓到黑對其他o野無興趣 ，一係D西藥勁得滯、又或者係o米感冒呀 ？晏D子聰都睇中醫，o米係睇o下D咳o羅，個中醫都好似幾好 。

我無聽過D藥比得小，就代表個中醫o力，不過子聰飲果D中藥又真係比我o地大人細杯D（大約2/3少DD） 。

ElainAiolia

天藍,
我認為運動衫都得，所以我諗住叫聰爸及子聰一齊著運動衫跳健康操先影相 。

真係唔講得，果日o米同你講Trouble Three個問題o既，點知轉頭子聰又發癲la ，原來佢仲未過晒，成日扭計又發脾四，有時無佢辦法 ，唯有由佢喊餐飽 ，轉頭又無事。我試過問佢點解頭先喊呀？佢話唔知呀 ，我好想喊o麻。o米就係咁o羅，我相信昊藍都係咁。

626mama

pcdogxx,

多謝你燒張碟比我，我估最怏我同軒軒會星期五，係張床度跳，因為廳部電視成日有人踭台。
妳學識晒未呀。我剛才睇左一陣，都唔狩復習，不過小朋友唔知記唔記到呢。

天藍,

妳地個個都唔係睇得咁明張通告，佢地張通告都出得唔係幾好喎。

626mama

EalinAiolia,

下...妳個印印都好大頭蝦喎，好彩搵得返。
唔係又有野比妳地煩喇。咁又係喎，我都冇
印象阿媽有唔見o野喎。

我出智慧齒時，三次都話夠位唔洗剝，真係後悔
冇剝，而家成棚牙都"而"位，個牙醫又話智慧齒
唔夠位出咪一路向前推D牙向前中???????而家剝
都冇用。

原來妳都準備好貓貓頭“cool”比子聰，真係好
又攪掂。反斗城買盒畫面o既顏色筆，我只知
畫面水彩，加水可以油，不過好貴。

妳地就好啦，約埋一齊睇佢地做早操。不過我
可能30可以帶軒軒返學。(好開心)

我都有聽人講，眼藍係有風，我都有用熱蛋加銀同佢
LOOK，不過唔係好WORK。

之前個中醫就2.1/2煮成半碗，而家睇熙果個就唔
知幾碗煮成一碗，婆婆話軒軒鐘意彼者，好以好飲
D，佢肯一次過飲晒，前者一日分2.3次才飲晒。
我唔係講分量，係個中醫用藥，例如個中醫
用10種藥就得，有D中醫就用廿幾種藥才得，咁即係
用10種藥就得個醫師好攰。

   
hongmimi,

然妳要搵錢比匡匡再比鈞渝做禮金，無得提早退休，
妳得閒記得上來留言喎。

原文章由 ElainAiolia 於 08-4-24 01:56 PM 發表
hongmimi,
你聽到未來親家（pcdogxx）講未 ，你無得提早退休，如果唔係匡匡會怪你趕走佢個老婆o架 。

626mama,
軒軒無得返學校食蛋糕唔緊要 ，最緊要佢快D好番。

D人話對眼藍，即係好多風o咼，但唔知點 ...

[ 本文章最後由 626mama 於 08-4-24 14:37 編輯 ]