2005年出世或~宏福幼兒園媽咪~(PART II)歡迎新朋友加入

hongmimi

洗唔洗呀~ 唔俾我退休都唔好個個出咁多post喎~ 點追呀~

天藍，
d活動各有各好處~ 妳地攪親既都係好大型~ 匡匡學校得小貓幾隻，可以做d乜呀~ 小小地便利店先俾佢地參觀，多人唔怕阻住做生意咩~~ 好似前日咁，婆婆又話得三個人返學，佢學校最好做就係老師同嬸嬸，而家每月生日會要夾埋幼稚園一齊開先成事~~

626mama,
而家軒軒無事嘛~ 小小鼻水又唔洗咁緊張啫~

咁妳下次出去玩，記著帶蚊貼喇~

pcdogxx,
鈞渝打流感針有無特別反應? 因我都想幼稚園開學前帶匡匡去打~
嘩~ 咁快同我傾呢d喇~ 睇黎就快講到禮金酒席咁呀~~

我都試左妳話果隻冬陰公湯麵啦~ 岩岩上個禮拜百X買梗$8.8四包，個麵質真係幾好喎~ 拍得住出前x丁，不過我覺得湯底唔夠辣，得酸味~~

吓! 係屋企咬架? 飛到廿幾樓都幾大膽~

妳同鈞渝既約定又幾好噃~ 咁d兔仔同曱甴係咩黎，妳自己畫上去架? 遲d我都諗住整個”時間表”貼出黎俾匡匡，要佢跟住做先得。


ElainAiolia,
印印又會咁大意，漏低書包係409，真係容乜易下次漏低子聰架? 好在揾得番，哈~ 如果搵唔番…如果搵唔番…我都唔知點~~

妳地都剝左智慧齒，無晒d智慧呀!! 醫生話我出晒四隻，後面仲有位生多四隻添~ 妳地睇我幾叻幾有智慧，嘻嘻~

pcdogxx

各位,
岩岩剝完隻智慧牙喇.. 又冇我想像中咁痛喎..   可能阿醫生手勢好, 1分鐘都唔使隻牙就甩左出黎喇..  勁..  藥力過左都唔痛喎..  佢好好呀, 俾左2日假我..  希望聽日唔會痛返喇..

今日好遲先到學校, 跟住拎晒4隻碟出黎叫Ms. Bonnie幫我入落佢地d書包到..  段video 講未得批准, 不得copy, 我幾驚會俾佢地炳呀..  原先ms. wai 企係到架.  但係我唔敢俾佢, 你地知佢幾嚴架啦..  :;pppp:

ElainAiolia,
我係淨係剝上面果隻咋..  所以咪得兩日囉..  其實佢俾多我, 應該一日都可以喇.. 不過可能個個唔同, 所以佢鬆手左...     不過反正聽日都係搬野.. 返到去到冇野做...

聽朝我都會送鈞渝返學呀..  又會睇埋早操先走...   今日都有跳果個"法輪功"呀..   好多都有跟住跳, 好得意..   我多數都係8:40分到先到學校, 如果你見唔到我就打俾我啦..  不過睇早操要霸位, 如果霸唔到窗邊位要企後d, 會睇得好辛苦架.. 因為要"吉"高腳黎睇..

吓. 乜印印咁論盡呀.. 好彩搵得返者... 我自從之前成日漏野之後, 我次次落車都會望一望有冇漏野架..  佢都算醒吖..  醒起之後都識得行返去千色店站頭問阿姐..     定係你叫佢去咋?   hehe..

其實隻碟我燒左一次睇下效果架喇.., 真係唔係好得, 好似睇三級片咁, 打晒格仔..   跟住我咪用第二個software轉下質數囉..  所以先攪到咁夜之嘛..  成4:30先瞓呀.. 你地話幾鬼無聊..  哈哈..
你地快d試下跳啦.. 都幾好玩架. .  

我果部係LCD 呀, 都唔明點解咁快壞, 都係兩年半之嘛..  而家買左部philip囉..   送埋機頂盒..    而家內置埋機頂盒果d電視好頁呀.. 成二萬幾, 唔捨得買..  

天藍,
都話佢地d通告好有問題架啦, 次次都一大堆疑問留返俾家長諗既..  哈哈...

626mama,
係Elaine先估到你講乜..   咩個醫師好攰,  等我仲係到諗, 點解用少d藥會好攰既呢..  哈哈.. 原來係好叻...   

Hongmimi,
你唔係俾人抽後算帳下話..  死啦..   快d上黎報到....

626mama

hongmimi,

其實我地個個都唔想妳退休住，妳退左休，
就咁咪唔得閒上來同我地傾計囉。

軒軒係小事，怕學校叫返佢返來，所以咪唔返住。
小小鼻水，又唔可以返學，感覺有D可惜。
我唔緊張。

聽人講緊，chicco香水(蚊怕水)，又想搵雙妹"乜"花露水。
chicco香水有淡雅同清爽,係香水味唔太濃.

[ 本文章最後由 626mama 於 08-4-24 17:16 編輯 ]

hongmimi

626mama,
我一上黎俾妳地d回覆嚇親、快快手打得太簡單，攪到妳誤會添~ 真係唔好意思，我係話學校洗唔洗咁緊張，小小野又要走~

真係退休，妳地會話我out，唔同我傾計既~

我同匡匡都唔算"野"蚊，普通蚊貼都頂得住，可能我地肉地鞋十十。

pcdogxx,
車.... 我上黎到妳走....

天藍

Hongmimi,

我都唔比你退休住, 你退休全職湊仔,
到時鐘忙個返工, 有排都上唔到來吹水。
匡匡間幼兒園得3個同學返學真係小貓
3幾隻, 但仲好唔使咁多同學學野集中d。

ElainAiolai,

我諗好似你咁話運動衫都OK, 都唔理佢
就咁著運動衫跳隻舞影底d相交貨就算
啦!
你印印真係咁烏龍留底書包係架小巴到,
如係我會好蚊, 佢地做得耐成日都心不在
燃, 一下留黎樣一下留個樣, 真係有時比
佢地激到彈起, 但都好彩到最後都搵番個
書包, 你番去要叮囑你印印下次小心d。
我屋企都係用緊舊式個隻電視, 我都好似
你咁諗到覆蓋到先買, 到時最好有埋內置,
唔使再買機頂盒。
子聰又扭計真係唔知係咪Trouble Three未
過晒, 昊藍有時都會係咁, 比仔仔扭到我頭
都暈, 希望佢地快d大個仔唔好咁扭計。

Pcdogxx,

完來你剝智慧牙有兩日假, 但見你剝牙都
無乜點痛, 都好好。 我個陣有一隻智慧牙又
係生得唔好, 個陣我好慘痛到我c, 個醫生
話d牙肉好腫要消重先可以剝, 但我太痛c到
要佢幫我剝, 個牙醫話唔消腫剝個傷口會好大,
佢都傻傻地係口入面無人睇到鬼知大定細咩!
後尾同我剝但我比隻牙折磨到我兩個星期只
可食粥, 條腰瘦到得番22吋, 唉……以家想搵
番條籤腰都唔知去邊。
鈞渝比d蚊蚊針到咁多地方, 一定好癢真係好慘,
你有無比鈞渝d蚊怕水, 你屋企都咁多蚊真係
要做好妨蚊措施, 昊藍用開chico個隻香水蚊怕水
都幾好唔係太香, 淡香都妨蚊。
我想問學校平時早上幾點開窗簾, 睇到佢地做早
操架? 因我都想搵日睇下~

626mama,

軒軒今日點有無好d??? 昊藍用開Chicco個隻香水
蚊怕水都幾好, 淡香唔太濃, 而雙妹麥個隻我買個
但我覺得d味太香有d俗, 只係我個人意見。

原文章由 626mama 於 08-4-24 16:19 發表
hongmimi,

其實我地個個都唔想妳退休住，妳退左休，
就咁咪唔得閒上來同我地傾計囉。

軒軒係小事，怕學校叫返佢返來，所以咪唔返住。
小小鼻，又唔可以返學，感覺有D可惜。
我唔緊張。

聽人講緊，chicco香水(蚊怕水)，又想搵雙妹" ...

626mama

hongmimi ,

匡匡野蚊，妳同佢做咩防蚊方法呀。

原文章由 hongmimi 於 08-4-24 05:11 PM 發表
626mama,
我一上黎俾妳地d回覆嚇親、快快手打得太簡單，攪到妳誤會添~ 真係唔好意思，我係話學校洗唔洗咁緊張，小小野又要走~

真係退休，妳地會話我out，唔同我傾計既~

我同匡匡都唔算"野"蚊，普通蚊貼都頂得住，可能我地肉地鞋 ...

626mama

626mama,

Chicco香水幾好呀，都可以考慮喎，
雙妹麥個隻我比人地媽媽噴過，都OK。

軒軒D咳冇點好到。

原文章由 天藍 於 08-4-24 05:19 PM 發表
626mama,

軒軒今日點有無好d??? 昊藍用開Chicco個隻香水
蚊怕水都幾好, 淡香唔太濃, 而雙妹麥個隻我買個
但我覺得d味太香有d俗, 只係我個人意見。

pcdogxx

Hongmimi,
上次打就冇反應喎..  都冇發燒..   我諗都係打左好d, 好似心安d嘛..  不過今年果隻應該到10月左右先有喇..  其實而家有好多疹所都冇晒流感針打喇..   我係去天一醫療所打架. 好平 $98一支咋..

可能我就係鍾意佢酸呀..   快d買包yum yum 黎試下先..  

係呀, 屋企咬架.. 唔知點解成日都俾蚊咬既..  我一唔記得開就屎火喇..  而家我唔理凍定熱..  都開定先, 仲噴埋雙妹嘜 + 搽埋防蚄膏..  

係呀.. 佢有塊board係日曆黎..   原先諗住要黎mark佢d特別野.. 不過又好似冇乜野寫, 咪要黎畫囉.

傻啦, 係因為你d智慧去晒隻牙到, 你個腦d智慧冇晒喇..
而我地剝左d智慧就返晒黎喇..   haha..

天藍,
會唔會係你腫晒夾硬剝所以咁難好呀..  唔係响裡面睇唔到既問題, 係個傷口越大, 咪難好囉..  所以你要成兩個星期先好得返...
我今次剝上面所以唔同咋..   好多人都講剝下面要用刀介開d肉, 所以會好好好痛架..

嘩.. 22吋..   除左10歲左右試過之後, 好似都未試過..

Chicco 果隻蚊水幾大支架? 幾錢到呀?  其實我都唔知果d係蚊定虱黎既..  次次一咬就起碼五粒以上, 真係恐怖...

早操係9點鐘左右呀..  d小朋友差唔多返齊就開始架喇..   有時會跳耐d, 多數都係10分鐘左右啦..

626mama

五月份聚會 18號
時間：約11:30 a.m. 左右(請大家提意, 亦可更改)
地點：太子界限街警察會
目的：
(A)飲茶
(B)小朋友於遊戲室玩
(C)大人則吹水及交換揍仔心得
人數：
(1)Elain(暫定3大1細)
(2)天藍(暫定2大1細)
(3)626mama(2大1細)
(4)whatever(2大2細1賓)
(5)whatever - 朋友 (2大1細)
(6)hongmimi(1or2大1細)
(7)pcdogxx(2大1細)
(8)candyhiu77 (2大1細)

[ 本文章最後由 626mama 於 08-4-25 09:26 編輯 ]

626mama

pcdogxx,

軒軒上次同今次打都冇反應同發燒，醫生話唔會燒。
想想下，上次遲打，怕藥力到，流感高峰過，而家
都仲咁多，都冇白打。好以妳講咁打左好d心安d。
我打$200一支，妳平好多呀。

妳咁講，一咬就起碼五粒以上，唔以蚊，係虱呀。
老人家教，用沙疆粉入係袋度，吉D小孔，
放係牆邊。如果床有，就放係床腳四邊。
我都試過，得嫁。

雙妹嘜我周圍搵佢邊度有得買，妳係邊買嫁。

我昨天聽BK媽媽講，Chicco果隻蚊水$78.00，
好大支，即幾大支?就要等天藍答。

個BK媽媽比左個網址我睇，我睇唔到。
http://www.chicco.com.hk/catalog ... cesse%20catalog.pdf
第10頁,有淡雅同清爽,係香水味唔太濃.

天藍

Pcdogxx,

我諗都係腫剝係會難好d, 但好過唔剝真係好痛,
我個隻智慧牙痛既情度仲痛過生仔, 所以c都要牙
醫同我剝, 其實剝完第二日已經唔痛, 但醫生叫我
唔好食d固體食物整到隻牙, 所以兩星期都食粥,
個陣我後生又未生個仔先二十歲左右食好多野都
唔會肥, 牙痛訓得唔好同牙醫比d藥我食食到我
無胃口, 又加上食兩星期食粥咪瘦上加瘦, 有二
十二吋籤腰, 不過, 以前後生未生仔仔前我都係Keep
住23, 24吋腰, 以家生完仔風光不再都無提啦!
其實我心底裡成日都想減肥, 但成日都唔成功, 或去
到某一個磅數就停落o黎無進展, 今年睇下可唔可
以的起心肝積極去做。
Chicco個隻香水蚊怕水係透明樽, 但我唔記得幾多ml
我要返屋企睇下先話到比你聽, 我記得係約$120左右,
但用到好耐。Chicco有幾隻蚊怕水, 係香水o黎隻比
較好用, 其他個d麻麻地, 上年支香水蚊怕水用完我叫
昊爸買番, 因佢張咭有折, 昊爸買錯chicco令一隻噴
既蚊怕水個隻仲貴過香水個隻, 但仿蚊力一d都唔好唔
係好得, 但個陣昊爸一買番來就拆開都無換, 加上未
用個諗住試下點知都唔好, 所以你想買chicco個隻我提
意你買香水個隻會好d。
鈞渝用蚊怕膏加雙妹麥花露水, 應該都好仿蚊, 但都咬
到咁多粒成五粒以上, 真慘諗起肉赤, 可能鈞渝比較野
蚊~
原來9點就有早操睇, 下次送仔仔返學問下老師個日有無
開窗我都去睇下先~
我印印有次睇昊藍做早操, 佢話昊藍突然係到大叫姐姐
呀姐姐呀係咁係到揮手, 教到老師同好多人望住佢, 佢
唔好意思睇一陣就走。

原文章由 pcdogxx 於 08-4-24 18:34 發表
Hongmimi,
上次打就冇反應喎..  都冇發燒..   我諗都係打左好d, 好似心安d嘛..  不過今年果隻應該到10月左右先有喇..  其實而家有好多疹所都冇晒流感針打喇..   我係去天一醫療所打架. 好平 $98一支咋..

可能我就係 ...

天藍

626mama,

個陣昊爸張咭有拆拆都要成$90蚊(chicco香水蚊怕水),
如果$78我都買一支先咁第, 多謝你提供資料, 我一陣睇
下先。
我見荃灣愉景新城二樓近屈人寺門口出面, 有一檔車仔
檔係買雙妹麥用品, 我上星期有過去愉景食lunch見都
有開檔, 今日我食lunch都會過去如係我打電話比你,
你想買我可幫你買, 因我見過佢有d細支裝花露水, 可
妨蚊止痕好似係10ml(唔係太記得個ml數) $10, 你可
試下先如岩用你先買~
軒軒今日好d未??? 昊藍今日有少少鼻水, 但無咳唔知
係咪想作病(傷風), 如下午都係咁我收工都要帶仔仔去
睇醫生。

原文章由 626mama 於 08-4-25 10:03 發表
pcdogxx,

軒軒上次同今次打都冇反應同發燒，醫生話唔會燒。
想想下，上次遲打，怕藥力到，流感高峰過，而家
都仲咁多，都冇白打。好以妳講咁打左好d心安d。
我打$200一支，妳平好多呀。

妳咁講，一咬就起碼五粒以上，唔以蚊，係虱呀。
...

626mama

各位,

唔好意思，軒爸星期二已經話我知，"好以"
見廣告買，星期日7:30"鏗鏘集 (港台)"會做
上次宏福「和平友愛迎奧運倒數」。

[ 本文章最後由 626mama 於 08-4-25 11:53 編輯 ]

626mama

天藍,

買chicco的物品，成日都唔同介，唔同地方都可以唔
同介，不過，我發現去專門店買野係低D，有時，
仲有其他野送。

我仲想緊，買chicco定花露水好。

荃灣愉景新城二樓有雙妹麥用品買，搵日落下睇下先。

軒軒今日都冇反學，其實冇咩野，只係咳同小小鼻水，
不過怕返左學又比學校叫回，所以放多日。

原文章由 天藍 於 08-4-25 11:00 AM 發表
626mama,

個陣昊爸張咭有拆拆都要成$90蚊(chicco香水蚊怕水),
如果$78我都買一支先咁第, 多謝你提供資料, 我一陣睇
下先。
我見荃灣愉景新城二樓近屈人寺門口出面, 有一檔車仔
檔係買雙妹麥用品, 我上星期有過去 ...

天藍

626mama,

今日12點幾老闆叫我同d同事出去食飯,
無行到去愉景, 放工個陣我先行個去睇, 如睇
有雙妹麥買再打電話比你。

原文章由 626mama 於 08-4-25 12:04 發表
天藍,

買chicco的物品，成日都唔同介，唔同地方都可以唔
同介，不過，我發現去專門店買野係低D，有時，
仲有其他野送。

我仲想緊，買chicco定花露水好。

荃灣愉景新城二樓有雙妹麥用品買，搵日落下睇下先。

軒軒今日都冇反學，其實 ...

626mama

天藍 ,

唔緊要啦，唔洗刻意行去睇，得閒才去睇。
唔該晒。

咁好，老師妳地出去食飯，係咪老細請。

原文章由 天藍 於 08-4-25 02:45 PM 發表
626mama,

今日12點幾老闆叫我同d同事出去食飯,
無行到去愉景, 放工個陣我先行個去睇, 如睇
有雙妹麥買再打電話比你。

天藍

626mama,

唔緊要我今日都想去愉景買野, 因愉景有
chicco專門店買個支香水蚊怕水, 因昊藍
用開有平買定先都好, 順路同你睇埋雙妹
麥d花露水, 都係係二樓, chicco就係地下
個層。
我老闆如下午無會開或係荃灣, 佢就會同
我地出去食飯, 因佢喜歡熱鬧多d人可叫
多d款式既送菜, 同老闆食飯一定係老闆
比錢, 因我老闆唔會要我地比, 試個佢生日
我地諗住請佢, 佢都唔肯一定要佢請, 可能
佢覺得我地打工, 佢係老闆, 正如我同我工
人出去食飯都唔會要佢請我, 就算我生日我
都唔會要佢請, 因到我係老闆。

原文章由 626mama 於 08-4-25 14:59 發表
天藍 ,

唔緊要啦，唔洗刻意行去睇，得閒才去睇。
唔該晒。

咁好，老師妳地出去食飯，係咪老細請。

ElainAiolia

Dear all mami,
D message 好多，要快D追番先得 。

軒爸話好似星期日7:30 p.m.，“鏗鏘集 (港台)”會做上次宏福「和平友愛迎奧運倒數」，咁大家記得留意收睇 。

我最終今日無帶子聰返學，因佢又病o左 。尋日下晝5點鐘左右，印印打比我話子聰發燒但已食o左退燒藥，點知轉頭5點鐘左右，佢又打比我話發現子聰係屋企，被蚊咬o左好多啖，仲好腫o忝 ，我返到屋企見子聰右前臂有3粒，但隻手就巨形o左成倍，條腰又有1粒，好鬼大粒，每隻腳各有1粒，分別係腳面同腳踭位，我擔心被蚊咬導致發燒，o米唯有急急腳去睇醫生，起初醫生話被蚊咬都有機會發燒，但後尾check埋鼻哥及喉嚨就發現佢原來係感冒先發燒o者。所以今日我無比佢返學 。

愉景新城地下整o左個好似森林o既區域比小朋友玩遊戲 (由25/4至11/5)，同上次奧海城差不多，但係D動物無咁真同埋細D (但比小朋友影相較為適合)，但呢度就要消費先可以入去玩 ，而用電子貨幣購物，$400-以上可免費入場；$400-以下要比$20-先可以入場，我睇過都OK o既。

ElainAiolia

626mama,
軒軒好D未呀 ，仲有無成日瞓呀 ？快D好番la。麻煩同軒爸講聲唔該晒 (有關宏福果件事)。

我4隻智慧齒都唔夠位生，全部都要剝，我分2次剝，每次2隻（即上下各1隻），個牙醫又會咁一時一樣o既 。

我同事借比我個兔仔同貓仔頭“cool”今日攞o左，好女仔，白色加粉紅色，都唔知比唔比子聰帶好 ？

我都或者30號去帶子聰返學，順便睇埋佢o地做早操。

我都應為雙妹o麥D味俗D，雖然我未用過Chicco，但我行過佢o地舖頭聞過，陣味都OK  。

hongmimi,
匡匡果班咁少學生，o米好o羅，D老師可以專注D學生，又可响應小班教學。

D蚊好似識搭“車立”咁，幾多樓都上到去，我o地果層都得o架，所以子聰中o左招la 。

pcdogxx講得o岩，剝o左D智慧就keep係腦，無剝o米keep係隻牙度o羅，所以我剝晒 ，咁你 …………………

ElainAiolia

pcdogxx,
果日你比o左隻碟我，果晚我開o左比子聰睇 ，佢都OK o咼，雖然做唔到10成，但都做到6-7成o架，D動作都幾搞鬼 。

唔見書包去千色店站頭問阿姐係佢自己去o既，佢係話完比阿姐聽之後先打比我 。

就係因為而家內置埋機頂盒果D電視好貴 ，所以o米等遲D先，同埋D人話而家未cover到數碼o既地區，買數碼電視係無用，返到屋企又無得試 ，o米無o左更換問題電視o既著數o羅。

你o地講果隻yum yum麵，我未食過，但我想問除o左冬蔭功味外，仲有邊隻味同有無食過呀？

我都好似你咁，諗住呢D天氣唔會有蚊，所以無開蚊機比子聰，就係咁中伏 。

我剝果4隻智慧齒都要開刀o咼，除o左痛好多日之外，仲有發燒o忝。

Chicco 果隻蚊水玻璃樽，100 ml，而家做緊promote $78- 一支 (係指天藍講果隻，原價$120-) 到2/5 ，另一隻濃味D (原價$160-)做緊promote $88- 一支，但唔知做到幾時，但天藍講果隻單支裝全都分店無晒貨，只有value pack $120-，packet入面除o左支防蚊香水外，亦有支洗頭冲涼液，原價好似要$7X-，value pack都抵o既。天藍今日好似買o左一pack。