優才書院家長分享站

dabbycheung

meimeilam,

好彩你提我帶相機咋，所以我有帶呀！
你個仔都好叻呀！恭喜！恭喜！
今日係我第一次同個仔返學，沿途我都有留意學生既行為。我見到既學生，大部份都好斯文，由其係我同個仔搭MTR時，我見到有幾個小學部學生自己返學，但佢地都好守規矩好自律。
今日散學禮時，李教授贊揚G5班學生，因為佢地考Cambridge Flyers攞到87%達標，51%優異，其中有5位學生仲攞到15個盾(滿分)，好勁呀！
另外，英文老師Morris,佢要離開優才。當學生聽到呢個消息時都好失落，好彩Morris話佢只係想放一個長假期，想離開香港一, 二年。其實佢非常唔捨得離開學校，所以佢相信日後會再返嚟教大家。

meimeilam

亞仔都有同我講 Miss Morris 會離開學校一段時間, 雖然 Miss Morris 冇教過我個仔, 但佢都話好唔捨得 Miss Morris, 希望 Miss Morris 能夠儘快返回優才大家庭!

係呀, 我想問吓你知唔知我地小學部六年班今年派中一情況如何呀？ :

dabbycheung

meimeilam,

雖然Miss Morris無教過我個仔，但我都見過佢幾次，知道佢好受歡迎，係一個好老師。今朝李教授講呢件事時，都睇得出佢好唔捨得。
我今朝本來諗住返去八下今年升中情況，但可惜八唔到，我都好想知，希望如果有其他優才家長知道，上嚟報下科。Thanks!

meimeilam

dabbycheung,

差 D 唔記得同你講, 我個大契仔中一派到第一志願, 全將軍澳區唯一一間英中 - 迦密中學

dabbycheung

meimeilam,

迦密呢間咁難入都比你契仔入到。恭喜！恭喜！   
你地有無一齊慶祝呀？我個仔雖然攞獎，但佢有D唔開心，因為上學期，佢數學本來全級考第一，但下學期數學成績就全級考第二。因為咁無左獎學金$500, 佢覺得好唔抵，所以有D唔開心，我唯有叫佢下次努力D！你呢？D獎學金打算點用呀？

另外我想問你，點解成績表無寫升邊班既？因為佢最friend果個同學係讀隔離班，佢好想G.8同佢一班。

跳跳虎

kae,
hehe....咁都比你揾到,多謝!

kae 寫道:
跳跳虎

我啱啱路過此地見到你的post，都忍唔住要入黎同你講聲恭喜呀      

跳跳虎

meimeilam,dabbycheung:
恭喜你地小朋友攞到獎

今天到校取小一課本,原來得2本(普通話書及作業),其他未有得攞,點解呢?
還有前幾天收到優才寄信嚟,改數學書,是否即係小一上學期教下學期的書

meimeilam

dabbycheung,

聽日已經約左契仔佢地食 Pizza 慶祝, 真係叻仔, 不過佢媽咪話再過多兩三年又要為個細仔煩過。

嘩, 數學攞第二已經好好啦, 我都不知幾羨慕呀! 叫你個仔唔好唔開心啦, 重有大把機會攞第一, 其實佢都重攞埋個勤學獎 tim, 好難得架,  努力, 加油!  重有呀, 上年同亞仔一班個同學仔同佢一齊攞勤學獎, 跟住三年班又係升埋同一班, 結果佢地兩個今年又一齊攞勤學獎, 你話 "橋唔橋"?

關於D獎學金, 真係比亞仔笑死, 佢一打開個信封就 "V 嘩鬼叫", 佢話 D獎學金比人分薄晒, 只得 $333.00。 原來每科最高限額為 $1,000.00, 但就算得一個攞第一亦都只得 $500.00, 亞仔常識第一有三個人, 所以只得 $333.00。亞仔話暫時都未唸到點用, 不過會攞少少錢出嚟買份禮物比自己當獎勵。

關於升邊班, 你要係開學個日 (即9月1日), 係學校大堂個壁報板你就會睇到你個仔讀邊班。

dabbycheung

Fram & 跳跳虎：

多謝！第日你地D小朋友都會有機會上台領獎嫁，大家要加油呀！

Farm

跳跳虎:

咁學校有無話其他課本幾時有? 我仲托人今日去拿, 諗住拿到就去配書包, 放埋入去備囝囝試下.

Farm

meimeilam

Farm:

關於書本問題, 亞仔話冇貨, 佢都只係派左普通話書同普通話作業, 要開左學先至派埋其他書。

meimeilam

跳跳虎 ：

多謝晒!

dabbycheung

meimeilam,

你個仔都好好笑。
講起勤學獎，其實我覺得我個仔無資格攞呢個獎，因為其實佢好懶，好少溫書，平時測驗同考試前一日，佢只會溫一，二個鐘頭書(仲係迫果種)，所以佢攞勤學獎，我都唔係特別開心，反而我初時以為佢會攞品行獎添。你個仔攞左2次呢個獎，証明佢真係好勤學。
原來要9月1日先知升邊班？唔該晒。
學校今日開始放暑假，你同你個仔有咩節目呀？

meimeilam

dabbycheung,

亞仔今個暑假非常充實 :

星期一, 三, 五 下午: 去英國文化協會學英文

星期二, 四, 日 早上 : 學游水
    

dabbycheung

meimeilam,

你個仔暑假好充實喎。
我諗住7月比個仔玩下先，8月至安排活動比佢。

CTCM

Farm & 跳跳虎：

我都有打電話問過，學校話暫時只能夠取部份課本，其餘的要在開學時才派發，忍耐吓啦！ 還有，我想問吓你倆小朋友讀那一間幼稚園呀？:

Farm 寫道:
跳跳虎:

咁學校有無話其他課本幾時有? 我仲托人今日去拿, 諗住拿到就去配書包, 放埋入去備囝囝試下.

Farm

sonma

我仲諗住係個暑假到幫佢睇d書tim :cry:

請問小一開學是否是9月4日星期一呀?

CTCM

sonma 寫道:
我仲諗住係個暑假到幫佢睇d書tim :cry:

請問小一開學是否是9月4日星期一呀?

sonma:

不是所有學校會在9月4日開學，有的是9月1日。

dabbycheung

優才唔係9月1日開學咩？

meimeilam

9月1日家長要陪同小朋友返學, 時間由9:30am 至 11:30am, , 而9月4日正式為上課日, 時間由8:15am 至 12:00。