小一的課程真係咁深GA咩？？

wballp

成日聽人講幼稚園太淺驚銜接唔到小一，小一咋喎，其實有幾深？要唔要計代數？英文係咪已經學緊PAST TENSE？中文就要作詩識平仄？我唔太明，真的，因家中無小一親戚，請指教。要點先叫識得夠銜接到小一課程？

dwkw333

原帖由 wballp 於 12-11-22 發表
成日聽人講幼稚園太淺驚銜接唔到小一，小一咋喎，其實有幾深？要唔要計代數？英文係咪已經學緊PAST TENSE？ ...

你可去看看一些小一的書本以作參考

waiting046

wballp 發表於 12-11-22 19:28
成日聽人講幼稚園太淺驚銜接唔到小一，小一咋喎，其實有幾深？要唔要計代數？英文係咪已經學緊PAST TENSE？ ...

好多剛升小一的小朋友都唔識睇同寫字... 唔好話英文連中文都唔識...
有D上到小一識順序唸出A-Z就以為好叻, 但老師抽默就一個都唔識.
你叫個小一讀大題目都係一件冇可能的事...
Past tense 就未教, 第一課通常都係greeting, 要串字.
唔會叫你作詩, 但會叫你作句同重組句子. (記住個小朋友識字有限)
佢地唔識乜野係默書... 背書... 測驗... 考試... 連抄家課冊都唔識...因為佢地未試過...
我唔覺得課程深, 只係幼稚園同小一差別太大.
當然唔可以怪幼稚園冇教, 我地做家長都要負好大的責任, 為小朋友打好基礎.

chanwendy

我女小一, 做過一次 journal, 要用 past tense, 雖然暫時只做過一次, 亦有例句教你用 past tense, 但嗰時都有點傻了眼. 初時仲以為個個星期都要做添, 好彩唔係.

Honey

我仔讀happy幼稚園, 冇咩功課, 冇默書測驗考試, 讀地區名津小, 小一好淺, 小二先開始深小小, 完全冇問題。

最緊要培養小朋友愛睇書, 自學, k3下學期開始比啲坊間補充exercise佢有時間就做。  到現在我都好感恩佢享受了3年非常愉快的幼稚園生活。

MicFred

回復 waiting046 的帖子

唔係掛, 我見好多開心學習幼稚園(有學卷的) k2已寫簡單字, 如田, 日, 人等等, k3就學多筆劃的字了, 英文應已識閱讀短句子了. 讀完k3才識a~z, 太過份了吧.

我看過d出名小學,如LS, St. Mary, 頭2個月的英文默書已經係5~6句約10多字的短句, 數學多用文字理解題目,

MSmrsKWOK

原帖由 Honey 於 12-11-23 發表
我仔讀happy幼稚園, 冇咩功課, 冇默書測驗考試, 讀地區名津小, 小一好淺, 小二先開始深小小, 完全冇問題。
...

認同

JC_mami

現在小一的功課深到我唔信，
我有個親戚於九龍城某龍校就讀，
小一已經有閱讀理解功課，
四時放學，每天六七樣功課，要做差不多兩句鐘，
晚飯後還有溫默書測驗，
如果幼稚園太淺，我想會追得辛苦。

dannyyau302

你未遇到超谷學校啫，講您知嚇壞人

Heyheyjoyjoy

換個角度，如果小一先要識a-z，為何民生2歲人仔考k1已經考呢？幼稚園3年用來學乜呢？

smile2hala

而家囡囡2歲讀緊PRE-SCHOOL已經教緊1-10, A-Z了~她已經識讀1-8, A-Z都識讀UP幾個, 生字都讀少少好似FISH咁~但要佢地合併字難D, 所以可以想像到2歲如此了~升到小學應該唔止咁簡單, 將來如果要IN 小一的話, 而家唸唸其實都係要早D準備, 做定功課搵定料....幫BB補定課先得了~擔心~~

cindychu

真係睇下讀咩小學, 小朋友既學習能力和吸收能力, 仲有識認能力有幾高, 所謂凡事無絕對, 我大囡係讀happy school , 成績優異, 上到一間比較催谷既小學, 高低立見成績表科科見紅, 唯有加把勁追, 追得幾辛苦架, 今年六年级了, 屬band 1組别,同一間幼稚園的同學都在中下遊的位·置。讀happy school 唔緊要, 最重要父母都要下功夫, 唔可能單靠學校。老實講, 好多人都會講一套心一套, 有啲成績唔太好既家長, 會同你講唔使咁緊張, 差啲無所謂, 入唔到band 1咪入唔到囉！最緊要開心, 其實就好憂心, 派位唔好仲好傷心:crying

hobby

我囡囡都是happy school（K1, 學校沒要求默書寫字，但上次評估完，老師建議回家幫小朋友串生字，我想家長都要出力

chanwendy

JC_mami 發表於 12-11-23 12:36
現在小一的功課深到我唔信，
我有個親戚於九龍城某龍校就讀，
小一已經有閱讀理解功課，

有閱讀理解就係叫深咩, 我諗好多學校小一都有做閱讀理解, 問題只係小一係咪做返小一程度的閱讀理解啫, 好多學校 join 的每日一篇都係閱讀理解嚟咋喎, 我女 k3 都有做過閱讀理解喎.

marcuscyrus

chanwendy 發表於 12-11-23 16:19
有閱讀理解就係叫深咩, 我諗好多學校小一都有做閱讀理解, 問題只係小一係咪做返小一程度的閱讀理解啫, 好 ...

有些學校的閱讀理解真的好深，不是在文中找答案的。例如問：你認為為什麼xx會這樣，這個故事教訓我們甚麼
我覺得都算幾深阿

米米噢

上了小一, 由其中文, 不像幼稚園只是認字及看故事, 而是要把字怎運用. 因除了中文外, 還有常識及數學, 都會有很多不同的題目需解題才可作答, 所以有些名谷的幼園巳輸入大量字庫或巳開始給予題目給學生做.另一方面, 某些小學(津校)亦假定她們的學生巳懂怎答題及英文巳不需教導一般我們認為基本的Grammer, 一開學巳有test給予學生, 低分或不合格的家長需自行補吓.都幾大壓力.其餘的還有可能除了基本課堂(有些學校除中英數常, 還有science)外,還有奧數, 樂器.... .....你都唔好話只有詩, 詞, 歌 ... 難, 對一個剛由幼園上小一的六歲小朋友而言, 所面對的, 更需時間消化.

chacolmom

wah, need to do 代數 (you mean algebra?) in primary 1??  that's really advanced!  

mirage

小學教深，中學也考同一公開試。不用怕。