上老師家學琴一問

LeeCC

mimi_chc 發表於 24-2-25 22:13
請教一下，
想幫6歲仔報學琴

各有各好

如果家裡沒有哥哥姐姐學緊琴，小朋友沒有榜樣，在琴行學，見到大哥哥姐姐學琴練琴，有樣學

但一般琴行隔音唔太好，小朋友會易分心，聽隔離房彈琴，尤其隔離係高手，小朋友可能坐係度停晒手做聽眾（我個細個時就係咁）

LeeCC

私人老師試堂通常用學生彈開的琴書去試，可能老師知你無書，所以叫你買書。其實初學來來去去都係果幾本書，就算這次試唔啱，下次試另一個老師都可以帶去試堂。

係琴行試堂，都會叫你係佢度買書試堂，有些琴行唔俾你用自己帶去的書試，要用佢地老師用開的書

LeeCC

未試過係網上搵老師，最好都係搵熟人介紹

LeeCC

mimi_chc 發表於 24-2-27 01:34
十分多謝你嘅分享！
我了解多咗～
咁我去琴行上4堂睇吓仔like 唔like先。我係去cwb 禮x 琴行.. 希望老師都 ...

搵老師都係講夾唔夾小朋友，緣份遊戲

LeeCC

964000 發表於 24-2-27 16:48
1.我覺得上門老師好D，不用琴行分了一截，上老師門學很正常。有例外不過通常初出來的老師才會有琴行教。
...

講起老師資歷，前輩講過，即使初學，都不要搵只有8級或演奏級的老師，因為佢地音樂知識只集中考試要考的，佢話建議找大學音樂系學生或畢業，主修樂器演奏，音樂系學生可以帶領小朋友進入音樂世界，唔係只係考級

LeeCC

964000 發表於 24-2-27 16:48
1.我覺得上門老師好D，不用琴行分了一截，上老師門學很正常。有例外不過通常初出來的老師才會有琴行教。
...

琴行老師有兩種，一種如樓上所講與琴行分佣，通常係資歷經驗淺初入行的老師，另一種是資歷深學歷較高的老師自己開的琴行,或投資連鎖琴行franchise和教大師班, 這類老師會比普通老師學費會貴d

LeeCC

mimi_chc 發表於 24-2-29 01:14
多謝你的tips!
小朋友上咗去老師度試咗堂，感覺唔抗拒。老師不是那些風趣幽默、或者甜美、溫柔老師嗰類， ...

其實都係睇小朋友受邊種老師


我小朋友當年都搵到第4個老師才定下來，有幸後來在不同階段遇到合適的老師

頭3個係琴行老師，都是大姐姐style，有剛剛考到8級，各自也有我不滿意的地方，例如上堂玩電話，所以唔夠一年轉3個

第4個是私人老師，上老師屋企，一位大學音樂系畢業的年輕老師，好似幼稚園老師style，小朋友進步很快，但跟左2年，老師結婚移民所以要轉

第5個都是私人，上老師屋企，小學訓導主任style，注重紀律，小朋友跟她的6年，除了音樂知識，還訓練到自律，堅持，不怕困難，一生受用，但身邊不少家長都話這位老師太嚴肅，似訓導主任，小朋友好驚佢。可能我個小朋友奀皮，反而好受


第6個老師，私人老師，人脈廣，識好多大師，帶住小朋友去見識大師，去演奏會，眼界大開

LeeCC

mimi_chc 發表於 24-3-2 00:11
請問2位樓主係邊度搵你之前D 老師？

3位私人老師都是同學或鄰居介紹的，我搵老師首個條件是要近屋企，所以3位老師都是同屋苑的鄰居

LeeCC

boboapril 發表於 24-3-4 20:48
其實仲有－個choice, 老師上門教。網上搵就自己set d 條件，自由選擇，唔合期望就轉，當然matching 過程好 ...

首先要自己屋企有琴

LeeCC

boboapril 發表於 24-3-16 20:57
屋企無琴但選擇學琴⋯⋯唔太建議啦

家長唔肯定小朋友係咪真係會學落去，所以初期真係唔會買琴係屋企既

或者可以考慮去有租琴房練琴的琴行學琴，每日去琴行練琴，幫小朋友養成習慣先

試幾個月，覺得會繼續學，就要買琴係屋企練習