請問咁樣得唔得*急

eva816

阿囝因為發展遲緩，喺政府做咗評估，醫生refer佢排s位，而家等緊，但喺未做評估前，因為唔未知佢嘅情況，所以照寄信去其他學校，in N 班，但已經唔敢揀名校，最終都有一間好傳統的全日學校收佢，但要等佢兩歲先可以入學，學校仲話可以申請津貼，因為父母在職，因為要等兩歲先入學，咁又冇咗件事，到去做評估時，醫生話佢遲咗12-14個月，叫我地排s位，個社工仲幫我地申請傷殘津貼，話幫補下，因為阿囝一個月要去幾次醫院，問題來了，申請咗傷殘津貼仲可唔可以申請學校果個父母在職津貼呢？
排緊s位又可唔可以讀住其他學校先呢？等s位有位先轉去s位，因為排s位要最少年半時間，我又唔想阿囝浪費呢年半的學習机會，請問有冇人可以答到我呢？十分感謝

eva816

原帖由 pocoyo123 於 12-02-17 發表
當年亞仔兩歲入I位, 只有整體遲緩9個月, 言語遲緩1年, 大肌正常,自理OK,我也以為在I位好足夠, 無須入S位,  ...

多謝你的意見，我而家都係幫囝囝排s位，但擔心第日冇小學收佢

pocoyo123

當年亞仔兩歲入I位, 只有整體遲緩9個月, 言語遲緩1年, 大肌正常,自理OK,我也以為在I位好足夠, 無須入S位, 好快追到, 可惜在I位只是浪費兩年光陰, 到4歲轉入S位, 我要用兩年時間去追4年進度, 好後悔, 早知早入S位, 今年亞仔可以無須重讀K3, 請你三思清楚

eva816

pipi331 發表於 12-2-2 14:10
康復服務中央轉介系統輪候冊資料更新學前兒童康復服務        2011年12月31日
http://www.swd.gov.hk/tc/ ...

我想問係唔係check 唔到佢排緊第咖?

ktv

資源係有分別的, 之前問過, 耀能S位只有ST是有個別訓諫, OT和PT冇個別訓練, 只有小組訓練。而協康3T都有個別和小組訓練。不過而家唔知會唔會唔同咗, 你打去耀能問最UPDATE的情況。

eva816

原帖由 pipi331 於 12-02-02 發表
本帖最後由 pipi331 於 12-2-2 14:15 編輯

Pipi：係丫，評估果陣，醫生都話未睇到佢係唔係，因為佢有同醫生眼神接觸，

但聽人講協康係好過耀能，包括資源，我都唔知丫

eva816

原帖由 overcomer 於 12-02-01 發表
如果負擔唔到私人s位，咁就政府s位暫託+私人訓練。暫託冇位就普通幼稚園+私人訓練。私人訓練按需要和經濟能 ...

問過協康，都要$8200／3hrs，仲要係有自閉先收，因為阿囝做評估時，醫生話暫時都未知係唔係自閉，所以協康姑娘話唔收佢

eva816

原帖由 muimui5 於 12-01-31 發表
咁我當時算好彩，10個月入到I位，次年9月入S位，同直接排S位時間一樣，雖然個囡追唔上課程，但自埋、秩序都 ...

係丫，我屋企附近會開一間耀能，
我想問應該上邊個網check ar

overcomer

協康同明愛，關愛基金等有計劃幫未排到政府服務人士，詳情你打去問。

overcomer

如果負擔唔到私人s位，咁就政府s位暫託+私人訓練。暫託冇位就普通幼稚園+私人訓練。私人訓練按需要和經濟能力去上。如ST, 幼兒導師訓練等。不過私人訓練都唔平，再加埋幼稚園學費，要駛幾錢？分分鐘平唔過私人s位幾多。

到排到政府s位就入，唔駛諗。冇蝕底。小朋友達標就走。唔會第時後悔對佢唔住。且係醫生建議，又唔係你自己要入。

eva816

原帖由 overcomer 於 12-01-31 發表
本帖最後由 overcomer 於 12-1-31 23:43 編輯

如果負擔到, 就讀私人S位啦, 如協康, 耀能, 邁步, 領思,  ...

我就係擔心誤咗黃金期，過咗的時間就係冇得追返，但私人又真係負擔唔起，真係好大壓力

overcomer

如果負擔到, 就讀私人S位啦, 如協康, 耀能, 邁步, 領思, 樂天等都有, 每個月八千幾, 但比S位暫託更有效, 更幫到小朋友, 當然係好貴。  排到政府S位就轉過去。

唔駛覺得讀S位係唔甘心, 早入早出仲好, 追到就可以走, 唔駛讀一世。我見有人, 仔仔明明要讀S位又唔俾佢讀, 話俾佢試試主流先, 結果咪DUM 咗症, 遲入遲走, 浪費咗黃金時間, 追唔返。

muimui5

咁我當時算好彩，10個月入到I位，次年9月入S位，同直接排S位時間一樣，雖然個囡追唔上課程，但自埋、秩序都打了底。我見佢有些I位同學讀得幾好，其實好睇個細路跟同齡的認知差距有幾多。

但樓主有冇上社署網睇下啲S or I學校的派位進度？唔好淨聴社工講，好似話今年有啲中心開多咗位同有新中心開咗，應該有啲區條龍快啲旣。

SandraLo

eva816 發表於 12-1-31 20:07
如果返訓練、好多都係要單對單，但貴到冇朋友，負擔唔起

其實真係要睇小朋友需要............
如佢响普通位學唔到嘢, 情願將d 錢俾佢做單對單訓練, 就算一星期得一兩堂, 都袋咗先, 有d 訓練 (好以ST) 都教埋媽咪的, 你也可在家幫他.

SandraLo

hobby 發表於 12-1-30 16:44
回復 eva816 的帖子

所以我覺得, 只要唔會搞到其他同學, 學校都唔會理咁多

同意

eva816

原帖由 Capricorn2521 於 12-01-31 發表
回復 eva816 的帖子

吾好排I位啦，直接排S啦。問題係等緊S位呢段時間返吾返兼收學校嘅普通位(收咗你果間) ...

如果返訓練、好多都係要單對單，但貴到冇朋友，負擔唔起

Capricorn2521

回復 eva816 的帖子

吾好排I位啦，直接排S啦。問題係等緊S位呢段時間返吾返兼收學校嘅普通位(收咗你果間)，定係返其他訓練。因為咁細個B，多數要訓晏教，返學時間吾多。

eva816

仲有社工話今年一定入唔到s or I位，最快都要出年9月，即係阿囝3歲7個月，到時讀完半年i位唔啱，再排s位又要等年半，到時囝囝已經5歲半，但s位只收6歲以下小朋友，即係話佢得半年的training，我擎兩頭唔到岸，誤咗阿囝