請問咁樣得唔得*急

eva816

阿囝因為發展遲緩，喺政府做咗評估，醫生refer佢排s位，而家等緊，但喺未做評估前，因為唔未知佢嘅情況，所以照寄信去其他學校，in N 班，但已經唔敢揀名校，最終都有一間好傳統的全日學校收佢，但要等佢兩歲先可以入學，學校仲話可以申請津貼，因為父母在職，因為要等兩歲先入學，咁又冇咗件事，到去做評估時，醫生話佢遲咗12-14個月，叫我地排s位，個社工仲幫我地申請傷殘津貼，話幫補下，因為阿囝一個月要去幾次醫院，問題來了，申請咗傷殘津貼仲可唔可以申請學校果個父母在職津貼呢？
排緊s位又可唔可以讀住其他學校先呢？等s位有位先轉去s位，因為排s位要最少年半時間，我又唔想阿囝浪費呢年半的學習机會，請問有冇人可以答到我呢？十分感謝

eva816

Pipi多謝你的回復，阿囝報果間，你之前都有pose過，其實印象都麻麻地，但冇辨法，因為冇一間肯收佢，只有呢間，近屋企，阿囝發展遲緩加肌肉張力低，而家上playgroup又好貴，所以冇辦法，評估報告出咗，我都唔敢同學校講，到時俾學校趕出校先算啦，interview果陣都有問過有冇人中途被趕出校，佢地話未試過，希望阿囝唔係第一個啦！

eva816

原帖由 pipi331 於 12-01-29 發表
殘津 同埋 主流幼兒學校申請學費資助系二件獨立的事.  樓主絶對可以一路讀住主流幼兒學校 + 攞正苦學費津貼 ...

其實果間係兼收學校，唔知會唔會包容呢？

muimui5

回復 eva816 的帖子

如未適行千奇不要去普通幼稚園。兼收幼兒園的托嬰組(一歲半) or S位暫托比較安全。

eva816

原帖由 muimui5 於 12-01-30 發表
回復 eva816 的帖子

如未適行千奇不要去普通幼稚園。兼收幼兒園的托嬰組(一歲半) or S位暫托比較安全。

其實佢識行，但有時會行到好似飲醉酒咁
其實我應唔應該同學校講返佢嘅評估結果呢？真係唔想騙學校，但又驚校長聽到後，唔比佢入學，
其實我的心態係試過兼收學校都唔適合阿囝的話，我真係會死咗條心等s位，但試都未試就要入s位，我真係好唔甘心

eva816

原帖由 pipi331 於 12-01-30 發表
樓主如水緊, 不如試吓排S位暫託,託足全日2千度, 好在人手比例好.... (雖然無學費減免...) 如間S位中心好,  ...

Pipi:請問邊度有s位暫托丫，
其實收阿囝果間學校一個月都要差唔多3千蚊，

Capricorn2521

回復 eva816 的帖子

我覺得可以一試。幼稚園初初都係返1-2個鐘，然後慢慢加鐘至半日、全日。如果老師覺得有問題或處理吾倒，都會同家長反映返，你先再同老師講評估結果啦。

hobby

回復 eva816 的帖子

樓主加油呀

我個小朋友想當年interview, 個老師只係話, 依家唔識行唔緊要, 但開學時要識行就得喎(唔係讀緊你哋講嗰間),
到開學時, 班主任都只係第一日打過電話問/講過, 小朋友唔識行樓梯, 識嘢, 之後就冇收過電話la,
所以我覺得, 只要唔會搞到其他同學, 學校都唔會理咁多

eva816

原帖由 hobby 於 12-01-30 發表
回復 eva816 的帖子

樓主加油呀

多謝你，我又相信我囝囝係俾人搞一隻，因為佢成日俾表弟蝦，但只會坐埋一邊飲泣

muimui5

回復 eva816 的帖子

如果你真係想試兼收(I位)先，你現在or今年4月派位前揾醫生refer你排I位，要選一間高機會在今年9月入到學的(即I位數目多而已經收到2011年中申請的)學校。咁你試過半學年就知道是否需要轉S位，在下年４月前揾醫生refer你再派S位，咁到下年9月入到S位時BB只係3歲多点，仲有学好多時間追。

若你說佢未夠点兩歲但慢咗12-14個月，能力大概是10個月？這半年你先要教佢吃固體食物(飽、餅、軟飯、水果)；帶佢去多些公園，見多D人同練習攀爬。Otherwise真係BB咁，I位幼稚園都照顧唔掂。

eva816

原帖由 muimui5 於 12-01-31 發表
回復 eva816 的帖子

如果你真係想試兼收(I位)先，你現在or今年4月派位前揾醫生refer你排I位，要選一間高機 ...

我初初都係咁諗，因為連試入s位的機會都冇直接要佢入s位，我真係唔咁心，但後尾聽返d有經驗的mami講，其實i位學校幫唔到呢d小朋友，亦有人因為咁而錯失咗小朋友的黃金時期，所以好矛盾

eva816

仲有社工話今年一定入唔到s or I位，最快都要出年9月，即係阿囝3歲7個月，到時讀完半年i位唔啱，再排s位又要等年半，到時囝囝已經5歲半，但s位只收6歲以下小朋友，即係話佢得半年的training，我擎兩頭唔到岸，誤咗阿囝

Capricorn2521

回復 eva816 的帖子

吾好排I位啦，直接排S啦。問題係等緊S位呢段時間返吾返兼收學校嘅普通位(收咗你果間)，定係返其他訓練。因為咁細個B，多數要訓晏教，返學時間吾多。

eva816

原帖由 Capricorn2521 於 12-01-31 發表
回復 eva816 的帖子

吾好排I位啦，直接排S啦。問題係等緊S位呢段時間返吾返兼收學校嘅普通位(收咗你果間) ...

如果返訓練、好多都係要單對單，但貴到冇朋友，負擔唔起

SandraLo

hobby 發表於 12-1-30 16:44
回復 eva816 的帖子

所以我覺得, 只要唔會搞到其他同學, 學校都唔會理咁多

同意

SandraLo

eva816 發表於 12-1-31 20:07
如果返訓練、好多都係要單對單，但貴到冇朋友，負擔唔起

其實真係要睇小朋友需要............
如佢响普通位學唔到嘢, 情願將d 錢俾佢做單對單訓練, 就算一星期得一兩堂, 都袋咗先, 有d 訓練 (好以ST) 都教埋媽咪的, 你也可在家幫他.

muimui5

咁我當時算好彩，10個月入到I位，次年9月入S位，同直接排S位時間一樣，雖然個囡追唔上課程，但自埋、秩序都打了底。我見佢有些I位同學讀得幾好，其實好睇個細路跟同齡的認知差距有幾多。

但樓主有冇上社署網睇下啲S or I學校的派位進度？唔好淨聴社工講，好似話今年有啲中心開多咗位同有新中心開咗，應該有啲區條龍快啲旣。