升中叩門

KMOTHER

有無人知如果要叩門的話,  是不是7月7日就要跑去 D 中學去叩門??  

另外, 如有機會面試大約要等多小天?

[ 本帖最後由 KMOTHER 於 09-6-24 00:04 編輯 ]

stitchfriends

原帖由 KMOTHER 於 09-6-23 23:58 發表
有無人知如果要叩門的話,  是不是7月7日就要跑去 D 中學去叩門??  

另外, 如有機會面試大約要等多小天?

啱啱問過一間竟然答我話唔知, 我話 : 咁往年係要等幾耐? 跟方答又係唔知.

物都唔知, 我都要安排當日嘅行程.

想請問係唔係7月7日當天, 一日內要叩哂門? (即叩門時間得一日)

因為有d 家長話跑幾間, 唔知夠唔夠 time?

Elona

而家D 中學透明度極低, 問佢地有冇叩門位話唔知, 幾時接受申請又 話唔知, 真係苦了家長, 希望各中學校長幫幫忙, 早D 公佈收生細節, 唔洗D 家長周圍撲

sukkiu

原帖由 KMOTHER 於 09-6-23 23:58 發表
有無人知如果要叩門的話,  是不是7月7日就要跑去 D 中學去叩門??  :callme:

另外, 如有機會面試大約要等多小天?

根據早兩年經驗,係即日去叩門,有學校係第二日都有表格攞,有學校校在放榜日上午已派哂申請表,
有學校即時面試.有些是第二日或第三日面試,通常好快知得唔得.也有學校係到註冊最後一日下午才完成考試.所以時間都好緊,基本上都要預7/7-10/7都唔得閒.所以有人請定假,得左咪去慶祝,唔係就去叩門.
至於叩幾多間,就要諗諗同安排好路線,同可以問一問前人大約係點面試,有d做分批做卷,再面試,有些個別面試,有些一批過做卷.真係間間唔同.

至於成功與否,就好難講,有人考左分班試,買埋書,之後有兩個中學話有位俾佢,但佢唔要,即是七月時期,d學生係不停咁轉來轉去註冊.

stitchfriends

好多謝 Suikiu 嘅分享, 咁 7/7 - 10/7 咪要請定假.

重要等到考埋分班試, 買埋書至通知有位呀, 咁耐! 頸都長埋!

我阿嫂話當天簡直似 '乞兒', 撲嚟撲去, in 家長, 小朋友考筆試, 筆試好深, 好多無教過, 成個 hall 坐滿學生, 是 waiting list 得個桔, 叩門一間都叩唔到, 好失望!

我聽咗, 嘩, 成績唔係咁標青物叩門咁難架!

EChing

原帖由 KMOTHER 於 09-6-23 23:58 發表
有無人知如果要叩門的話,  是不是7月7日就要跑去 D 中學去叩門??  :callme:

另外, 如有機會面試大約要等多小天?

又造文抄公, 以下是 ABCD媽咪 數年前在這兒寫過的:

我兩年前也有叩門經驗
要帶的野
1)筆<--填表用
2)萬字夾<--用來夾起所有的copy同表格
3)學生相<--預一打..或兩打
4)漿糊筆<<--貼相片
5)20元紙幣<<--有d學校要收考試費
6)cash用作坐的士<--哈哈哈
7)手提電話+有所有學校電話果本書仔<<--每去一間學校前..打個電話去先..問清楚派表要求..有d學校講明限全級頭5名才能叩...或某某的條件才能扣..問清楚學校叩門當日的午飯時間...我試過到門口因學校要lunch..關門
以下說的...係文件要預備部份
1)profile<--清楚打明小朋友的所有資料,成績,課內活動,課外活動
2)填30志願的copy<<--當你叩頭3志願的學校時..比埋呢個copy佢..誠意表現
3)派位証
4)所有活動的獎狀
5)5/6年級成績表
6)id card copy
7)派位結果的單
以上的野...正副本也預備
副本要幾多set就視乎你要叩幾多間
當日放榜後而不幸要叩門的話
先同班主任講出你想叩邊間..
請校長出封叩門的推薦信
((校長多數肯寫一封架乍...先想好萬一出事..
你最想叩邊間))

同埋如果要叩門
立刻搵間文具店copy果個派位結果的單
因叩門也會收果個的copy的
我經驗一日叩到10間左右o甘上架乍
預備10份當係基數
這兒有我兩年前叩門的小日記
願分享
頭是我兩年前的心聲,尾部係我兩年後的心聲
大女一直成績不錯的
理應在BAND 1
在小四開始天天同她用英文傾半小時
小5下學期開始每天讀報紙
要她用中,英講出或寫出感想
全家對她寄望好大...因她是長女
是家中第一個升中的女女
因一次報分試撞正她最愛的哈利波特出版
就衰左一次exam..正是
果次..
跌到1尾2頭
在畢業前的last exam..在無壓力下
她竟考出全a的成績
到放榜日...派了去第8志願
我,老公,老師...全部諤然
*在放榜前一日...向老師打聽
會否派得好差...因如果要叩門
我要安排細的有人照顧,要放小孩去托管中心
前一天就收到要將要叩門的消息
很失望,也要提起心情去印好和預備20份叩門的文件
和所有東西
拿到放榜的後...先去女兒最想讀的那一家去叩
反正也在家附近
經驗是把最想去而和小孩的level相約的學校先叩
因當天時間真的很重要
如果和老師熟..不防早一天..當學校收到成績後
先問問說....是否在頭3位..或頭5位
如果不在頭5位而需要叩門
也請班主任為你請校長寫定叩門信
不用放榜後才寫..(time is money on that day)
多數校長只會為你寫一封叩門信
想清楚那一封信你想放在那一家學校上
當天我就像傻婆一樣
只要門上寫上"中學"兩個字
就跑進去...填表,有的要收20元exam費的..就比錢
貼照片(真的要放榜前晒定一打或二打相片係屋企..用唔當然好..用得而無在手就頭痛)
老公當日也說我瘋了
但我說...先叩吧...叩到成功的話
選擇權在我手去選一家好的呀
早上部份全是叩心儀的學校
下午打後..就亂叩一通了
第二天可能壓力大...我病了..燒到102
老公和女兒見到也說今天不要再叩
我說不行..再叩..去醫生那邊那個針..
再來!..哈哈
我全部叩了二十多家學校..
不同類形的叩門考法也試齊了
最後..是當日第一家叩門的..
亞女最喜歡的那一家先要求面試
父母同行是最好...表現家人對小孩的關愛
面試係我和老公和亞女同行...
學校沒問太多學術的問題
反而多問父母對小孩的家庭關係
兄弟姐妹間怎處理事
父母對小孩的期望
對學校的感覺,觀點
老師亦講明...是因為last exam全a
她才有機會面試
因覺得她不是不能讀
可能是壓力下考不好而已
後來這家中中收了亞女
因她的成績編了入精英班
在無壓力下學英文
對英文興趣更深
會自己搵方法主動去學英文
這是一個媽媽的心聲
當日一心想讓她入英中
後來只能入中中...真的失望到最低點
原來... 不是一件壞事
現在無壓下她的表現更勝重前
考試輕輕鬆鬆的也考到不錯
她說她讀得很開心..也說明
記得媽咪當日為她叩門的苦過程
一定不會學壞
看她這樣...我也安慰了
願分享小人的故事...共勉之
今年到我的二女升中
希望唔洗再叩門啦...哈哈哈

EChing

原帖由 stitchfriends 於 09-6-24 16:27 發表
好多謝 Suikiu 嘅分享, 咁 7/7 - 10/7 咪要請定假.

重要等到考埋分班試, 買埋書至通知有位呀, 咁耐! 頸都長埋!

我阿嫂話當天簡直似 '乞兒', 撲嚟撲去, in 家長, 小朋友考筆試, 筆試好深, 好多無教過, 成個 hall 坐 ...

以下是另一位 mccmom 所寫:


Hello,

雖然無乜特別,我也想分享吓去年叩門經驗!在放榜前一個星期,我已經打電話到各中學問有無叩門位和要求,然後選定幾間與小女level相約的中學,影定學校位置圖及set好行程,又問朋友借了車,希望盡量於放榜當日上午報齊咁多間…
果然有兩間即日下午面試;記得將手提電話义足電呀,因為有些中學不是人人有得”in”,佢地會打電話通知你架! 準備定ABCD媽咪所講嘅嘢,以及叫你地囝囝/囡囡帶備自用文具,因為有些學校要考筆試。(重有呀!去年放榜當日好熱,哂到隻狗咁,唔怕麻煩帶D 水啦!)

希望各位放左榜嘅節目係去飲茶慶祝

mccmom

p.s.有些中學早一星期已派表喇,得閒記住早d問定心儀嘅學校




最後, 我想加幾句. 大家之前一星期可開始上綱查閱目標學校 之公佈, 如三天前仍不見, 可直接致電查詣. 我雖然沒直接叩門的經驗, 但發覺很多學校的時間"相撞" (因為大家(學生及學校兩方面)也要在數天內完成一切), 魚與熊掌, 大家要就 喜愛程度, 實際實力, 估算對手, 時間可行程度 等等作出決定, 從而事先安排.


希望大家只是備而不需用, 到時飲茶的飲茶, 返工的返工 ...

stitchfriends

原帖由 EChing 於 09-6-24 16:29 發表


以下是另一位 mccmom 所寫:


Hello,

雖然無乜特別,我也想分享吓去年叩門經驗!在放榜前一個星期,我已經打電話到各中學問有無叩門位和要求,然後選定幾間與小女level相約的中學,影定學校位置圖及set好行程,又問朋 ...

好多謝 EChing 嘅分享, 叩門過程好辛酸啊!

dder

明白了許多了... TKS.
其真老師早一日就知道嗎?

慧妮會員

原帖由 dder 於 09-6-24 19:43 發表
明白了許多了... TKS.
其真老師早一日就知道嗎?

係,學校會於6/7收到結果, 至7/7才派發,有D學校會作出暗示...

mummy911

請問大家叩門profile要由p.1 做到p.6? 還是p.5 & p.6夠呢??

我想到時D學校一叠叠咁收,點會有心機同你一頁頁睇??同時有D學校都有自己waiting list 啦, 鬼睇你咩!! 所以係咪p.5 & p.6夠啦?

大家點睇??有冇人分享吓?

johnmon

EChing

聽到了都覺得辛酸，我想也不不是人人也有這樣的意志力，希望大家今年不用去到這一步。

JA93

EChing

多謝你嘅分享, 令我想起小一叩門辛酸過程!希望今年大家都只是備而不需用, 到時飲茶慶祝,。另外想八卦一問，你的大女兒當年是否Ｂand 1生而派了去第８志願？

MonaLeung

Yes, 係p.5 & p.6 就夠勒, 簡潔為主.

原帖由 mummy911 於 09-6-25 21:39 發表
請問大家叩門profile要由p.1 做到p.6? 還是p.5 & p.6夠呢??

我想到時D學校一叠叠咁收,點會有心機同你一頁頁睇??同時有D學校都有自己waiting list 啦, 鬼睇你咩!! 所以係咪p.5 & p.6夠啦?

大家點睇??有冇人分享吓?  ...

stitchfriends

原帖由 Elona 於 09-6-24 12:03 發表
而家D 中學透明度極低, 問佢地有冇叩門位話唔知, 幾時接受申請又 話唔知, 真係苦了家長, 希望各中學校長幫幫忙, 早D 公佈收生細節, 唔洗D 家長周圍撲

今日打電話去問咗 D 中學, 睇吓有物要求?

最緊要問吓那間學校是 Band 幾? 竹門對竹門, 木門對木門, 費事去到同自己唔同 Band, 白行.

我多嘴問過一 D 中中, 佢地答我話係 Band 1 喎, 物唔係英中至係 Band 1 咩?

睇過 D 學校介紹, 有 D 收弱 lung, 有 D 融合教育, 唔知好唔好架呢? 唔知對課堂有無影響?

ricetaster

全港英中學額係收唔哂所有Band 1 生, 如果都一間中中大部份學生係Band 1生, 係可以話自已係 Band 1 中學。

原帖由 stitchfriends 於 09-6-26 17:17 發表


今日打電話去問咗 D 中學, 睇吓有物要求?

最緊要問吓那間學校是 Band 幾? 竹門對竹門, 木門對木門, 費事去到同自己唔同 Band, 白行.

我多嘴問過一 D 中中, 佢地答我話係 Band 1 喎, 物唔係英中至係 Band 1 咩?
...