好嬲！遭人歧視

BBQUEENBB

今日我有個同事岩岩生完第二胎返工，佢個大囡同我個囝差兩個月，佢個大囡14個月已經行得好好，但我個囝因整體發展遲緩而家16個月都未識行（大小肌遲左一年）！

佢問我點解會咁遲，我話有好多小朋友都係18個月先識行，凡事有早有遲！

之後佢同我講，你當佢正常人咁湊啦，有d大人個樣正常，原因得10歲智商，真係睇唔出架！

&xyz@"&$/-佢吖！我個囝未識行啫，唔係弱智吖！真係太過份啦！

殷!!

唔需要為小事而唔開心, 當日我亞仔都20個月至識行第一步~
你只用愛心和耐心照顧亞仔, 他會漸漸成長!!

pollybell

點解佢叫你當正常人咁湊????你湊得好唔正常......佢覺得?????

Anpanmama

原帖由 BBQUEENBB 於 12-06-10 發表
今日我有個同事岩岩生完第二胎返工，佢個大囡同我個囝差兩個月，佢個大囡14個月已經行得好好，但我個囝因整 ...

唔好嬲!
當佢無腦發噏風！
我仔都係18個月先行，家陣小學咯!
響仔仔嘅成長過程中，克薄嘅說話同待遇都遇過唔少！
只要想著，我哋嘅小朋友仲可以行，可以教會吃會睡，已經是很大的幸運了!
加油吧!
原諒她的無知啦!

陳爸爸

對住同事可以講啲咁克薄的話, 好明顯得10歳智商的係佢! 童言無忌吖嗎

BBQUEENBB

原帖由 殷!! 於 12-06-10 發表
唔需要為小事而唔開心, 當日我亞仔都20個月至識行第一步~
你只用愛心和耐心照顧亞仔, 他會漸漸成長!!
...

咁你囝囝而家已經追番哂？

why-me

BBQUEENBB 發表於 12-6-10 19:31
今日我有個同事岩岩生完第二胎返工，佢個大囡同我個囝差兩個月，佢個大囡14個月已經行得好好，但我個囝因整 ...

咪嬲啦, 佢唔係我地又點知我地感受?
佢講左唔使負責, 你亦唔好放在心上, 若太上心呢D說話盞自己辛苦.
我地仔女須要好多正能量, 我地要以身作則.

諾諾爸爸

由得天收佢, 阿Q地想: 相反同情她有醜陋的內心

Deniz

男生和女生就是不一样的，女生发育的比较早，男生相对要晚一点，要不女生到了高中的时候就不如男生了，要不要他的女到高中的时候你也说一样的话

cat1028

唔駛嬲，以後啱傾講幾句，hi&bye.
佢要認叻咪關閉耳朵笑笑，唔好比較。
我同囝囝去pg，見其他小朋友牙尖咀利，可以點喎，又冇得迫。
努力呀 ！

殷!!

回復 BBQUEENBB 的帖子

SO FAR , 真至現在, 亞仔(現在小一)既大肌發展還是不太合格物理治療師說他屬於肢體協調障礙, 我成日亞Q地想:
協調差令他不會扎扎跳, 少啲跌打損傷!!
但言語, 社交, 認知.....等等, 發展追貼了,  是令人感恩的

你不要心傷, 你的兒子很須要你的照顧, 他會一天一天地進步

你可於圖書館借"感覺統合"既書參考, 它可給你很多啟發!
我當時參考書中既遊戲, 又參考物理治療師訓練,
再於家中幫亞仔訓練, 成效倍增!!


路上....你不會孤單, 這裡有很多家長與你同行!!!
大家都要努力!!! 加油!!!

laiyuen

你同事咁無品！如我係你可能我會忍唔住串佢：「係呀，所以我都當你係正常人咁相處！」
你同囝囝都要加油呀，可以追得返架！

nicolelaulau

唔好嬲！呢d人都唔配做人阿媽啦，一d家教都冇，我相信佢d仔女大個左都會對住佢斤斤計較！我亦都相信佢係一個極度自卑既人，因為呢d人咩都要比較一餐，從而平𧗾自己既自卑心態！所以你對住呢d無知自卑既人可以一笑置之，無謂動氣，我地要加油呀！！！

Letter_lalaland

殷!! 發表於 12-6-11 16:08
回復 BBQUEENBB 的帖子

SO FAR , 真至現在, 亞仔(現在小一)既大肌發展還是不太合格物理治療師說他屬於肢體協調障礙, 我成日亞Q地想:
協調差令他不會扎扎跳, 少啲跌打損傷!!
但言語, 社交, 認知.....等等, 發展追貼了,  是令人感恩的

肢體協調能力較低嘅小朋友，
對於參與進行肢體活動較其他同伴少，

可能的原因包括：
能力不足，致自信心較弱；
避免受傷或出醜，免得被師長責備、父母囉嗦、同伴取笑。




但惡性循環下, 小朋友同友伴嘅互動少了，
對運動的興趣降低了，鍛練身體的機會亦少了。




協調障礙可以透過訓練一步一步克服的，
而父母則是最佳的訓練員/ 教練 / 導師。




繼續努力，加油！