考完直私後才知道的美麗誤會

muimui125

考完直私後才知道的美麗誤會
1. 多間直私校長接受訪問表示小朋友面試最重要是要展現童真，佢地唔係要收最叻，曾經真係相信。其實有童真，那就是一般小朋友都已經有的特質，但很多學校就是要在幾千人中找百幾個有非一般的特質
2. 馬騮山隔離間私校校長更曾表示過，每個小朋友在佢眼中都一樣，如果可以，最希望可以抽籤收小朋友，如果係，又何必搞兩三場面試
3. 神校不會看家底、父母職業 （神校家長經常謙虛話自己只是普通家庭，其實每人對普通既標準都不一樣）
4. 拍片是要減輕家長和小朋友壓力
5. 拍片時希望看到小朋友最真實一面，學校建議不要操練
6. 學校不看重cert (不看重豬肉獎... 但如果是音樂或體育才能，能為校再添獎盃，真的會不看重嗎）
7. 學校表示看重家長誠意 (校長是不會知家長在群組內不停表示對學校安排不滿、亦不會知很多家長在得到offer後還在心大心細 vs 不同學校) ，其他waiting家長沒寫信都收call了，寫了求位信的waiting 最後亦得不到call

以上有感而發 ，不喜勿插

Vana

muimui125 發表於 22-3-27 10:22
考完直私後才知道的美麗誤會
1. 多間直私校長接受訪問表示小朋友面試最重要是要展現童真，佢地唔係要收最叻 ...

其實有啲校長講嘅嘢都啱嘅 ，只係可能有其他更優勢嘅特質揀上啫，唔好灰心，始終幼稚園階段仲太細，好多嘢未能夠完全 睇得清楚

童真我覺得好多學校係真係有睇既，我仔 in 神校真係答佢點解鍾意間學校係因為有好多樹葉執 好好玩 校長都笑

神校都真係有普通家庭，交緊 4份 1 學費，最難得無因為咁而唔收細佬，反而好多其他有捐錢同學細個個無收，都真係睇小朋友表現

至於音樂運動, 真係名校既話好多小一階段真係唔睇， 寧願小朋友大大下有番咁上下表現，佢先揀入學校都未遲，名校好多選擇 ，始終k3仲係太細 未見太多 認受性嘅成績

總之平常心 小一仲係開始階段，之後先慢慢見真章 小學插班仲有大把選擇，加油

myfaye

muimui125 發表於 22-3-27 10:22
考完直私後才知道的美麗誤會
1. 多間直私校長接受訪問表示小朋友面試最重要是要展現童真，佢地唔係要收最叻 ...

7 is so true!

purinwun

平常心，身邊朋友仔女靠面試班考到入去，但讀得辛苦，成日鬧，為乜？選擇適合學校，小朋友先讀得開心。

gomapi

Totally agree

Kars718

我認為入神校除咗面試標青外，要適量運氣！

lawbaby

細路有童真， 校長有虛偽

jbbmom

#4 #5 純屬誤會拍片超大壓力, 更加睇唔到小朋友真嘅一面

#7 視乎邊間, 播道或者有d用掛..

piglover

muimui125 發表於 22-3-27 10:22
考完直私後才知道的美麗誤會
1. 多間直私校長接受訪問表示小朋友面試最重要是要展現童真，佢地唔係要收最叻 ...

7) 一定係。

piglover

jbbmom 發表於 22-3-29 00:45
#4 #5 純屬誤會拍片超大壓力, 更加睇唔到小朋友真嘅一面

#7 視乎邊間, 播道或者有d用掛..

播道不是，身邊好多朋友表示，一定同有無寫信無關係。

chriskaan

加油 , 我上一年考小學 , 已經明白d個道理 , 10間有8間 , 都是學術行先 , 而且要求小朋友的理解能力越強越好 , 不過 , 我無對小朋友抱太高要求 , 亦沒有考入神校 / 名小 , 只希望小朋友按自己的能力 , 入讀最適合佢的學校 , 保持有對學習的興趣 , 滿滿自信 , 就滿足了 !!

piglover

求位信，係呃人嘅。屋企人同幼稚園校長寫過求位信比聲稱好喜歡收信嘅播道。結果係無得interview 。其實，咩又係call waiting call名幼學生。她地諗住播道可以行路返學，夠近。

好在屋企人順利收到區內直資小學offer。

Azzurro

我覺得小學招生其實同公司招聘一模一樣

小學招生最關心的是 1. 目前小朋友嘅水平，同更重要嘅係 2. 預計六年後呈分試 / 十二年後小朋友嘅DSE 成績
因為呢個先係學校嘅生命線

公司關心新員工除了目前靚仔靚女與否，也關心能否長遠為公司帶來好處

講真好難因為一封家長信就改變校方內部排名呢
你公司都唔會因為求職者一封感謝信就改變排名吧

lemonstar28

講得好
k2已經要學呢樣果樣， 一到k3就考小，大家都大壓力。
拍片，zoom ，二面三面
搞足成大半年， 一係就勁多offer, 一係就一個offer都無。
等自行， 等抽獎，仲有叩門。。。
真係好難得嘅經歷

yin0101

Azzurro 發表於 22-3-30 14:58
我覺得小學招生其實同公司招聘一模一樣

小學招生最關心的是 1. 目前小朋友嘅水平，同更重要嘅係 2. 預計六 ...

請問會怎樣看到六年後呈分，十二年後DSE表現？ 是否要表現成熟同好淡定，書生型？

Azzurro

yin0101 發表於 22-3-31 08:09
請問會怎樣看到六年後呈分，十二年後DSE表現？ 是否要表現成熟同好淡定，書生型？ ...

從學校角度的話，可能會考慮：

1. 家庭住址：地址差的話 （例如我。。），比得起學費嗎？定係黎練習面試，黎參觀校園？以後比得起興趣班，遊學團費用嗎？以後唔係要申請助學金啊？
2. 父母背景：背景差的話，以後能否日日係家中學術助攻？
3. 小朋友簡歷：文筆差的話，不論中文英文簡歷寫得語法錯，唔地道，父母是否學歷見識一般？

我完全理解學校嘅顧慮。。
家長多從校方角度睇，就會好過啲。雙方需求完全唔一樣。

超能爸爸

回覆 muimui125 的帖子

千祈唔好灰心，考小一只係人生一個小階段。
好似我個仔咁，優點係斯文、好學、勇於嘗試、聽話，我唔係偏心，我覺得老師教著呢啲小朋友一定有滿足感，事實亦證明咗係咁。

可惜，佢本身真係唔係好叻，行出嚟冇台型，內向、冇自信心同語言組織能力比較差，呢啲全部係小一interview大忌。

但我自己心諗，佢嘅優點其實已經令我讀書唔使勞氣，隨時小學都可以自動自覺溫書同做功課，其實咁已經好夠啦。

天生我才必有用，每個人也有優缺點，咁啱佢嘅優點係interview嗰十分鐘發揮唔到都冇辦法，但人生路漫長，只要有心，小朋友一樣可以茁壯成長，加油呀！！！

Soming

purinwun 發表於 22-3-27 13:05
平常心，身邊朋友仔女靠面試班考到入去，但讀得辛苦，成日鬧，為乜？選擇適合學校，小朋友先讀得開心。 ...

對，識人帶小朋友考到貴價名幼，喺我心目中佢培訓到小朋友18般武藝，學10幾樣嘢，考足certs，最後升小一一間私直都考唔到。

到大抽獎抽到名小學，佢自己話日日因學業鬧小朋友，依家佢又唔肯做功課...

人生很漫長，別氣餒，最緊要親子關係好、錫父母。

lovelovebabe

2嗰間個校長話， 教學時唔著重成績，但就成日標榜自己年年出幾多個高分狀元榜眼探花... 意思係唔係要家長自己操，所以， interview揀學生嘅特質，係揀識操細路嘅家長，自己返屋企攪掂佢。

www

muimui125 發表於 22-3-27 10:22
考完直私後才知道的美麗誤會
1. 多間直私校長接受訪問表示小朋友面試最重要是要展現童真，佢地唔係要收最叻 ...

同意童真好重要，不少家長以為小朋友上面試班便可以增加取錄的機會，結果小朋友面試時只會如機械人一樣「背出」面試班教的「指定答案」，結果弄巧成拙