igcse 分開幾個考期 vs 一次過考

Mommy-Maggie

今日同家長朋友交流，佢話我知佢個細路間國際學校分咗三個考期考唔同科，分別Y10考EFL ，Y11Jan考Maths，Y11May考餘下所有科。。。聽落學校安排都唔錯喎。。。。可分散考試壓力之餘，如果有失手，都可以考多次。
相對小兒就讀嗰間，所有科目一炮過都是2023May呢個考期，有啲科目重叠同一日，更甚的是重叠埋時間。
反覆思考，這種分段考試安排對未來，例如，申請大學，會否影響嘅呢？

beastiebistro

Mommy-Maggie 發表於 23-5-18 13:19
今日同家長朋友交流，佢話我知佢個細路間國際學校分咗三個考期考唔同科，分別Y10考EFL ，Y11Jan考Maths，Y1 ...

英國嘅學校係唔會鼓勵／容許學生分開幾個考期去考GCSE嘅，因為其中一個考試嘅目的正正就係要睇下學生可否同時應付10科8科唔同類型嘅考試，萬一失手想重考亦會可以清楚分別。

我都喺唔同場合講過，iGCSE/GCSE考得好對入大學係冇幫助嘅。但係，如果考得唔好，或者拆開分幾個考期考，反而就會有反效果，會減印象分添。

如果真係咁著數，點解唔係人人都做緊？我諗冇學校會專登玩佢啲學生啩？

當然如果你都唔諗住申請英國大學，咁我諗關係不大。

Mommy-Maggie

beastiebistro 發表於 23-5-18 13:57
英國嘅學校係唔會鼓勵／容許學生分開幾個考期去考GCSE嘅，因為其中一個考試嘅目的正正就係要睇下學生可否同 ...

Thank you beastiebistro
呢間國際學校咁安排學生考幾個考期咪好似害咗班學生。

beastiebistro

Mommy-Maggie 發表於 23-5-18 14:36
Thank you beastiebistro
呢間國際學校咁安排學生考幾個考期咪好似害咗班學生。

每間學校有佢自己考慮啦，我唔評論佢諗法喇。都係嗰句，如果報英國大學，iGCSE 重要性幾乎係零。如果報香港大學，直頭係零。咁都唔可以話害啲學生嘅...