有冇媽媽買咗[迪士尼美語]敎學

hcwong50

有冇媽媽可以話比我知你哋用緊迪士尼美語敎學,好唔好用.

....或有冇d平d介紹呢???? :

SweetieBaby

我個仔用緊la!! 用左4年lu!!

hcwong50

咁你覺得你個仔學得點？你係咪全織媽媽，我係．．．咁會唔會好ｄ？你係咪用緊最貴果套？我ｂｂ１６個月大，唔知買唔買好！可以比ｄ意見我嗎？ 多謝你

SUSANNA

我都係做左5年, 你指最貴果套是否 full set, 我女六個月開始用, 我覺得有用, 但要家長配合, 否則咩野都無用.

hcwong50

我所指係full set,當然要家長配合啦,我都唔信就咁播碟唔埋佢就可以，咁你係咪成日都同個女講英文，我好驚會買錯，真係唔平嫁！你地比多ｄ意見我啦．　  

juliaki

Hi hcwong50,

有冇興趣平平地買二手vhs正版呀,3隻Play Along 1本書 ,4隻Sing Along 4本書

有興趣pm我

swallowng

我個女半歲開始用，用咗差不多一年了、而家時時都有好好的回應、我自己觉得好值投資啦！虽然好貴但當系一項投資，可能心理上會好些！
當然全職媽媽陪會更好！但要有耐性、雖然我都系全職媽媽、不過有時都好懶跟足課程！

alisonsky

我用咗5年啦，大家可參考吓，我大女歲半多d，細女6個月時買的，因為覺得菲姐d英文唔正，所以叫佢跟住時間表播dvd，電視就只睇英文卡通片，我就放工或得閒先陪女兒睇書，書同有關玩具就放曬出嚟任睇任玩， 連浴室都有架，poster就貼到成屋都係，包括其他英文poster，但肯定愈細個買愈好(早期教育嗎)，會吸收d，就好似玩具咁陪佢大，我細女到現在都會攞嚟睇架。另細女3歲半就開始讀公文英，宜家k3讀緊AII課程，已超學年了 (都有d安惠)。但套教材真係好貴，如果我不是有2個小朋友，我都未必買呀。其實，只要家中佈置好學習環境，任何地方都有學習的圖畫及文字，及盡快開始早期教育，相信有沒有貴教材都可另兒女有所得著的  

caba

我覺得有多餘錢，同你真係會跟黎用就買。不過真係貴囉！

chumamma

其實呢套嘢, 有好多家長已有  dvd vcd cxpy, 但係個人覺得dvd vcd 與其他電視教材相約, 無特別, 但最寶貴係12本書 同 27隻 cd, 仲有 fun with words, activity book 4 本, activity card, singalong 4本書, 4cd, telephone english 同 7cd, 全部都真係好有用, 好正。

值得用二手價萬零蚊去體驗一下。入會就免啦, 因為只可以更換 book , disk.   其他消品不可以更新。

book 同 disk 我自己都識得 bxckxp, 洗鬼入會咩。

chumamma

係呀, 早前 bt 有得download, 呢度好多家長已download晒 DWE Playalong Singalong

hang&fidella 寫道:
聽講bt有得download

卓衡父母

alisonsky

Could you mind to share the timetable?

Thanks!.

alisonsky

卓衡父母，

其實我都冇特定既時間表架，我又冇跟足DWE的建議做，因為我要返工，初期就每日叫菲姐播返相關的dvd, cd ，book & toys 比佢哋睇和玩，早午晚，後期佢哋就開始簡topic，我就放曬所有教材（DWE & other) 任佢哋睇，有時就扮吓hippo dance囉，有時就扮高飛D傻瓜野，佢哋就好記得，又會發現多D又話比我聽，有時用D poster玩遊戲，我讀英文，佢哋鬥快搵，或調轉，當然有時要扮野，搵唔到，等佢哋覺得自己好醒，有時又要扮叻架，等佢哋努力D嗎   
個人意見係，多D時間培佢哋，提高學習既動機，佢哋鍾意玩嗎，咪一邊玩一邊學囉

winghw

我看過佢地的demo VCD，覺得D質素好差，畫面好似好舊，D聲音又細。聽人講係因為D動畫係幾十年前迪士尼的動畫剪製而成，所以係咁架喇。想問下大家，係唔係用幾萬蚊買返來的vcd都係咁既質素？

hcwong50

我剛剛星期二買左, 星期四收貨, 多謝各媽媽比咁多意見我, 希望我bb用得好啦.

ice_blue

please advise where I can find out more about English Time?

thx.

sherin668 寫道:
我有迪士尼,已買了8個月,但效果唔係咁好,最近我朋友用english time話我知好正,我都覺et 好d 咁,有系統d呀,佢好似可用到大d, 好似有 cd-rom,仲有係我朋友個b 明顯識得多過我個b呀,攪到我好想買個set tim,大家可否比d 意見我呢

swallowng

sherin668
我覺得你話後果唔系咁好‥未必要另买一套既，可能系小朋友未發揮出来並唔代表唔識架•而且這只是引起佢對學習興趣的輔助エ具令佢唔怕英文啫，系咪？唔好考驗同比較佢的成果啦！況且這套价錢都唔平！ＥＴ呢套我觉得無論人物或卡通都唔吸引，
所以再努力同佢玩迪士尼美語＇效果一定會如你所願的！
只要能令佢去睇去玩唔放棄就一定有好的一面表現！    唔好心急！

baby627

我想問下,其實全套野要幾多錢架?有d咩野架?可以用到幾大?我都想買一套呀!