應否讓仔仔入幼兒園?

黎太

大家好!我是問題多多的黎友.
我的仔仔剛2歲, 正考慮入讀幼兒園(現在是waiting list), 如成功取錄, 我卻有些顧慮, 請大家指教吓我, tks!

1. 我是全職媽咪, 應否這麼早給他入學?
2. 聽朋友說, 咁早入學(特別是全日班), 小朋友會很容易生病.
3. 就算返都應揀半日班?
4. 如果唔返幼兒園, 而選擇讀一些親子課程會否好些?待07年才讀k1是否較好些?

請給我一些寶貴意見

crystal媽咪

讓我試下講下自己的意思:
1.有些全職媽咪會早比小朋友入學, 因為覺得自己返左工,
小朋友跟工人(OR祖父母)在家中會很悶. 而且一般早入學
對他語言, 或社交都會好D.

2.通常初入學, 小朋友都會易病D, 就無話全日OR半日,
因為多左出街, 街上多人多車, 而且天氣凍都要起身返學,
係會易病D. 有時同學仔打噴嚏又唔識用手遮住個咀. 不過通常返2個月大部份都會適應.

3.初初可以返下半日, 適應下先都好. 不過最重要係睇下間學校下午有無活動, 有D學校話係全日, 但下午成3:15至起身,
跟住食完茶點, 玩下玩具又放學. 呢D就要了解清楚好D.

4. 我識的朋友之中, 有D係1歲半返playgroup, 到2歲半3歲至返幼稚園, 不過都比較適應快d, 因為都學到d常規, 如:起身泊好椅子或坐定定食茶點.

不過以上只係我個人同朋友的意見, 你可以聽多d人的意見至決定.

ezakimiho

我囝囝八月足兩歲.  我已經幫佢幫左名入讀9月N1.  因我想比佢早D學習與人相處及自理.  而且屋企只有一個小孩.  他會好悶.  所以我覺得兩歲入學不算太早.  

不過...每個媽咪要示乎自己屋企情況而定.

susanpang

我覺得讀n1對小朋友會好d, 特別係社交同自理方面

黎太

我都認同. tks!

黎太

其實, 我的小朋友常常在爭玩具時, 便會出手抓人或打人, 這問題令我很煩惱.... :cry:

puipuiba

我都有點擔心 ，因我個女到而家仲未識發單音，仲係一大堆bb話。九月尾足兩歲，所以考慮緊比唔比佢上幼兒園好?

黎太

我都有考慮報playgroup, 但真係太多唔知點揀, 我住沙田區, 好似新城市廣場附近有, 請問有無人給我意見邊間好?

黎太

puipuiba,

我的小朋友都係比較遲講嘢, 現在2 yrs都係講"複字" 波波, 車車...
但個個唔同, 千祈唔好比較, 有些是遺傳的, 我奶奶都話我老公成3 yrs先講全話...

car_man_ng

俾2歲小朋友早D適應群體生活，學習與人相處，又可以學下常規，守規序，對將來轉幼稚園K1都有好處。

lumijuli

1. 我是全職媽咪, 應否這麼早給他入學?
可以只返半日

2. 聽朋友說, 咁早入學(特別是全日班), 小朋友會很容易生病.
早同晚的問題, 一返學就一定容易病, 睇你想早一年定遲一年

3. 就算返都應揀半日班?
睇你需要

4. 如果唔返幼兒園, 而選擇讀一些親子課程會否好些?待07年才讀k1是否較好些?
唔返幼兒園都會建議返PLAYGROUP之類
去學一下群體生活

CINDY媽

我個小朋友之前都有比佢讀N1全日班,最主要係想佢方便我揍,同我覺得越早比佢學規距會好D,大個仲難教添,病就係問題,真係好多,平均每個月一次,但越大會少D架,唔知習慣左定係扺抗力好左,返學反而有一個定時間表比小朋友我覺得就幾好,飲食同睡,每歺都定時同平均,半日定全日唔會話全日多D病,病源如果係同班小朋友,半日定全日都係個班,如果中到中架LA,其實係睇番你個需要姐...比老師教總好過比MAID或婆婆教,

黎太

多謝各位的回覆, 我已決定俾阿b讀全日n1, 希望我同阿b都能早日適應, 因為我其實都好唔捨得!

car_man_ng

小朋友返學初期好大機會會哭泣，那你也要引心放手，俾佢跟老師，如果唔係便使小朋友依戀你更多，更加能適應學校生活。