請教-為何要學鋼琴以外的樂器, 重點是?

Happie

聽人說要學鋼琴以外的樂器, 我不明所以, 請問:
1.  是小學要求?
2.  是中學需要?
3.  鋼琴以外的樂器何時, 何況有用武之地?
4.  如真的有必要, 什麼樂器arm P1女生, 易學, 有成功感, 輕巧(因地方細小)?

如果並非急切, 我就鞏固現時所學的鋼琴先.
如果是初小要求, 我就要積極覓識一下啦. 否則來不及補飛.

請有經驗的媽媽賜教一下.  感激你們寶貴的分享.

Charlotte_mom

唔好怪我直接又無情
因為除非鋼琴好勁可以為校增光, 否則一個識鋼琴既學生對學校黎講唔係咩特別asset(大把貨)
而如果學校有orchestra, 中樂團, 管樂團, 當然要多d人才啦, 一個orchestra都要好多個violinist啦......所以學咩.......就睇你學校想要咩喇(例如學校無中樂團, 學中樂未必有著數, 我舊老闆個仔就俾學校"勸籲"佢學西樂喇)

原帖由 Happie 於 10-6-29 08:08 PM 發表
聽人說要學鋼琴以外的樂器, 我不明所以, 請問:
1.  是小學要求?
2.  是中學需要?
3.  鋼琴以外的樂器何時, 何況有用武之地?
4.  如真的有必要, 什麼樂器arm P1女生, 易學, 有成功感, 輕巧(因地方細小)?

如果並非急 ...

fcbttkw

原帖由 Happie 於 10-6-29 20:08 發表
聽人說要學鋼琴以外的樂器, 我不明所以, 請問:
1.  是小學要求?
2.  是中學需要?
3.  鋼琴以外的樂器何時, 何況有用武之地?
4.  如真的有必要, 什麼樂器arm P1女生, 易學, 有成功感, 輕巧(因地方細小)?

如果並非急 ...

本人認為學任何樂器，都應以小朋友興趣為先，為何要達到某目的而學？如小朋友對音樂係冇興趣的話，學一樣也嫌多！（以上內容純屬個人見解）

入正題，可能現在學鋼琴的人逾來逾多，很多學校在收生時已經唔再因為學鋼琴而加分，除非小朋友攞住5級証書考小一或攞住演奏級証書去考中一(最好係FTCL啦)，仲要攞多D獎喎，咁先至有分加！

音樂係一門藝術，易學難精，需要努力練習！
如果要我選擇第二樂器，又適合六歲小朋友、又輕巧的，我會揀小提琴（不過依家都好多人學）、中提琴、古爭、琵琶、揚琴……還有很多，以上樂器學得出色都可以入樂團訓練，最終嗰句：一切以興趣為先！

mmak

我囡學校無要求學生一定要學樂器 (但都好鼓勵的)
學校經常會在LUNCH 時搞 mini concert, 我囡睇見同學表演, 佢向老師提出佢都好想參加....  
我囡只懂鋼琴, 老師說鋼琴位只有一個, 而且是留給老師的,
所以如果想參加表演, 除非佢識多一種樂器啦~~~
我聽完我囡講, 就好明白點解有D小學會唔count 鋼琴...

好多人講學鋼琴係基礎, 因為有齊高、中、低音, 又要睇2行譜....

我音樂白痴, 我囡鐘意學鋼琴, 我咪俾佢學囉, 雖然好多人都話學鋼琴無用, 但我只知學咩都好, 應以興趣行先..
但我囡為了想參加 concert 表演, 都叫咗我俾佢學多一種樂器, 希望佢有時間練習啦???

[ 本帖最後由 mmak 於 10-6-29 22:06 編輯 ]

fcbttkw

原帖由 mmak 於 10-6-29 22:04 發表
我囡學校無要求學生一定要學樂器 (但都好鼓勵的)
學校經常會在LUNCH 時搞 mini concert, 我囡睇見同學表演, 佢向老師提出佢都好想參加....  
我囡只懂鋼琴, 老師說鋼琴位只有一個, 而且是留給老師的,
所以如果想參加 ...

如果小朋友主動提出要求，我會俾佢學多樣，至於學咩樂器就一定俾佢自己揀。
小朋友係好需要我地支持同鼓勵，叫囡囡努力呀！

德德

校長曾「提議」要學鋼琴以外的樂器。

mmak

Thanks!

已經問清楚佢, 係咪真係鐘意囉....
而且學2種樂器, 又要練習, 又要兼顧學業會好忙...
佢話明白, 又堅持想學, 作為家長梗係支持佢啦, 希望佢真係對現承諾... 我已經俾咗1年學費+樂器費$$

原帖由 fcbttkw 於 10-6-29 22:14 發表

如果小朋友主動提出要求，我會俾佢學多樣，至於學咩樂器就一定俾佢自己揀。
小朋友係好需要我地支持同鼓勵，叫囡囡努力呀！

[ 本帖最後由 mmak 於 10-6-29 23:04 編輯 ]

Charlotte_mom

嘩, 一次交一年學費, 你都好大決心wor
我女果時都係自己話要學violin, 結果唔鐘意(可能學開琴, 覺得自己睇譜好勁, 又無耐性不停重覆練, 你知小提琴隻手提歪d都走音架嘛), 結果捱左一年........個小提琴仲o係度 (又好彩學校無特別"勸籲"學生學d咩)
仲有我老公以前xx痕走去學人學flute, 買左支成3千蚊既yamaha, 又放左o係度
好在女女仍然學緊琴 , 咁我買u3既錢都算俾得值

希望過2年阿仔會有興趣, 幫我去緊d舊貨.........

原帖由 mmak 於 10-6-29 10:58 PM 發表
Thanks!

已經問清楚佢, 係咪真係鐘意囉....
而且學2種樂器, 又要練習, 又要兼顧學業會好忙...
佢話明白, 又堅持想學, 作為家長梗係支持佢啦, 希望佢真係對現承諾... 我已經俾咗1年學費+樂器費$$
  ...

ada1812

學校想威, 要多些人學管弦樂器, 組織樂團去參加比賽攞獎, 唔出奇

奇就奇在, 我女女學校有管弦樂團, 但學校冇搞樂器班, 要學生在外面學, 才有資格參加學校個樂團, (其實如果學校肯搞樂器班, 學費一定比出面私人學平好多), 我個女就係在咁既情況之下在外面學flute, 好難先找到個唔貴又有心機教的

而學校個指揮, 好似話樣樣樂器都識少少, 但主要都係訓練樂團

有時D學校, 一心想搞個樂團來威, 但又唔肯拿資源開樂器訓練班!

SevenMa

原帖由 ada1812 於 10-6-30 00:55 發表
學校想威, 要多些人學管弦樂器, 組織樂團去參加比賽攞獎, 唔出奇

奇就奇在, 我女女學校有管弦樂團, 但學校冇搞樂器班, 要學生在外面學, 才有資格參加學校個樂團, (其實如果學校肯搞樂器班, 學費一定比出面私人學平 ...

hi ada1812,

我都想比亞仔學flute, 請問可唔可以比d資料我呀. Many thanks.

ausiu1230

學校梗係想學生學鋼琴以外嘅樂器啦,
可以參加樂團幫學校爭光吖嘛,
如果俾我揀我就會揀d冷門d嘅樂器,
如果揀多人嘅樂器, e.g. 小提琴, 除非真係好叻, 做到樂團首席, 如果唔係學校都唔會特別睇住個小朋友...

我兩個小朋友咁啱都喜歡低音樂器, 所以佢兩個都學大提琴

charlottechan

阿女學校也要我們寫回條表示來年會否學多樣樂器.學校不是強制的.校內又有很多班選擇, 有些初學班還是免費的.
女兒什麼都想試. 所以要幫她做決定.
我想女兒玩吹奏的樂器eg.flute, clarinet或oboe.可以練氣又細件, 只怕阿女唔衛生.
有朋友建議strings,eg violin是入門之選.
如Happie所言,其中的考慮是不要太影響現時學的鋼琴.哪一種易學d呢?

Happie

多謝各位指教呀!
原來係咁…., 又知多D la.

我想要輕鬆及開心, 所以我就讓小女專注及享受鋼琴先la.
除非她很有興趣學多樣, 到時才周章一下.

mmak

在學校學中樂, 都好經濟  但要交一年學費
@$80/hr x25 lesons =$2000 (要一次過付款)
+ $700 樂器,

所以都問得好清楚, 佢真係想學先俾錢囉....

原帖由 Charlotte_mom 於 10-6-29 23:50 發表
嘩, 一次交一年學費, 你都好大決心wor
我女果時都係自己話要學violin, 結果唔鐘意(可能學開琴, 覺得自己睇譜好勁, 又無耐性不停重覆練, 你知小提琴隻手提歪d都走音架嘛), 結果捱左一年........個小提琴仲o係 ...

fcbttkw

原帖由 mmak 於 10-6-30 13:14 發表
在學校學中樂, 都好經濟  但要交一年學費
@$80/hr x25 lesons =$2000 (要一次過付款)
+ $700 樂器,

所以都問得好清楚, 佢真係想學先俾錢囉....

咁又好平喎！囡囡學邊樣中樂器呀？

mmak

琵琶

爸爸推介, 阿囡都鐘意...

我覺得件樂器唔阻地方, 學咩都無所謂...

原帖由 fcbttkw 於 10-6-30 14:17 發表

咁又好平喎！囡囡學邊樣中樂器呀？