發展遲緩肌肉張力低

lucinang1130

發展遲緩肌肉張力低，有乜野supplement 可以食？

jackyyymama

喺我女二歲前，我有畀維他命，諗住強壯身體無易病。
我睇佢肌張低要用正常再多體力去活動，而佢本身係大食鬼，所以正餐係多飯多菜，肉就正常。

moonlet

原帖由 lucinang1130 於 15-06-18 發表
發展遲緩肌肉張力低，有乜野supplement 可以食？

我也問過  無咩可以吃，肌肉軟軟的  跟一世，但多做運動，練習回來的力是不會消失的。

littlesisi

原帖由 lucinang1130 於 15-06-18 發表
發展遲緩肌肉張力低，有乜野supplement 可以食？

肌肉張力低是沒有supplement 可食的， 只要努力做運動是可以有幫助。

pinkdoll

lucinang1130 發表於 15-6-18 10:19
發展遲緩肌肉張力低，有乜野supplement 可以食？

supplement這方面答不到你. 不過, 我相信就算吃咗SUPPLEMENT, 家長都要幫佢勤力做大肌肉運動, 才可以改善. 其實, 正常小朋友同樣都要做運動去鍛鍊大肌肉的, 只是佢哋唔駛從低層逐步逐步做起.

我細仔係屬於肌肉偏低張, 細時肌肉好軟好淋架, 現在已經6歲肌張力尚算OK(仍雖鍛練), 我跟住PT既訓練目標去幫仔仔做大肌肉運動的. 不過, 大肌肉分上身肌肉, 下身肌肉, 及中間肌肉部份, 一定要按著小朋友情況去做練習的. 因為人人的問題不同的. 就好似我小朋友是屬於全身肌肉偏低, 但治療師會仔細分出佢右邊腳冇乜力, 左边腳又比較好, 腰張力低, 頸及膊頭都冇乜力, 手婉力很差, 眼肌也很弱......... 如果小朋友這樣子, 平衡力當然差, 身體協調, 雙側協調更加弱, 行一定行得不好, 上落樓梯也好困難, 而且好多動作都做唔到的, 跑呀跳呀唔駛旨意, 拍波諗到唔好諗住, 踏單車更加是很高層次的事, 單腳跳更加很困難的. 其實, 大肌肉是很複雜的事, 不是三言兩語可以講得清.

一直以來, 我小朋友是分段分PART去練習, 當練到咁上下, 你會開始會見到佢行得比之前好咗, 穩陣咗, 冇咁易跌,. 然後就開始練行樓梯, 係練上樓梯, 當然落樓梯又是另一回事. 一步一步地去練習, 練習過程是很辛苦的, 不足為外人道, 但值得架.

所以, 我建議你找物理治療師, 尋找專業意見, 找出小朋友問題, 再針對性去幫小朋友做訓練. 也要知道小朋友大肌肉差是會影響小肌肉的, 也會影響口肌的.

maggie814

pinkdoll,見到你寫既野正正同我兒子一樣,一樣係右邊弱過左邊,可以分享下你兒子現況嗎?我仔快4歲,行得左搖右擺,你仔仔行得好嗎?

Jjchow2015

你的分析十分詳細！小朋友是做物理治療定職業治療？可以分享或PM 係邊到做？我小朋友，肌張也低，但導師沒有咁詳細的分析！訓練的進展也一般！

Letter_lalaland

Jjchow2015 發表於 15-7-8 16:02
你的分析十分詳細！小朋友是做物理治療定職業治療？可以分享或PM 係邊到做？我小朋友，肌張也低，但導師沒咁詳細的分析！訓練的進展也一般！

物理治療 本來就是一門專業，

不過你要帶小朋友去做評估前要先取得醫生轉介信。

Jjchow2015

見過政府物理治療，但冇咁詳細！你在邊做assessment??

Letter_lalaland

回覆 Jjchow2015 的帖子

如果連家長都聽到可以講到出來，可見得係成日都做、講同提及嘅事，即係基本嘅資訊。

政府醫院嘅面見評估時段有限，
做完測試已經夠鐘或者可能做唔晒都未定（有時小朋友唔舒服/眼睏/怕陌生人/唔想做），
跟著後面又有其他人等著做評估，好難同家長講得太多。
但如果訓練日子長小小之後，其實每次呢度講小小，哦度講小小俾你知。
醫院入面大部分做嘅人有嘅係經驗，冇嘅係時間。


做完評估就大家齊齊排隊1-2年按需要等訓練，
咁喺各間不同嘅早期訓練中心同特殊學校， 而每個小朋友嘅個別需要都不一樣，
按當時小朋友所需及人手供應 （政府補助資源有限）分配訓練節數；
訓練時節由30-45分鐘不等，有啲單對單/1 對2/小組 都唔定。
相對於喺醫院做訓練，喺早期訓練中心同特殊學校當然有較為多機會討論小朋友情況，
易會令人產生有較為詳盡講解同分析嘅感覺。



有時同家長千叮萬囑某些事情要做，因為ABCDE原因，
但每個訓練都有功課，加埋學校功課，
小朋友忙時家長重忙又攰，其實咁多資訊真係唔易消化。
唯有按照大家能夠做到嘅步伐，一步一步陪伴小朋友一齊努力。

pinkdoll

maggie814 發表於 15-7-8 09:44
pinkdoll,見到你寫既野正正同我兒子一樣,一樣係右邊弱過左邊,可以分享下你兒子現況嗎?我仔快4歲,行得左搖右 ...

上落樓梯自如,雙腳跳OK, 現在協助下單腳跳也OK, 雙手可以原地彈接波, 但佢仍然要繼續做訓練的, 還未達到同齡標準.

小朋友肌肉天生有低張情況, 係要不停做訓練的, 坦白說, 要付出很大既努力, 也要按住小朋友既能力, 照著治療師既建議, 一步一步去練習. 每個小朋友情況都不一樣的, 你一定要瞭解清楚小朋友發生甚麼問題, 然後才可以對症下藥去做訓練的. 我一直依照s位既pt既建議做訓練的, 最重要肯幫小朋友做家居訓練.


其實, 我冇資格教人的, 因為我不是治療師, 只是一般家長, 只想在此分享一下, 希望可以鼓勵你們.

pinkdoll

Jjchow2015 發表於 15-7-8 16:02
你的分析十分詳細！小朋友是做物理治療定職業治療？可以分享或PM 係邊到做？我小朋友，肌張也低，但導師沒 ...

開始時一直是s位pt, 同時一直有做私人感統, 到大肌肉開始有點成績, 有找私人ot.
的的確確做家長要花好多時間心力去瞭解的, 聽多啲治療師講, 然後自己上網看多些資料, 去聽多啲講座也有用的.

Letter_lalaland

回覆 pinkdoll 的帖子

家長先至係自己小朋友嘅治療師， 而且係 24/7 年終無休；
不過有時都要俾自己小小私人時間，抖吓氣、飲杯水、欣賞吓自己；


大人身心健康對小朋友能夠起好大支持作用。

pinkdoll

Letter_lalaland 發表於 15-7-10 00:13
回覆 pinkdoll 的帖子

家長先至係自己小朋友嘅治療師， 而且係 24/7 年終無休；不過有時都要俾自己小小私 ...

yes, 家長也要好好照顧自己. 另外, 最重要唔好同別人比較, 一比較就會唔開心.

Letter_lalaland

回覆 pinkdoll 的帖子

或者同之前比較，小朋友成日都有進步㗎啦，視乎你察唔察覺得到。
好多時好細微嘅進步，有人察覺得到，指出嚟讚吓小朋友時又讚吓自己，大家開心。

其實要有進步秘訣係在乎父母嘅心態，
如果硬要達到或者做到甚麼甚麼先叫有進步，咁大家齊齊等吓啦，而且都幾令人灰心；


將需時完成嘅大目標拆細至較為容易達成嘅小目標，

比較實際而且更能提升各持份者嘅方法；
亦對大家都公平一點，始終大家都已經很努力加油了。

pinkdoll

Letter_lalaland 發表於 15-7-10 00:26
回覆 pinkdoll 的帖子

或者同之前比較，小朋友成日都有進步㗎啦，視乎你察唔察覺得到。 ...

yup, 我意思唔好同人比較, 只同自己比較.

Letter_lalaland

回覆 pinkdoll 的帖子

其實小朋友好在乎爸爸媽媽嘅感受，父母開心佢哋都會開心，


父母要重拾自信，因為其實自己有好多嘢可以做去幫助自己嘅小朋友
若然對自己都失去信心，成日憂心要追發展參考數據，又點可能發自內心開懷笑出嚟

Jjchow2015

多謝鼓勵！

maggie814

原帖由 pinkdoll 於 15-07-09 發表
本帖最後由 pinkdoll 於 15-7-10 00:08 編輯

請問幾歲入s位?你仔仔會升主流or特殊?

Jjchow2015

仔四歲，又有踏scooter, 單車，做體操，上落樓梯依然唔穩，可以點？可以分享下？