小學面試（左丁山）

elbar

九月一日學校開課，識得幾位70年代尾、80年代初出生嘅年輕女士，現在已經係媽咪，知道佢地非常緊張，一位有仔有女嘅X太更加話自己好stressful，喂，兩個仔女，請咗兩個菲傭分別照顧，連埋自己共三人，睇兩個細路，都話好緊張？想當年，X太嘅阿媽生咗七個，屈居一室，成家人衣食維艱，當然更無家傭幫手，X太阿媽有冇周身唔掂呀？大概30幾年前大家都唔識stress呢個字。

獅子山下有好多成功故事，X太七兄弟姊妹全部讀書生性，在平民學校逐個畢業，逐個考入大學，現在個個生活不愁，X太又嫁了有錢公子，對佢嚟講，銀紙不是問題，兒女讀書才是緊張根源，大女讀K3，上午讀一間國際幼稚園（九龍塘名校），下午讀一班技能訓練playgroup，細仔讀nursery，又上英語playgroup。開學咯喎，X太就左騰右騰，帶埋工人去接送放學，好辛苦咁話。

X太大學同學K哥有兒子四歲，得貝沙灣名校幼稚園錄取，話將來可以直升小學，興奮到極，隨即埋頭研究如何設立兒子教育基金，入到貝沙灣超級名校，每月需銀両過萬元，K哥雖係高級打工仔，還需供樓交稅，要支援父母，以示孝順，你估銀紙真係會自動碌埋嚟咩。

Y太就覺得自己個仔好有天份，平時精叻到極，讀九龍塘名校幼稚園成績標青，下定決心要為兒子搵一間一流小學。入小一要面試嘅噃，佢周圍去打聽，密集收料，在家每星期向兒子做一次模擬面試。8月29日，「星島日報」頭版報道「中華基督教會協和小學」三名老師涉嫌通水，將面試題目洩漏俾七名考生家長，被廉署檢控，於是立即買一份「星島」睇睇呢間小學嘅面試題，一睇之下，Y太大笑：「我個仔老早識答啦，咁普通，駛乜事先通水呀？」左丁山於是又睇吓，哦，原來係英文填充題：What is your name? How old are you? What do you like to eat?好簡單啫，再要讀英文如a computer、shoes、a zebra、a giraffe等，難唔到K3畢業生吖！讀中文字就難講，可能唔識，例如：同學、禮貌、打掃、圖書……等等。Y太話：「我個仔實識，但上星期佢去深水埗一間近年人氣急升嘅小學面試，唉，就真係考起，老師俾佢睇4幅照片，居然問佢：4人之中，那一人不是政府高官？我個仔話認得林鄭、梁特首，另外兩幅相冇印象，咁就唯有靠估，估錯咗呀！」嘩，好犀利，K3生已經要認識高官相貌，香港通識教育真係巴閉！


左丁山

ppmmbb

考認高官果樣有乜用？

elbar

原帖由 ppmmbb 於 15-09-07 發表
考認高官果樣有乜用？

起跑線上學通識

Christi

朋友兒子去文中深水埗小學面試,曾被要求要認出唐英年和習近平. 朋友說,待兒子長大後知道中國領導人的時候,習近平都不知是否還在位!

judy

朋友兒子去文中深水埗小學面試,曾被要求要認出唐英年和習近平. 朋友說,待兒子長大後知道中國領導人的時候,習近平都不知是否還在位!

叫阿仔認都唔得啦。

未睇閱兵時，阿仔應唔識習近平。唐英年應該唔識。

shadeslayer

我估計，認官員領導人，真正考的，不是孩子，是考家教，家長對孩子學識的重視程度。

其實幾可怕。

judy

深水埗小學指那一家呢？

Mario1234

原帖由 ppmmbb 於 15-09-07 發表
考認高官果樣有乜用？

考的，不是要準確答案，而是孩子面對難題時的反應。孩子的反應可以睇到好多真性情⋯⋯總之學校想要的嘢並不是答中答應咁簡單啦！

Mario1234

原帖由 Mario1234 於 15-09-07 發表
考的，不是要準確答案，而是孩子面對難題時的反應。孩子的反應可以睇到好多真性情⋯⋯總之學校想要的嘢並不 ...

如果孩子只擰頭話唔識，就一定冇分啦！但如果孩子唔識，但反問老師，點解一定是高官？有冇中官？低官？等等和老師有互動，就算唔識答案，也可能會加分。

skkeung

這份壓力是自己找的, 怨得誰?

shadeslayer

原帖由 Mario1234 於 15-09-07 發表
考的，不是要準確答案，而是孩子面對難題時的反應。孩子的反應可以睇到好多真性情⋯⋯總之學校想要的嘢並不 ...

得五歲，考應變？識變通，多巧妙問題，未必係學校要的最佳學生。

shadeslayer

原帖由 skkeung 於 15-09-07 發表
這份壓力是自己找的, 怨得誰?

一個巴掌拍得響嗎？

Jane1983

有所求，想入某間學校，要同幾千人爭，無辦法，唯有應戰。

現實係，真係有吾少家庭吾考學校，就抽獎，無欲則剛，可以好瀟灑。