細B難考k1嗎？

aibachui

如題，
我好心儀呢間學校，
但我個囡係超級細B,
係咪完全冇機會？
聽聞好難考入。

polliebb

原帖由 aibachui 於 16-08-03 發表
如題，
我好心儀呢間學校，
但我個囡係超級細B,

都收好多細b， 開生日會年尾係最多人

aibachui

Thx a lot, 我會試試的

tbjapan

原帖由 polliebb 於 16-08-09 發表
都收好多細b， 開生日會年尾係最多人

請問呢間學校嘅師資，功課，考試，及其他校內質數如何呢？可否分享一下

polliebb

原帖由 tbjapan 於 16-08-15 發表
請問呢間學校嘅師資，功課，考試，及其他校內質數如何呢？可否分享一下



  ...

功課量適中，高班通常每日2樣功課，印象中幼兒班下學期開始有簡單寫字功課。

無考試，高級下學期有記憶遊戲，即默書，唔計分，一個星期中英各默幾個字。

每次功課做得好有貼紙，記憶遊戲又做得好，年尾計數，有小禮物。

幼兒班，低班及高班一年各兩次設計活動，每個設計活動有主題，老師跟主題引導學生課程發展，例如高班時其中一個主題係職業，學生就討論有咩職業，之後投票，結果多數投警察，之後就會討論邊幾種警察，警察工作，裝備等，學校安排去警署參觀，最後老師同學生一齊用環保物料製作警察裝備，喺課室整警察裝備室，邀請校長其他老師同其他班同學參觀。其他班有唔同職業，設計活動1個月，期間無常規功課，主要係收集資料同圖片，亦會教寫有關詞語。

每個學生都會輪流有任務，例如服務小天使，幫同學吱消毒液，閱讀小天使就要負責講故事，仲會輪流帶祈禱，早會報告新聞等。

我非常欣賞學校一視同仁，學校唔算多表演，但每次都會全級同學一齊表演，例如高班聖誕會去商場表演，仲有畢業禮等，所有演出每個學生都有份參與，唔似其他學校只會搵最叻嘅學生表演。

高班最後一個月係小一生活，會好似小一咁上堂，分中美數常識視藝體育堂，唔同老師教，會轉堂，有小息，功課似小學作業，有閱讀理解，文字題等，我覺得哩1個月小一生活對升小一真係好有幫助。

學校老師流失率非常低，好多老師都做咗好多年，甚至係創校老師。英普net teacher各一。

我非常鐘意哩間學校，學校重德育，如果重學術嘅家長，哩間學校可能唔岩你。

polliebb

聖安德肋幼稚園係一間好開心嘅學校，為小朋友建立自信，主張友愛，著重自理，3年過得好快，畢業時大家都好唔捨得。

tbjapan

原帖由 polliebb 於 16-08-15 發表
功課量適中，高班通常每日2樣功課，印象中幼兒班下學期開始有簡單寫字功課。

無考試，高級下學期有記憶遊 ...

多謝你咁詳細嘅分享呀！呢種教學模式好吸引

polliebb

原帖由 tbjapan 於 16-08-16 發表
多謝你咁詳細嘅分享呀！呢種教學模式好吸引

係真真正正嘅活動教學，試過喺學校打邊爐，包餃子，好好玩架。