明天終於正式返小學了

小寶貝兒

好緊張呀~~~

希望囡囡同埋所有小一同學仔都開心上學, 愉快學習!!!

applechuchu

原帖由 小寶貝兒 於 16-08-31 發表
好緊張呀~~~

希望囡囡同埋所有小一同學仔都開心上學, 愉快學習!!!  ...

返左一個星期，請問感覺如何？
唻緊我都會幫小朋友報讀出年既小一，但想了解多少少
thank you

Happy小米

原帖由 applechuchu 於 16-09-07 發表
返左一個星期，請問感覺如何？
唻緊我都會幫小朋友報讀出年既小一，但想了解多少少
thank you

你想了解什麼？

啟信網站內的資料，同實際吻合的。

小寶貝兒

applechuchu 發表於 16-9-7 08:28
返左一個星期，請問感覺如何？
唻緊我都會幫小朋友報讀出年既小一，但想了解多少少
thank you

想了解邊方面呀?如果係英文, 佢做得幾好, 我女上完第一堂的RWI返到屋企已經開始串字時唔係問我個字點串, 而係開始自己拆字, 暫時未睇到準確率有幾多, 不過佢肯主動去做, 我覺得暫時來講已經足夠!

其他科目都有驚喜, 我以為佢雖然行自主教學, 但諗住都係大部份跟書, 其實跟書我都OK, 因為睇過裡面好多討論, 唔係題題都有標準答案, 我鐘意呢種STYLE~ 但最估唔到係, 上科學課居然第一堂唔係睇書的第一課, 係睇封面!!! 我囡話老師同佢地講左好多關於貓既野(封面係一隻貓玩緊冷球), 我諗應該上得好開心, 我真係第一次聽第一堂會係討論課本的封面

當然, 新校總會有好多鎖碎的問題, 但我相信到你地呢屆應該已經RUN得順左, 相信問題會少好多

applechuchu

原帖由 小寶貝兒 於 16-09-07 發表
想了解邊方面呀?如果係英文, 佢做得幾好, 我女上完第一堂的RWI返到屋企已經開始串字時唔係問我個字點串, 而 ...

聽落好似几好喎... 多謝你咁詳盡既介紹
相對其他學校，佢會唔會少啲功課？

Happy小米

課程層面比較擴，除左一般學校的中英數，常識，視藝，音樂，體育外，

多左科學，戲劇，生命教育。

英文包括了RWI, Trinity or Canbridge or 校本。

功課就小一小二一小時的功課量。

小寶貝兒

applechuchu 發表於 16-9-7 23:12
聽落好似几好喎... 多謝你咁詳盡既介紹
相對其他學校，佢會唔會少啲功課？



  ...

我覺得課程係我想要既野, 佢有部份課本係用外國書, 會比香港既淺D, 但討論既範圍廣D, 呢D係我想要既野~
暫時仲係適應周, 功課不多, 而家好快就可以做完, 下星期正式返足晒咁多堂就可以清楚D~

applechuchu

原帖由 Happy小米 於 16-09-07 發表
課程層面比較擴，除左一般學校的中英數，常識，視藝，音樂，體育外，

多左科學，戲劇，生命教育。

嗯... 我都鍾意佢英㐎方面既課程，仲有戲劇科

traveller632

applechuchu 發表於 16-9-8 08:19
嗯... 我都鍾意佢英㐎方面既課程，仲有戲劇科

想問下話劇或其他課外活動包唔包括埋在學費中？

小寶貝兒

traveller632 發表於 16-9-21 19:11
想問下話劇或其他課外活動包唔包括埋在學費中？

話劇係課堂時間內上埋架~ 一星期一堂, 所以包括埋係學費裡面
其他課外活動就睇係咩類型啦, 校隊果D就包埋(不過如果選左你小朋友去參加獨誦或獨唱比賽, 可能就有費用, 不過仲未好清楚, 因為我女冇入選獨誦), 興趣班就應該要另外交費用~

rainrain613

想問返學時間是幾點至幾點？小三，小四有幾多班？現在有位插班嗎？

traveller632

rainrain613 發表於 16-10-5 04:07
想問返學時間是幾點至幾點？小三，小四有幾多班？現在有位插班嗎？

依家好似只開左小一。

小寶貝兒

rainrain613 發表於 16-10-5 04:07
想問返學時間是幾點至幾點？小三，小四有幾多班？現在有位插班嗎？

唔好意思, 幾日冇登入EK~
而家返學時間係 8:20 - 15:45
星期五放學後練習校隊, 所以係8:20 - 17:00
(今年係每個學生都要入集誦隊或合唱團, 所以星期五全部都係放5PM)

今年只得小一咋~

小一的話仲有位的

mylesma

原帖由 小寶貝兒 於 16-10-09 發表
唔好意思, 幾日冇登入EK~
而家返學時間係 8:20 - 15:45
星期五放學後練習校隊, 所以係8:20 - 17:00

想請問你，開左學一段時間，覺得學校如何？

小寶貝兒

mylesma 發表於 16-10-11 20:11
想請問你，開左學一段時間，覺得學校如何？

始終新校, 一開始總有少少混亂, 而家過左一個月, 我覺得大致上順暢左~ 校長好肯聽家長意見, 回應速度都好快~各老師都幾好, 有愛心亦教到小朋友, 有D老師更令小朋友又驚又愛

課程不深, 我覺得一開學呢個程度好好, 因為可以比老師學生家長多D時間適應升小一, 唔會又要追進度, 又要適應返小一, 又要關心小朋友情緒, 暫時我女都好鐘意返學同做功課溫書~

校董同校長決定由2測2考改成只有2考, 真係令我好感動, 因為學校有去諗下點樣可以幫學生同家長減壓, 同埋揀既書都令我好滿意, 尤其是數學, 同一樣既野, 佢會由多角度去表達, 比較活動同印象深刻D (我唔知點解釋, 例如加數, 會由 2個平果+3個橙=5個, 變成 2個平果+ ?個橙 = 5個, 再變成 5個橙 - 2個橙 = ?個橙, 最後會出文字題, 另外仲會加1,2題邏輯推理, 我好鐘意見到我囡成功做到果個滿足既樣~ 我唔知其他小一既書係點樣, 不過我覺得學數學就應該係咁樣去學)

暫時來講我都好滿意, 係如果可以令同學習慣互相溝通都係講英文就更好啦~ (雖然我知好難)

mylesma

原帖由 小寶貝兒 於 16-10-11 發表
始終新校, 一開始總有少少混亂, 而家過左一個月, 我覺得大致上順暢左~ 校長好肯聽家長意見, 回應速度都好快 ...

多謝你嘅回覆，好詳盡好正面

小寶貝兒

mylesma 發表於 16-10-12 22:52
多謝你嘅回覆，好詳盡好正面

唔洗客氣呀~
可能因為我想要囡囡有輕鬆快樂既校園生活, 所以啟信好適合我同我囡~

traveller632

返左兩個幾月了，家長們滿意嗎? 覺得啟信點呀?

小寶貝兒

traveller632 發表於 16-11-9 16:00
返左兩個幾月了，家長們滿意嗎? 覺得啟信點呀?

我都幾滿意呀~ 囡返學好開心, 接放學時老師有時都會講下佢上課情況, 功課仍然維持係平日2-3樣, 星期六日就5樣左右, 實在太正!大部份功課佢都可以自己完成, 除左中文我囡比較弱, 需要我讀題目比佢聽~
我覺得啟信既程度同學習方式都幾岩我同我囡~

goldtidehk

大家好,我囝囝會在17/18年入讀
我知道下年開學會有四班小一,我好想問一下,英文科是否仍然會按RWI, Trinity or Canbridge or 校本這樣分配?除左英文科要分之外,其他科目是否班班都一樣架?