【非香港學生考DSE對本地DSE考生的衝擊】

hkpapa852

自從聰明絕頂既財爺, 公佈下年為DSE考生繳交考試費, 馬上一石激起千層浪, 引發出多個不同話題, 包括全民裸考DSE, 國內大軍搶攻DSE等.

我對"國內大軍搶攻DSE"呢方面比較有興趣, 所以又88啩啩去查証咗一D資料.

而我認為最重要既, 係以下一點:

- 非香港學生, 只要手持DSE成績, 一樣可以參加 JUPAS, 取得UGC學位 (不過佢地其實係用緊非香港居民既額外限額，而且要俾3-4倍學全費, 實際上不會用去本地學生既UGC 學額)

咁非香港學生只要考DSE就可以透過JUPAS取得UGC學位, 對香港學生有咩影響呢?

其實整體香港學生可以取得既整體UGC學額係"無影響"

無影響? 咁嘈嚟做乜?

又等我用我擅長既數字俾D資料大家睇吓:

假設某一年度, UGC 留俾香港學生既學額有 15000, 按照要求, UGC 可收取額外20%既非香港學生. 另外, UGC每年只配予 JUPAS 和 Non-JUPAS 既學頧, 係大約4:1, 所以:

(A) UGC JUPAS 學額: 12000 (只給DSE考生)
(B) UGC Non-JUPAS 學額: 3000
(C) UGC非香港學生學額: 3000

如果 JUPAS 取得學額中, 有 150個係非香港人, 即香港學生只能透過JUPAS分到 11850 個UGC學額 [ 即 (A) 類 ], 香港既DSE考生, 將會失去了150個UGC 學額

因為個 150 個學生係非香港居民, 所以佢地既學額, 會計入 (C) 類

問題出現了, JUPAS 少咗香港學生取得香港人既UGC學額, 咁餘下既學額會如何分配呢? 相信好大機會, 大學都撥去用作 Non-JUPAS 收取本地學生.

假如有150個非香港人以DSE成績取得JUPAS學額, 結果:

香港DSE考生可取得既JUPAS學額: -150
香港學生以Non-JUPAS可取得既學額: +150

簡單一句, 即是考 DSE 既香港學生, 入大學既機會低咗, 以非DSE成績考大學既香港學生, 入大學既機會高咗.

咁EDB其實係咪鼓勵大家, 唔好去考DSE, 應該擁抱海外學制, 以非DSE資格入大學呢? 叫大家放棄自家制定既DSE?

另一問題, 以DSE成績透過JUPAS取得UGC學額既人, 用去了(C)類既學額, 咁其餘以IBDP, GCE-AL等資歷來報考既學外學生, 機會又低了....... 到時, 香港既大學, 離"國際化"恐伯只會越嚟越遠, 離"國化"就越嚟越近.

香港大部份學生, 其實都係要透過考DSE和參加JUPAS去取得大學學位, 但似乎香港既教育部門, 完全沒有為佢地自己制定既學制既學生, 提供完善既升學保障.

需要應考DSE透過JUPAS入本地大學既家長, 要有心理準備可能面臨既衝擊 (是否杞人憂天?)

至於其它影響, 如非本地考生會否令本地考生既DSE成績下跌? 有可能, 不過只限5級以上既成績. 而且相關問題, 個人認為, 不及學位分配機會被減低咁嚴重

******

【更新: 2018年5月10日】

隨著葉建源議員在2018年5月9日於立法會上代為提出類似問題，似乎我估計既問題，未必會出現，大家可參考下：
2018年5月10日立法會第16題問答 既內文

以上會議記錄中，有以下一段，都尚算解釋咗我上文既疑顧:

教資會資助大學一直採取適當措施，以確保本地生的入學機會不會因非本地生的聯招申請而受任何影響。簡單而言，非本地生的聯招入學申請只會與其他非本地生的非聯招入學申請一併考慮。如大學決定取錄一名透過聯招申請入學的非本地生，校方不會把該申請人計算在有關教資會資助課程在聯招下招收本地學生的學額內。因此，非本地學生不會與本地學生競爭教資會資助學額。

如果理解無錯, EDB話目前大學自己有適當措施，會在JUPAS派位時，將非本地學生既申請人，改去另一條隊，而唔會扣去本地學生既JUPAS學額。

不過EDB另一句說話　"非本地生聯招申請只會與其他非本地生的非聯招入學申請一併考慮"，又真係好有問題，簡接又另人懷疑，EDB到底講既嘢係咪真嫁？因為現實係咁既：
無論係本地學生定非本地學生去報考非聯既學位，非聯既招收安排同結果，一般最早5月就公佈，大部份亦會係6-7月出結果。但DSE成績要到接近7月中先出，聯招結果公佈更在8月先出，點可能一併考慮?

如果某課程已係非聯招時已收足20%非本地學生, 咁用聯招申請個班非本地學生即係根本唔會有得入，但佢地又唔知，咁咪即係俾人誤導？

hkpapa852

不少所謂專欄作家, 甚至官員, 都話國內學生來香港考DSE唔易. 其實佢地又有無認真去瞭解過?

大家諗吓以下論點:

1. 國內學生唔熟香港情況, 好難考"通識科"

    通識科真係難到唔係香港居民就考唔到? 咁點解香港人可以考英國文學, 世史都可以有好成績?

    而且通識科既要求, 只係要 2 級. 對考試機器嚟講, 2 級係低難度

2. 有GCE-AL, IBDP等其餘國際文憑, 唔一定會考DSE

    IBDP可能對國內學生較難, 因為一定要搵到間有開辦IBDP既學校先有得考

    GCE-AL會較易, 但個人認為, 吸引力可能不如DSE, 點解呢?

    DSE 除咗英文和英國文學兩科, 其餘科目都設有中文卷, 你估國內學生, 會選擇 GCE-AL 既英文試卷, 還是 DSE 既中文試卷?

    繁簡中文轉換, 還是中英轉換, 那一方面會較易應對呢?

    而且, 考咗 DSE, 只要考埋 IELTS, 國內學生一樣可以報考外國大學

3. 港中交通方便, 學費成本較海外低

    港中交通方便, 呢點唔駛點解釋了吧!

    至於學費, 嚟香香港讀書就算無資助 (學費一年都只係14萬至18萬內), 加埋住宿, 成本一定遠比去英美澳加等低, 加上交通便利, 國內父母同子女要相敍亦較易.




還有更多原因, 如讀完書在香港留夠7年, 又可以成為香港人.....

香港人, 可能真的只能自求多福了!

hkpapa852

早係多年前, EDB已經同國內幾百間大學, 安排咗以DSE成績, 可"免試直升國內大學"既招生計劃

但呢個計劃, 國內教育部一早發聲明, 講明國內學生不能參加呢個計劃. 國內學生要考國內大學, 必須參加國內高考.

點解呢?

大家又諗吓

artroboy

如果 JUPAS 取得學額中, 有 150個係非香港人, 即香港學生只能透過JUPAS分到 11850 個UGC學額 [ 即 (A) 類 ], 香港既DSE考生, 將會失去了150個UGC 學額


你意思係雙非學生?

hkpapa852

artroboy 發表於 18-3-28 10:39
如果 JUPAS 取得學額中, 有 150個係非香港人, 即香港學生只能透過JUPAS分到 11850 個UGC學額 [ 即 (A) 類 ] ...

雙非係有香港身份証, 係香港人

非香港學生, 即係國內學生, 和外國出生既學生.

國內學生最強既, 係考試, 堪稱考試機器

artroboy

hkpapa852 發表於 18-3-28 10:40
雙非係有香港身份証, 係香港人

非香港學生, 即係國內學生, 和外國出生既學生.

其實一早已經有不同途徑入港讀大學啦，只係香港傳媒少報. 我返一轉大陸, 好多資訊教人如何移民升學。

artroboy

hkpapa852 發表於 18-3-28 10:40
雙非係有香港身份証, 係香港人

非香港學生, 即係國內學生, 和外國出生既學生.

我覺得依家既情況對 CKY呢類 以 IB諗住 用non-jupas入 U 反而不利。唔知有冇 get 錯 point.

hkpapa852

artroboy 發表於 18-3-28 10:42
其實一早已經有不同途徑入港讀大學啦，只係香港傳媒少報. 我返一轉大陸, 好多資訊教人如何移民升學。
...

你似乎未明白影響可以有幾大 (暫時應該唔大)


假設一個較極端既情況:

如果太多國內考試機器嚟香港, 搶高咗DSE既成績, 結果佢地有3000人平均5科30分, 香港DSE考生有30000人平均5科30分

最差的情況, 國內3000人攞晒JUPAS既3000個位, DSE考生只得番9000個位, 即餘下21000個成績達標既DSE學生. 佢地只能自己去再考自資大學課程.

而多出個3000個UGC留俾本地學生既學額, 要轉移咗去Non-JUPAS, 結果, Non-JUPAS 學生取得UGC 學位機會有高咗 (要求亦可能會低咗)

目前, 香港DSE考生係大戶, DSE亦係EDB制定既公開試, 但郤看不到EDB有為學生提供任何升學上既保障

artroboy

hkpapa852 發表於 18-3-28 10:53
你似乎未明白影響可以有幾大 (暫時應該唔大)

- 非香港學生, 只要手持DSE成績, 一樣可以參加 JUPAS, 取得 UGC 學位 (不過佢地要俾全費, 而實際上不會用去本地學生既UGC 學額)




見到你呢個 point 啦, 咁大鑊...傻的嗎？？？


唔明紅色果句

hkpapa852

artroboy 發表於 18-3-28 10:56
- 非香港學生, 只要手持DSE成績, 一樣可以參加 JUPAS, 取得 UGC 學位 (不過佢地要俾全費, 而實際上不會用 ...

香港同國內大學, 有一個以DSE成績免試招生既升學計劃

但一早被國內教育部規定, 國內學生不能參加, 點解國家會有咁既諗法?

因為佢地太貼地, 太瞭解"國民特性"

香港既官員...... 高下立見

artroboy

hkpapa852 發表於 18-3-28 11:01
香港同國內大學, 有一個以DSE成績免試招生既升學計劃

但一早被國內教育部規定, 國內學生不能參加, 點解國 ...

影響一年咋哇？！

算啦，可以連對乞丐集團都無知無覺，還要憐憫地邊比五舊邊說辛苦啦既扯缐公仔，你可以對佢下面呢班官員有咩寄望？我已經當香港係一國一制架啦。

hkpapa852

artroboy 發表於 18-3-28 11:16
影響一年咋哇？！

算啦，可以連對乞丐集團都無知無覺，還要憐憫地邊比五舊邊說辛苦啦既扯缐公仔，你 ...

影響可能係長遠.......

香港8大中, 至少有3-5間世界排名都有番咁上下.

國內近年有超過900萬學生爭約700萬個大學學位, 雖然比例高, 但當中有多少大學水平可和香港3大/5大相比呢?

嚟香港考DSE只需同幾萬人爭3000非本地學生既學位, 機會雖然低咗, 但入到既大學, 平均水平都較不少國內大學高.

而且只要佢地考埋 IELTS, 仲可以攞住DSE成績+IELTS去考海外大學 (國內高考成績應該無法考海外大學)

artroboy

李大人 發表於 18-3-28 11:26
國內學生點解會甘強，考試會高分？香港好多家長好想知？

本人唔想知，唔認同其學習模式。

hkpapa852

artroboy 發表於 18-3-28 10:56
- 非香港學生, 只要手持DSE成績, 一樣可以參加 JUPAS, 取得 UGC 學位 (不過佢地要俾全費, 而實際上不會用 ...

主要問題, DSE考生入U機會, 會受影響.

開放DSE俾全世界考無問題, 但JUPAS, 我認為唔應該開放俾非香港學生報

或者JUPAS亦要分開香港學生, 同非香港學生兩條隊

b3410

hkpapa852 發表於 18-3-28 11:24
影響可能係長遠.......

香港8大中, 至少有3-5間世界排名都有番咁上下.

學費唔平喎！成績okay, 財力唔夠，都冇可能讀。成績，財力有咁上下，點解唔去海外深造？成績夠好，有獎學金果D，應該為各地都想要的精英，香港夠唔夠競爭力可以吸引到都唔知。有錢不過成績唔夠，都係考唔到。

artroboy

hkpapa852 發表於 18-3-28 11:33
主要問題, DSE考生入U機會, 會受影響.

開放DSE俾全世界考無問題, 但JUPAS, 我認為唔應該開放俾非香港學生 ...

Jupas 要再細分清楚條文係好d. 其實入得香港讀果批國內生，好多並非想根植香港，好多資源錯配。

hkpapa852

b3410 發表於 18-3-28 11:34
學費唔平喎！成績okay, 財力唔夠，都冇可能讀。成績，財力有咁上下，點解唔去海外深造？成績夠好，有獎學金 ...

如果入咗香港3大/5大, 學費最多18萬港幣一年, 相比英美, 好貴嗎?

artroboy

b3410 發表於 18-3-28 11:34
學費唔平喎！成績okay, 財力唔夠，都冇可能讀。成績，財力有咁上下，點解唔去海外深造？成績夠好，有獎學金 ...

香港主要作用係跳板：

http://ubeat.com.cuhk.edu.hk/ubeat_past/031158/campus.htm