學之園 am VS 根德園 am

longm7584

大家會選哪一間？原因如何？

未確定想報哪一類小學（但自行及大抽獎津校機會很低），重視培養小朋友語言能力及soft skills，一直心儀LH，但獲取錄的是新校，不知會否有很大分別。相反，好像很多人說KV對報小學較有優勢、有名氣及很適合雙職家長。

有沒有LH新開幾間分校的家長可以分享你們覺得ＬH如何(師資，愛心，學生反應，家長參與程度）？謝謝！

HappyCheerBaby

依兩間好難入呀! 有am offer 好叻呀!
近年，學之園考直資學校好勁，課程比一般幼稚園深，多了好多畢業生升去神校、名校等；根德園都有學生可以考入神校、名校，不過英文無學之園咁好。

happypapa11

學之園在疫情下的支援做的很好，教材也好，揀LH；但係雙職家長應該適合KV

tsy550

我仔是讀新校，雖然學之園有一定程度嘅父母參與，而我地同我仔的好多同學父母也是雙職，但其實都唔太難，反而所有父母都好樂意同積極配合學校，呀仔讀得好開心呀！

acceber2018

HappyCheerBaby 發表於 20-12-27 23:12
依兩間好難入呀! 有am offer 好叻呀!
近年，學之園考直資學校好勁，課程比一般幼稚園深，多了好多畢業生升 ...

請問你是Ｌｈ用家嗎？我見佢哋網站公布嘅升小數據都係入學數據，唔係Offer數據，所以睇落比起其他名.幼嘅數據又唔似特別好。

CXW

acceber2018 發表於 20-12-28 11:11
本帖最後由 acceber2018 於 20-12-28 11:13 編輯

請問你是Ｌｈ用家嗎？我見佢哋網站公布嘅升小數據都係 ...

入學數據不是比offer 數據更真實準確嗎？LH 學生會收到埋offer 數據，不同分校都有不同，上一屆為例，平均每人有2.5 ～4個offer

wcyjessica

想問下樓主本身對學校課程有咩要求？因為LH and KV既課程係好大分別，而且對小朋友/家長配合既要求都唔同，完全係相反既，所以解答樓主問題前，要先了解下樓主對教學既要求，仔仔咩性格，再看看2間學校既課程先可以決定。

LH優點係雙語教學，所有主題係講一次中文一次英文，再加上自家設計既課本，教材，內容非常豐富，亦好有創意新奇有趣，但引申既缺點係課堂內容好多只能講一次，小朋友記完去到一個新既主題就唔記得左上一個主題既事，所以家長要跟貼，幫手溫書，學校會定期同家長review下點教小朋友，在家要做番d基本野。有家長無時間跟就外判比補習，或者一半自己跟，一半外判等，當然這不是學校想要的，但世事點會有咁理想。頭1.5年（K1-K2頭其實d野唔深，家長會跟得好易，係去到K3先難搞），所以大部份家長都唔會想再去番傳統小學，大部份衝出去考直私，希望搵間活動得黎又有成績既龍校，希望小學都跟番幼稚園模式學習（但實情也沒這麼理想(emoji)），LH上到小學，食老本都可以玩到小二，但小三以上先係見真章。

KV完全相反，缺點是沒有雙語教學，課程係好傳統既跟足規矩，沒有太fancy 既教育方法，但好處亦是因為不是雙語，學校可以step by step重複又重複令小朋友學術基礎好扎根，課程入面加些傳統小遊戲，和基本英文普通話對答，內容不算豐富但勝在回家真係咩都識晒，只要小朋友唔係個d博咀博舌，行為正正常常，坐就坐，企就企，其實KV都一定可以搞到個小朋友自己學習記野入腦，小朋友學幾多吸幾多，在家時，家長叫可以一邊做公司野，一邊叫個小朋友自己炒寫溫習就搞點晒所有野（家長都要跟少少既，唔係完全唔理），而哩個magic仲可以玩到上小學，因為大部份津小/谷校，其實都係哩種模式教學，所以讀KV, 大部份最後都會扣到名津。但K1-K2 d 野淺到阿媽驚，唔會好似讀LH咁多野睇/玩，所以好多會外補番英文，比番多d野個小朋友操下練習，考下證書，為扣門舖路。

其實2間學校都各有好處有壞處，如果父母本身工作太繁忙，放工都夜，咁真係KV好d, 但如果父母本身多時間向屋企，又有心力同小朋友玩（因為其實都幾攰架），咁LH會比較適合。

JN1999

happypapa11 發表於 20-12-28 05:59
學之園在疫情下的支援做的很好，教材也好，揀LH；但係雙職家長應該適合KV
...

Agree

JN1999

acceber2018 發表於 20-12-28 11:11
本帖最後由 acceber2018 於 20-12-28 11:13 編輯

請問你是Ｌｈ用家嗎？我見佢哋網站公布嘅升小數據都係 ...

LH 係會裝備到好好比小朋友去考直資／私，一般每個學生都有二三四個offer，最後家長未必會take 直資私小而轉去抽中的政府地區津小/官小

基本上沒有一個學生會全軍覆沒，就算以今年疫情咁大變動

眼見自己班最叻的幾位同事，真係手握八九間offer 都仲繼續考到最後的直資，部份玩到二月、甚至cky 現在仲未有下一階段interview 的消息

DengCK

成日有傳LH好需家長involvement,其實是流言，一年只有一個親子勞作for open day 展示。

隨住LH愈來愈有歷史，神校名校校長對呢間學校亦更有認識，相個入到神小名小的人數愈來愈多。LH學生普遍係好活潑好多嘢講。

當然KV都是好學校，但係兩樣嘢黎好難比較。

DengCK

acceber2018 發表於 20-12-28 11:11
本帖最後由 acceber2018 於 20-12-28 11:13 編輯

請問你是Ｌｈ用家嗎？我見佢哋網站公布嘅升小數據都係 ...

用家係有收到offer總數清單而不是最終入讀（即官網果個）數據。網上亦有流傳。如果睇到你會好impressed

Ｍａｃｙ

回覆 DengCK 的帖子

KV: 網課 支援，真係暴露了不少課程設計的⋯⋯（有必要與時並進）

LH: 很明顯佢哋嘅課程發展部，真係用心編寫教材，
經常會更新教材，教學設計優秀、有心思、超有心。
創校校長統領學校課程及發展、監管工作。

longm7584

多謝咁多位嘅分享，似乎撇除家長有冇時間之外， L H真係好吸引。

JN1999

longm7584 發表於 21-1-3 12:57
多謝咁多位嘅分享，似乎撇除家長有冇時間之外， L H真係好吸引。

其實LH 所謂嘅家校合作，好多都自由參與
其實又冇咩特野一定要家長參與，一個學期一次觀課及茶聚，其實唔一定要去，當然父母好想睇吓小朋友喺學校嘅上堂模式啦，今年呢啲都變左zoom 形式，自問我好懶，第一年就緊張D，之後就得閒先去唔得閒就唔去

其餘的，eg 疫情前有outing, open day etc,家長可以參加做義工，我一次都冇參與過，老師校長從來唔會比壓力

總之，如果家長想參與學校嘅活動，係可以有好多機會，但唔參加亦冇問題

pwhr

如果真係心儀LH, 無謂hold住KV個offer, 相信好多家長都等緊KV call waiting

Dollys

KV課程太古老了，
疫情安排已反映學校問題，

longm7584

不知道有沒有KV家長可以評價一下？好像大部份都是LH用家在這裡發言(emoji)

longm7584

Dollys 發表於 21-1-4 15:08
KV課程太古老了，
疫情安排已反映學校問題，

佢哋好似而家好似有改善到，都有網上教學。不過同學之園比，一定冇咁好。

fairycatcher

longm7584 發表於 21-1-4 15:24
不知道有沒有KV家長可以評價一下？好像大部份都是LH用家在這裡發言(emoji)

我係KV家長，讀得KV其實都係希望小朋友讀傳統小學/津校。所以我唔認同上面有家長覺得KV課程無與時並進。我小朋友係今年先插班Kv k2, 我自己幾滿意學校嘅教法，每星期都有小測驗，可以等小朋友開始習慣第時上小學要成日默書，測驗同考試。
教學video完全冇花巧嘢，純粹教小朋友點樣做功課。只要家長努力跟住教學video，基本上小朋友已經識得晒課堂上要學嘅嘢，好輕鬆就可以跟到學校嘅進度。

其實根本唔可以攞KV同LH比較，兩間學校嘅教學理念非常唔同。其實冇話邊間學校就一定好過另外一間嘅

wwwisabella

逆水行舟 不進則退 不求創新既學校會慢慢被時代淘汰