讀寫障礙的特徵??????

koko226

我個女今年10歲,四年班,中英默書自1年級到現在4年級都唔合格得十幾分,有時見佢有溫,但都係唔合格,佢話一見到英文就唔想溫,連普通話拼音都唔掂,早幾日英文老師問我有冇同亞女去評估,會唔會讀寫障礙咁話..............唉,我成日覺得佢懶,點算.......教教我.............唔該   

hoveypan

你女兒學校有否同佢做評估? 因小兒學校都有同佢做評估. 但佢今年只有p1. 唔係好明顯. 我都有問d東華三院或明愛等等都話如佢有d字是反轉寫的就最明顯的特徵.

小孩子的天空

讀寫障礙是一種最常見的特殊學習困難，泛指在閱讀、書寫或拼字方面的障礙。
有讀寫障礙的學童，他們的運作記憶較弱，信息處理的速度也較慢，而在語音處理、視覺及聽覺認知能力、專注力、左右分辨、列序或組織能力也可能會受到影響。

閱讀障礙
讀寫障礙的學童在閱讀方面出現困難。閱讀障礙包括認字和理解方面的困難，引致學生閱讀障礙的原因包括：
1) 聽覺和理解能力差
2) 聽覺或知覺接收速度太慢
3) 無法理解文字符號感到困難

書寫障礙
書寫障礙是指在寫字和書面表達方面出現困難。寫字方面包括空間知覺、視動協調和肌肉控制的能力，書寫的表達包括詞彙，語句和文章的書寫。讀寫障礙的學童常缺乏與書寫有關的能力，以致他們的書寫在外形上不易辨識或空間安排欠佳，內容方面則語句過短，缺乏組織或詞不達意等。

這些學童雖然在學習方面出現問題，但並不等於他們的智力較其他學生為差，或會有嚴重的行為及情緒問題。雖然如此，目前的研究尚未能完全找出讀寫障礙的成因，但遺傳和腦部異常操作已被證實為重要的因素。


讀寫障礙學童在學習時的特徵：

經過重複教導，仍未能認讀簡單的字詞，寫字時經常出現多寫或漏寫的情況
用了很長時間仍未能寫好十數個字詞
能認讀字詞，卻未能了解文章內容
容易忘記已學的字詞
對串字和拼音感到特別困難
口語表達能力比文字表達能力為佳
學習時容易感到疲倦
學習表現時好時壞
關於讀寫障礙的事實

出現率
讀寫障礙在各種語言中都有出現，估計大約有 3% 至 5% 的人口有輕微至嚴重的讀寫障礙。由於每一個有讀寫障礙的人所面對的學習困難不盡相同，他們需要的學習方法也有差異。

新加坡： 3.3 %
日本： 6 %
英國： 6 %
美國： 8.5 %
意大利： 1.3 - 5 %



性別比率
在外國發現的個案中，有讀寫障礙的男性約是女性的四倍。

犯罪率與讀寫障礙
在美國及歐洲的研究指出，獄中的男性年輕囚犯有讀寫障礙的比率較高，而他們在入獄前從未被診斷出有這個問題。

小孩子的天空

其實"讀障"都有輕微和嚴重之分，如加以教導是可以改善的.........

如我是你的話，我會先去驗眼，如小朋友有遠視或眼肌肉問題的話都好難集中學習的........不過要去一些專業少少的視光師到驗.......

之後才請學校轉介去check讀障......

mayc

koko226:
唔好拖啦!快d去做評估啦!10歲才懷疑,真是有點遲了,我侄仔一年級時懷疑有學障,學校轉介去做評估,但要排期很久,我阿嫂唔等,立即自費去做評估,結果是屬輕度學障,他的特徵是寫字慢,唔記得d中文字,溫習完很快就忘記,在傳統學校受了一年摧殘後,立即轉到啟基,學校對學障的學生支援度大,有特別的英文班給他們上(星期六),有家長小組互相支援,他學習上當然仍有困難,成績欠佳,但他在其他方面都很有自信,今年六年級,在幼童軍取得金紫荊獎(幼童軍最高榮譽)!
我覺得知道問題所在,而最重拾小朋友的學習自尊,如果真的是因學障的原因,比你鬧了這麼多年"懶",真是很冤枉!   

Nymph_

以我所知,依家有部份小學,教署有資助,係為讀障而設.
詳情可以向教署查詢.

koko226

唔該晒各位以上既徵兆,我個女中幾個,<容易忘記已學的字詞 對串字和拼音感到特別困難,學習時容易感到疲倦 學習表現時好時壞 ,語句過短，缺乏組織或詞不達意等>等............
亞女都有參加幼童軍,第一日就話要取金紫荊獎,我都有鼔勵佢,細女D同學仔媽咪都話佢著住套童軍衫叫人都大聲D,有自信D
英文老師又同我講會唔會亞女以為我對佢冇咩期望,所以次次默書都唔合格同超低分,對自己冇自信,所以好多時老師教左佢,佢又識,轉個頭又錯晒,,,,,,,,因亞女小一時默書都攞過100分, 0個陣我都成日要佢溫書,督住佢,鬧完佢,打完佢 ,之後一起喊 ,下學期閞始冇再咁做,放手比佢自由發揮,點知佢到依家都冇次默書合格,
佢有次重問我點解默書唔合格唔打佢 ,佢話D同學亞媽打到D同學瘀晒.........唉
你地話佢到底讀寫障礙定以為我對佢冇期望OR蝦我唔係好識英文0Y, 請各位比D意見

phoebelamlam

其實如果有or無,做下評估先,因為大家都唔pro,
如果你覺得佢真係好多地方都無問題,(生活上ge問題)
但係學習ge問題可能比較大,不妨令自己安樂小小,
做一做lor~~~~ :

Charlotte_mom

有個團體叫"協康會", 係政府/公益金支助機構, 會提供半私家評估/治療服務, 比政府免費服務排期快好多, 你可以考慮下(收費約$600/小時), 仲有樣好處, 係政府服務一定係office hour, 玩殘d家長, 而協康可以安排到office hour後, 或星期六服務

有篇文章係協康寫既, 有關讀寫障礙, 睇完覺得有問題, 可以打去協康約個時間做assessment
http://www.heephong.org/chi/slp/slp_article.php?id_postitem=731#731

唔好覺得難接受, 有問題就應該積極解決, 先至可以真正幫到小朋友呢!

koko226

琴日放學比左兩份中文同常識既卷我,50分滿分兩份都有42同45分,其實 讀寫障礙,會唔會有可能係英文比較嚴重D呢,比如要串字同認字等,我今日打左比佢學校個社工,同佢傾過佢既情況,佢話會同佢班主任傾0下先,了解左再安排. 唔該晒各位既意見同支持       有消息再話你地知

koko226

頭先我又問過學校社工,會唔會佢比較輕微,對英文先會咁,佢話都有可能,但要同佢班主任同英文老師(係英文老師同我講話亞女會唔會有讀寫障礙)傾0下先知亞女到底怕左英文定真係有讀寫障礙??因為之前2-3年班D英文老師我問過佢地洗唔洗同亞女搵補習,佢地都答我唔洗,話佢係懶,叫我督佢多D..............唉...........如果佢真係讀寫障礙,咪好慘,比人話佢懶咁多年